الموضوع: يومين ميلانو ثلاثه فينيسيا

خبراء البوابه الايطاليه

بعد اذنكم ابي مساعدتكم في ترتيب برنامجي يومين ميلانو و ثلاث ايم فينيسيا

الله يخليكم لا تبخلو علي ادري المده قصيره بس لازال للرحله بقيه للنمسا بس حبيت تفيدوني بخصوص ايطاليا

وهل ميلان افضل او روما ولكم جزيل الشكر على فكره الرحله من ثلاثه اشخاص عزابيه

مواضيع عشوائيه ممكن تكون تعجبك اخترناها لك:

• شباب المطاعم الاسلامية في فينيسيا
• شهر عسل رايكم لو سمحتو
• ايطاليا الصدمه والترويع
• التوقيع
• بلييييييز ابي مخطط مرتب ادخلوو
• طريقه المواصلات من مطار
• مساعده في السكن
• الاماكن الترفيهه في ميلان
• الى خبراء ايطاليا وش رايكم في خط الرحلة؟
• بطلع روما في الحج احجز الان ولا بعد الصيف
• اللي مامعاه لغة وش يسوي ؟
• سؤال لاهل الخبره في ايطاليا؟
• استفسار بخصوص درجة الحرارة و أشياء أخرى فبرايرأول مرة أروح إيطاليا
• ممكن المساعدة
• نداء نداء لكل الموجودين والزعيمه تتزعمهم لاهنتو
• ضروري بخصوص التاكس فري
• اريد خبير اوربي في هذه الدول
• من وين استأجر سيارة ؟ ميلان زيورخ
• رحلتي وبعض الاستفسارات ارجوا المساعده
• كم تكلفة ايطاليا مع كم سؤال

هلا اخوي الغالي
ايطاليا كل مدنها حلوة وطالما انت حتكون بالمسا فخلك على شمال ايطاليا افضل
زور ميلان واستغن عن فنيسيا ماتستاهل السكن فيها وخاصة انكم عزاب يهمكم التجول فيها
وبامكانكم تزوروها بيوم وترجعون من ميلان .وبقية الخمس الايام وزعوها لزيارة بحيرة كومو ولوقانو سويسرا او اي مدن قريبة من ميلان

بس الوقت متى حيكون للسفر اخوي ترا ماحددت

ياخوان انا لما اشوف اسمئكم وجنبها خبير ومشرف ايطاليا يوقف قلبي كله من حبي لها الدوله العريقه

المهم مشكورين الف مليون شكر على مروركم ومجهوداتكم وتقاريركم وان من اشد المعجبين بيكم وبهالمنتدى الذي لايغني عنه اي شي

المهم اعجبني واقنعني كلامكم جدا بخصوص كلام ابو طلال الاستغناء عن فينيسيا

اذا كان بالامكان زيارتها في يوم ونرجع لميلانو هذا اللي نبيه طبعنا زي ما سبق وذكرت رحله شبابيه لمراعات هالنقطه
سفرنا بيكون تقريبا في شهر سته
طبعا احنا شغالين من بدري عشان اول مره بنزور اكثر من مكان ونبي نعرف كل صغير وكبيره
رحلتنا مخططين الوصول لميلانو
وجدول ايطاليا حسب اقتراحاتك الذهاب بعدها للنمسا المانيا سويسرا اخيرا باريس


لا تبخلو علينا رحلتنا طويله شوي اذا عندكم خبره في كثرة الدول والتنقلات بتكون سلبيه نورونا اذا تبو نختصرها لعيونكم تامروا امر

ولكم مني اجمل وارق تحيه

المشاركة الأصلية كتبت بواسطة samyam
http://www.arabtravelersforum.com/tr...6/#post4445336

ياخوان انا لما اشوف اسمئكم وجنبها خبير ومشرف ايطاليا يوقف قلبي كله من حبي لها الدوله العريقه

المهم مشكورين الف مليون شكر على مروركم ومجهوداتكم وتقاريركم وان من اشد المعجبين بيكم وبهالمنتدى الذي لايغني عنه اي شي

