السلام عليكم ورحمة الله وبركاته
الى خبراء ايطاليا الاعزاء
قررنا انا وواحد من الشباب ناخذ جولة اوربية .. وهي المرة الاولى اللي نسافر فيها الى اوروبا .. يعني مييييح في القارة العجوز ولا ندري وش الطبخة
الوجهة الرئيسية .. ايطاليا لكن بندخل فيها باريس ومدريد
طبعا حنا على الله ثم عليكم يعني اقترحوا علينا الله يرضى عليكم
يوم الانطلاق ... 21 يناير والوصول بيكون الى روما ..
نبي ناصل المدن التالية
روما
ميلان
تورينو
باريس
مدريد
فلورنسا
فينيسيا
الرجعة 4 فبراير
الخطة ان روما تكون يومين .. يوم الوصول ويوم الرجوع
باريس 3 ايام
باقي المدن على يومين
يوم شفت الخريطة حسيت ان مدريد صعبة مرة لكن انا ماعندي اي خبرة بقطارات اوروبا ولا ادري وش السالفة
اللي يقترح نشيل مدريد من الخطة .. يعطينا يومين في اي مدينة اوربية خارج ايطاليا يعني مثلا النمسا لاننا ودنا نخلي الرحلة على 3 دول اوربية
ياجماعة الخير مشكلتنا ماندري وش وضع التنقلات واسعارها .. ولا رسمنا الى الان مخطط مابين المدن .. كل اللي سويناه اننا ذكرنا المدن اللي ودنا نزورها لكن مارتبناها الى الان .. وانا خويي محتارين .. قلت له ماعليك باذن الله الجماعة مايقصرون وبيعطوننا العلم الصحيح
وفيه مدينة تونا مقترحينها اللي هي بيزا .. لكن هل تكفيها يوم واحد؟
فيه مدينتين لا تحتمل تغيير التاريخ لان قصد زيارتها حضور مباريات .. واللي هي ميلان وتورينو
ميلان لازم نكون فيها 25 يناير
وتورينو 31 يناير
والباقي ماعندنا مشكلة في تاريخه
وكم تتوقعون لازم تكون ميزانية الشخص الواحد بدون تذاكر السفر .. وبالنسبة للفنادق 3 نجوم والاكل ندبر انفسنا مهوب لازم مطاعم غالية ..
الله يرحم والديكم دلونا وعلمونا وش الزين
شكرا سلفامواضيع عشوائيه ممكن تكون تعجبك اخترناها لك:
- شهر العسل ممكن مساعده
- تخطيطي لصيف استشاراتكم
- استفسارات عاجلة بخصوص الشنجن من مكتب التأشيرات
- شهر عسل ايطاليا مساعدتكم يا اخوان
- نصيحة لمسافر لايطاليا في فبراير
- احسن مناطق للسكن قريب الدومو ؟؟
- موسم التنزيلات في عاصمة الاناقه الايطالية
- اعندي سوال عن الخطوط الايطالية
- فين في ايطاليا
- ماهي المدن القريبه من روما
- فنادق فينيسيا قبل السفره بليييز
- ابي استشاره من اهل التخصص
- يارب حد يحن علي ويساعدني
- ممكن مساعدتكم
- تذاكر الطيران ﻻيطاليا ارخص خطوك؟
- شقه في ميلانو او لوقانو
- جنان من ايطاليا
- اربع أيام في إيطاليا
- تكفون ابي احضر مباراة الانتر مانشستر الهلالي تكفى
- ارجو مساعدتكم في تخطيط الرحلة لمدة ايام
رد مع اقتباس
المفضلات