الموضوع: ساعدوني سفره مفاجئه لسويسرا بدون مخطط

السلام عليكم
خططنا نسافر ان شاء الله لباريس وراح نطلع منها لسويسرا بالقطار ..

طبعا التخطيط متأخر لاننا حجزنا بعد العيد ان شاء الله ..
حجزنا السكن والطيران بس المشكله المخطط ..
خاصه بسويسرا .. لان المده قصيره وودنا مانفوت الاماكن الحلوه ..
زيوريخ وجنيف كل وحده ليلتين ..
وانترلاكن اربع ليالي ..
بليييز ساعدونا بمخطط حلو لكل وحده ..

وعندي استفسار ثاني حنا ان شاء الله راح نستخدم الباصات بسويسرا لان فندق جنيف وانترلاكن تتيح لنا استخدام الباصات مجانا .. بس هل الباصات ممكن توصلنا لكل مكان ؟ يعني تؤيدوني ؟؟

واخر استفسار حنا طالعين من باريس على زيوريخ وبعدها بيومين على انترلاكن وبعدها باربع ايام على جنيف كلها بالقطار .. هل ممكن اقص التذاكر كلها مره وحده .. والا كل رحله اقصها من محطتها ؟؟
وهل ممكن نقص التذاكر من هنا عن طريق النت ؟؟

ياليت تساعدوني لاننا ماقررنا الا متأخر ..
وعلى فكره حنا شخصين بس

مواضيع عشوائيه ممكن تكون تعجبك اخترناها لك:

• البوم صوري في لوجانو السويسرية
• أسئلة ويبالها أجوبة
• طلب مساعده لرحله قريبي لاوروبا
• استشاره في خطة سير اوروبا ..
• استفسار عن تيتليس؟ وقمة ؟
• تأشيرة اروبا سارية المفعول
• أرجو المساعدة من الخبراء و المشرفين
• نقطة توقف بين سويسرا والنمسا
• رحلتي غدا اغسطس ارجووووو المساعدة
• متوااجد في انترلاكن و ارجووووووووا المساعده
• اول مره في انترلاكن، البرنامج مضبوط او يحتاج تعديل؟ الله يسعدكم
• اقتراحكم لبعض المناطق السويسرية يوم
• الرجاء المساعدة وفقكم الله
• محتاجة اجابة
• ابي رأيكم في برنامجي في انترلاكن
• مخططي الأخير رأيكم ومشورتكم وتوجيهاتكم
• عاجل بخصوص البطاقة الائثمانية الفيزا
• مجموعة من الاستفسارات لعمالقة سويسرا أرحو التكرم بالافادة
• سبحان من صورها قرية اكتوبر
• بخصوص قمة ينفروا ورأيكم بجدولي

السلام عليكم ورحمة الله وبركاته
انا رحت انترلاكن واللي اعرفه هناك حطيته لكم بس باقي المدن ان شاء الله يفيدونك باقي الاعضاء
وعلى العموم مادامك حجزتي السكن والطيران وباقي التخطيط ف الامور سهله ان شاء الله
انترلاكن افضل الاماكن
1- نهر River Aare
2- زيارة Jungfraujoch - Top of Europe – ((يونفرا يوخ)) وهي القمة الثلجية الرائعة
وتستحق الزيارة وتأخذ من الوقت اكثر من 6 ساعات وذلك بالتنسيق مع شركات سياحية هناك
http://www.jungfraubahn.ch/de/DesktopDefault.aspx
ويفضل زيارتها في جو صحو بعيداً عن الضباب والامطار
وكذلك يفضل لبس النضارات الشمسية وبدونها يصعب على السائح مشاهدة بياض الثلج
كذلك لبس ملابس شتوية
ويجب مراعاة ان القمم المرتفعة يقل فيها الاوكسجين
ويجب الحجز مبكراً تلافياً للزحام
3- البحيرة الزرقاء بلو سي Blausee
4- شلالات رخن باخ في قرية Meiringen
Willkommen bei der Reichenbachfallbahn, Meiringen
5- شلالات تروميل باخ
Trümmelbach Waterfalls ::: General
6- بحيرة برينز BRIENZ
Gemeinde Brienz
7- بحيرة تون Thun

8- بحيرة اوشن سي ممتازه

طبعا في المنتدى تفاصيل عن كل ذا الاماكن
تقدرين تبحثين عنهم حتى في جوجل ويعطيك التفاصيل

اما بالنسبه للباصات
في انترلاكن افضل انكم تاخذون سياره اجار
ويكون معكم جارمن
وتتنقلون من مكان الى اخر

وطبعا المسافه من باريس الى زيورخ طويله
وبالقطارات بتكون شوي متعبه
يبغى لها تطولون بالكم
لانكم بتغيرون من قطار الى قطار

اذا ناوين تاخذون سياره من باريس وتروحون فيها كل الاماكن وتسلمونها في مطار جينيف
بس مشاوير وبتطلع شوي غاليه بس هي فكره حبيت اطرحها .. ممكن تعجبكم

وبالنسبه لتذاكر القطار
اللي اعرفه انك اذا قصيتيهم على النت لازم يرسلون لك التذاكر على البريد وتستلمين النسخه الاصليه
عشان اذا رحتي هناك تعطينها اياهم
اذا ماكنت غلطان
بس قصيها من هناك احسن لك
والاسعار هي نفسها ماتفرق من النت او مباشر

ولاتخافين من وجود مكان او لا بالنسبه للقطار
سواءً قصيتي التذاكر كلها مره وحده او من كل مدينه تذكره عادي
لان الاماكن متوفره

وبالنسبه لباريس
لاتفوتك ديزني لاند

اتمنى اني افدتك
وان شاء الله باقي الاعضاء مايقصرون