المهم اعجبني واقنعني كلامكم جدا بخصوص كلام ابو طلال الاستغناء عن فينيسيا

اذا كان بالامكان زيارتها في يوم ونرجع لميلانو هذا اللي نبيه طبعنا زي ما سبق وذكرت رحله شبابيه لمراعات هالنقطه
سفرنا بيكون تقريبا في شهر سته
طبعا احنا شغالين من بدري عشان اول مره بنزور اكثر من مكان ونبي نعرف كل صغير وكبيره
رحلتنا مخططين الوصول لميلانو
وجدول ايطاليا حسب اقتراحاتك الذهاب بعدها للنمسا المانيا سويسرا اخيرا باريس


لا تبخلو علينا رحلتنا طويله شوي اذا عندكم خبره في كثرة الدول والتنقلات بتكون سلبيه نورونا اذا تبو نختصرها لعيونكم تامروا امر

ولكم مني اجمل وارق تحيه



مرحبا اخوي خجلتني بكلامك الحلو تسلم ........
كم يوم عندكم ختى اسوي لكم جدول فلللللله شبابي ........

الجدول ياقلبي مفتوح تقيدنا الميزانيه مابين 30 الى 40 الف بدون تذاكر

طبعا خذ راحتك بختيار المدن وطريقة التنقل وكل ماتريد عمله

كم يوم عندكم؟؟؟؟

تبون اسواق حابين تتسوقون

بدون تسوق ترفيه فقط

الرحله تبداء من ميلان.....

انت خلي ميلان ليلتين .........
وجاردا 3 ليالي ......
الحين اقولك ليش ..
ميلان يوم تمشو في الدومو واليوم الثاني روحو كومو ولوقانو عند بعض المسافه كومو ساعه عن ميلان .....

جاردا يوم تقضونه في جاردا وسير ميوني واذا عندكم وقت روحو فيرونا ....طبعا السكن في جاردا في السنتر افضل ...
اليوم الثاني روحو جاردا لاند مدينه العاب كبيره شوف الرابط....طبعا الان حاطين دعايه علشان الكرسمس كل شهر دعيات غير .......
http://www.gardaland.it/en/home.php

مدينه الالعاب الثانيه ويمكن تعجبكم اكثر موفي لاند بارك صدقني بتحبونها ....عاد انت اختار وحده منهم ...
http://www.canevaworld.it/movieland/

كللهم عند جاردا ....
اليوم الثالث روحو فينيسيا تقريبا ساعه ونص.....وشف الموضوع اللي بتوقيعي عن فينيسيا ......

خلصنا ايطاليا....(السكن في ميلان خوذو فنادق 3 نجوم مادام معكم سياره ارخص من اللي عند الدومو بكثير .. حتى جاردا بعد)...

من جاردا تروحون زلامسي حدود 4 ساعات ونص .......3 ايام
http://www.arabtravelersforum.com/travel68721/

زيورخ يومين ...المسافه زلامسي عن زيورخ 5 ساعات ونص ...

انترلاكن 3 ايام .....زيورخ عن انتر لاكن ساعه ونص ......

عندكم اختيارين اما تروحون باريس من انترلاكن حدود 7 ساعات ....او تنزلون بجنيف يومين وبعدها باريس ..
باريس اقل شي يبيلها 3 ايام الميافه مابين جنيف وباريس 5 ساعات وشوي ...

الفنادق خوذو رخيصه من نجمتين و3 نجوم لانكم حرام تاخذون غالي وانتم اكثر الوقت برى الفندق الفندق خلوه راحه ونوم بس ..لاتنسون تاخذون فنادق مع تكييف خاصه ايطاليا الجو ماراح يكون حر حلو في المناطق الجبيله بس ميلان اتوقع احر منطقه ...
الاكل لاتروحون مطاعم غاليه يعني حتى تحللون السفره وتوفرون اكثر .....
احسب سعر السياره للايام كللها واليوميه خلها 100-150 يورو وممكن اقل اكل كل الوجبات مع شرب ....
وبالنسبه للسواقه بتقول طويل مادامكم 3 شباب كل واحد يسوق شوي اريح لكم وترى الطريق ممتع .....

