[align=center]





الـــــــــــــحـــمــد اللــــــــــــــــــه عــــــــــــــلـى الــــــــــــــــســلامـــه ..

وســـــــــــــــــــــلامــــــــــة الأســــــــــــــــــــــــفـــار .. :36_3_11: :36_3_11:



يارب ستانستي .. تدرين أمس كنتي طاريه على بالي .. أنتي وأحب روما ومكادي و سالكس
وأقول يارب ستانسوا باايطاليا .. وطولوا علينا .. بس مثل ما يقولون من طول الغيبات جاب الغنايم

تلسم الأيادي والله لا يحرمنا منج .. تقرير جمييييييل .. وصور أجمل .. تسلمين يالغاليه ..



وعلى قولة أختي دلع بموضوع أختي راعيه العيون ..






انا ملاحظه هاليومين
تميز لا مثيل له لنساء البوابه الايطاليه :106:



الله يزيدهم ..









تروح ساحة اسبانيا فيه هناك سوق وواحد بنجلاديشي مو زي اللي عندنا يتكلم انجيلزي وايطالي وعربي بعد يبيع كستناء



هذولا موجودين في ساحه نافونا .. بكثرررره .. ولا يغرونج ما يعرفون إلا كلمتين عربيه .. ولا شافوا المحجبات يقعدوا يقولوها .. أنا كنت أكرهم وما أحب أمر من جنبهم .. غصب نشتري من عندهم ..






احنا كنا نحسب خمسة يورو يعني خمسة ريال من زود الدلاخة



عندنا وعندكم خير .. ومن زود دلاختي .. لا جيت بحط بخشيش حطيت عشر أو عشرين يورو .. أقول لا حرام تحطون لهم يورو .. أو 50 سنت .. على بالي ريال .. أحسب أني بالدوحه .. :101:






وتتفرج على الناس المنظر حلو والجو والجلسة روعة



هذي الساحه لها الكثير من الذكريات لدي .. تخيلي يومين كان نروح لها .. تحسبين أن حنا زهقنا .. لا أبد .. إلا راعيين المحلات زهقوا من كثر ما يشوفونا موجودين .. وخاصه الحراس الموجودين على المحلات .. تدرين أكثر الشارع هذا محلات الماركات .. وخصوصاً محل دي آند جي .. الحارس الموجود وده يكفخنا ويمسحنا من على الأرض :109: :109: .. من كثر ما نجي الساحه هذي .. شنسوي قاعدين شهر بروما .. لازم نروح كل يوم .. وهذي الساحه ما أجملها بشهر ابريل .. 4 بالميلادي .. روووووعه .. يحطون على المدرجات الورود عاد أنتي تخيلي أشكال وأنواع وألوان من الورود .. شكلها جنان






صور من المطعم المصري واصحابه المصريين



مستعدين المصريين للتصوير .. ايطاليا عموماً راح تلاقين فيها أخوانا المصريين بكثره .. وفي فينيسيا بالتحديد أكثر

وعلى الفنادق .. أهم شي يكون الفندق نظيف ومرتب .. لأن حرام تحطين 1000 ريال على بس كم ساعه راح تجلسينها بالفندق واللي هي وقت النوم .. لأن أغلب الوقت راح تكونون طالعين ..






سووولي قضية لما صورت السفارة من برة ومسحولي الشريط ..



:109: :109: :109: زين ما سوو شي فيج ..






قبل ما انسى الكولسيو اكثر من دور الدرج حقه مؤلم قديم



لا تذكرني . صحيح أنا حبيت الكالسيوم .. بس اليوم اللي رحت فيه الكالسيوم كنت لابسه كعب .. بالعون أنا ما ألبس كعب .. أحب الشي المريح .. بس ما أدري وش جاني ذاك اليوم إلا ألبس كعب .. ورحت فيه للكالسيوم طبعاً كرهت حياتي .. وتعبت .. وكل شوي الكعب داخل بين الأرضية .. كان مأساه ذاك اليوم بالنسبة لي .. :110: :110:







قبل ما انسى الكهربا هناك 220 فولت .



ما شاء الله عليج .. في كل شي .. :113: :113:






اتذكرت ايام كنت بالمدرسة وكنت معلمة الكيميا مستنفرة على صنع الزجاح ثلاث اسابيع وهي تعلمنا الرجال في خمس دقايق علمنا




:109: :109: :109: :109: :109: :109: :109:
الله يرجك ياعاشقه الترحال .. والله موتيني من الضحك ..
أنا كان ودي أروح مصنع الزجاج بس للأسف ما رحت .. أن شاء الله مره ثانيه ..







في ساحة سان ماركو رح تطلع الكنيسة اللي هي ستة ادوار الدخولية 6 يورو



معقووووووله .. أحنا دخلناها من غير رسوم .. كان الدخول مجاني ..







جلست في مقهى مافيه عزف



ذكرتيني بموقف صار لي .. في أحد المقاهي الموجوده في ساحه سان ماركو .. مره كنت جالسه ومكيييفه .. على الموسيقى .. وخاصة الكمان .. ولأني أحب الكمااان وأموووووت عليه .. كنت مستانسه .. وكان مخفف من الهم اللي بقلبي .. (إذا تبين تعرفين شنو الهم رجعي لموضوعي لايطاليا وعرفي ليش كانت النفس موصله حدها عندي ذاك اليوم) .. طبعاً أنا الحين داخله بالجووو والموسيقى عاجبتني .. وجالسه أشوف البنات الخبل اللي معد أشوف شي إلا رجيلهم من كثر الحمام اللي عليهم .. وشوي إلا ذاك اللي واقف فوق راسي .. وماسك الكمان ويبتسم .. أنا أقول خير يوبا وش تبي .. قام ولا يعزف وأنا منصدمه وش فيه هذا .. خلص وبتسم .. ابتسمت .. رد عزف .. وأنا الحين مستانسه مخلي الكل وقاعد يعزف فوق راسي .. خلص مره مرتين ثلاث .. وكل مره لا خلص ابتسم .. وانا أقول خييير فيه شي .. طلع الأخ يبي بخشيش على عزفه قلت أوكي .. عطيته بس قال لا لا لا :36_1_30: :36_1_30: .. أنا خليت الكل وعزفت لج .. يعني تعطيني دبل .. وانا قاعده مو مصدقه .. طلع الأخ يعزف علي وأنا الغبيه مستانسه وكل مره يخلص يعيد العزف وانا فرحانه .. وعلى بالي يعزف لي .. طلع كل ما زاد العزف زاد البخشيش .. وشسوي أمري لله عطيته .. ولو أنه حرام فيه 100 يورو



سوري طولت عليكم .. صار ردي كنه حلقه ..

لي تعليقات أخرى ولكن احترمت نفسي شوي وقلت ركدي يابنت طلعتي عيون البنيه .. والناس بيحسبون هذا جزء هي منزلته ..



[/align]