ووبس تعبت......
ان شاء الله يعجبك الجدول وانا بالخدمه لاي استفسار .....

حبيبي الطليانو اسف جدا على ازعاجك وايضا علا تعبك وقتك

ولكن معروفك هذا مرح انساه ابدا وانشاء الله يجي يوم ونرد لك جميلك علينا

2 ميلانو 3 جاردا 3 زيلاميسي 2 زيورخ 2 جنيف 3 باريس

المده 15 يوم الاشخاص 3 الفتره شهر سته

جدول جميل واعجبني ولكن هل تقصد ان نستغني عن زيارة فيينا وسالزبورق
هل تكفي يومين لجنيف وهل نستخني عن السكن في انترلاكن
هل تكفي باريس 3 ايام

طبعا التنقلات بين المدن سوف تكون بالقطار ام السياره لانه اول مره وصعب نستاجر سياره ونتنقل بها اتوقع بيكون صعبه علينا وانت ابخص

بالنسبه للتفاصيل اثنا تواجدنا في ميلان او ايطاليا بشكل عام سوف نناقشها بعدين

المهم الن اتوقع مناقشة الميزانية بالدرجه الاولى

من ناحيتي اعجبني ذوقك وبرنامجك بس لم تتطرق للتكلفه

اذا اخترنا فنادق حسب اقتراحاتك وتوجيهاتك من نجمتين او ثلاث كم تكلف هالرحله للمدن التي سبق ان زرتها سواء في ايطاليا او غيره

بصفتنا شباب ماهي المدن اللي بنستمتع فيها اكثر من شان نسق عدد الايام طبع انا من محبين اوروبا بكامله وليس عندي اي اعتراض بالبقاء في اي مدينه ولكن يهمني رئيك وتوجيهاتك

هلا اخوي بالنسبه للجدول لوتلاحظ خليته كلله بالسياره لان متعت السياره غيييير لو عندك خريطه تتابع المدن بتشوف
احس السياره افضل لام القطار تختلف الاسعار ....السياره مو لازم اخر موديل ومداكم 3 شباب
خذو سياره صغيره .......والسواقه باوربا متعتها غييييير والله خخخخ......
تدري مخطط اروح باريس بالسياره مع ان المسافه 11 ساعه مع توقف للبانزين والاكل لان الطريق ممتع مرره ...وترها ثاني مره بسويها ....
السكن من نجمتين الى 3 نجمات يختلف لكل بلد بشوف لك فنادق بس بعطيك هذي الفنادق اذا معكم سياره لان اذا بالقطار الافضل تسكنون قريب المحطه واسعا الفادق اللي قريبه من المحطه اغلى شوي السياره سف يوروكار اسعارهم حلوه شف السياره مده 15 يوم .........وشف تنقلات القطار مع المترو او الباص او التكسي ......
مع اني انصح وبشده بالسياره ......ومعليك مو صعبه بالبدايه انا تخوفت من السياره اصلا صحكت على نفسي اول ماجيت ايطاليا احسب الدركسيون يمين خخخخخ واشوى طلع يسار ......اهم شي تنتظم بالنظام المرور وربط حزام الامان وبس ......
او ممكن تستاجر السياره في ميلان وتسلمها في جنيف او انتر لاكن وتروح لباريس بالقطار ,.......
جنيف يكفيها يومين ......
باريس براحتك هي حلوه ممكن 3 ايام .......
انتر لاكن احلا من جنيف وخاصه الطبيعه ...وبراحتك اذا تبي تلغي ممكن جنيف وتزيد لايام لباريس ولاتنسى ديزني في باريس .........
ان شاء الله كل شي واضح .......
اي استفسار حنا واخواني بالخدمه ......

اخوي كلامك جميل وانت اجمل وانا اقتنعت بكلامك وخططتك

بالرغم انك ما تكلمت عن الاسعار الشي الثاني الحظ من كلامك همشت النمست بالرغم انها اكثر مكان متحمسله

اولا يمهني هل ميزانيتنا كافيه او لا ل 15 يوم دخيلك جوابني

اذا كافيه بنبدا نرتب رحلتنا باريحيه

المشاركة الأصلية كتبت بواسطة samyam
http://www.arabtravelersforum.com/tr...4/#post4449894

اخوي كلامك جميل وانت اجمل وانا اقتنعت بكلامك وخططتك

بالرغم انك ما تكلمت عن الاسعار الشي الثاني الحظ من كلامك همشت النمست بالرغم انها اكثر مكان متحمسله

اولا يمهني هل ميزانيتنا كافيه او لا ل 15 يوم دخيلك جوابني

اذا كافيه بنبدا نرتب رحلتنا باريحيه




هلا اخوي بالنسبه للنمسا براحتك تبي فيينا ممكن تلغي جنيف اوتزيد كم يوم يوم بس فيينا بعيده عن جاردا اقرب لجاردا زلامسي لانك اذا تبي فيينا ترجع لزلامسي فالاحسن نمشي حبه حبه يعني طريق مافيه رجعات متواصل واذا متحمس للنمسا عادي زيد 3 ايام ووشف مدينه تكون على طريقك اللي يوديك لسويسرا اشوفه كذا احلا وبتصير ان شاء الله مغامره حلوه ....
بالنسبه للميزانيه اشوف لك وارد لك خبر بعدين......

مرحبا اخوي حسبتلك 40 الف احتياطا حد اقصى....وتري الحساب لمجموع الايام موبس ليله وحد السعر مجموع الايام لكل مدينه اوكيه ....

ميلان ليلتين 200 يورو ...فندق 3 نجوم شف موقع بوكينج ...بس خلى حد اقصى 200 يورو اذا اقل احسن ...

جاردا بتكون غاليه حطيتلك مجموع 3 ايام حدود 350 يورو حد اقصى ......

زلامسي 200يورو حد اقصى .......حق 3 ايام...

زيورخ 200 يورو...حق يومين

جنيف 200يورو حق يومين

باريس 3 ايام عاد باريس غاليه فيه فنادق حق مجموع 3 ايام قول 600 يورو حد اقصى ........
طبعا الاسعار حق 3 اشخاص.......

مجموع الفنادق 1750 يورو خلها 1800 يورو ..........


خل الفنادق مابين 10 الاف ريال --12 الف ريال حد اقصى ....
مصاريف يوميه مده 15 يوم --2500 يورو ..12 الف ريال ....
السياره حدود 11 الف ريال ......حدود 2000يورو مده 15 يوم من شركه يورب كار
كذا المجموع 35 الف ريال +5000 احتياط مصاريف ...ولاتنسى البانزين السياره ...
السياره خذ ديزل ارخص واطول فتره ......

ان شاء الله كل شي واضح .......

هل يسعدك اخوي الطليانو وربي افدتني كثير ورح امشي على برنامج بالرغم ان الشباب قالو جارودا ماتستاهل السكن فيه

ونصحوني اطول بميلانو ولكن مافيه احد اخبر واعرف منك بايطاليا انت خبيرنا المتالق

دام اربعين الف بتكفي انا توكلت ورح نترك السياره بسويسرا زي ما سبق وان قلتو باريس ما تحتاج سياره

بالنسبه للفنادق بشوف بوكنق

ولكن اخر استفسار وادري اني لو عندك بتصفقني من كثر الاسئله بس وربي بحاول يكون الاخير

هل تنصحني اخذ حجز الفنادق عن طريق مكتب لاني حصلت مكتب بيقول بعطيك اقل من اسعار النت

والشباب يقولو موقع بوكنق ما يحسب على الا بس اليوم اللي اسكن فيه

اش تنصحني وانشاء الله بادعيلك انت وخبيرنا وكل مشرفينا واعضاء هالمنتدى الرائعين

وكل عام وانت بخير وعيدك مبارك

ويارب يخليك تحصل الضحيه اللي تعجبك وسعر رخيص يااااااااااااارب