السلام عليكم ورحمه الله وبركاته
يا جماعة احنا ان شاء الله بنسافر لندن في 8 اغسطس و هذي اول مره نروح لها ف عندي مليون سؤال
اول اول شيء احنا عائلة مكونة من خمس كبار و طفلين .. حلو ؟
1- ممكن تفيدوني باحد او مكتب يوصلنا من المطار للاوتيل بسيارة عائلية بافضل سعر .. و انا قريت عن شركة ميني كاب بس ما اعرف عن سياستها هل لازم نحول لهم المبلغ والا الدفع لما نركب ؟ وهل تنصحون فيها ؟
2- احنا ما نفهم في خرايط الاندر قراوند وذا الاشياء .. هل تحسون ان الامر في هالحاله الافضل لنا في التنقلات التكاسي ؟ والا سهل الواحد يتعلم للمترو ؟
3- احنا فيه ايام استاجرنا فيها شقق ما فيها رسبشن ولا شيء .. ولا كتبوا هل فيه مصعد او لا .. وانا قريت ان فيه كثير عماير لندن كذا .. الزبده في هالحاله كيف نتصرف في الشنط ؟ فيه ممكن نلقى احد يقدر يساعدنا بمقابل ؟
4- لما يقلب الجو ويصير مطر هل فيه اشياء تقفل ؟ اقصد فيه اماكن متعلقه بالطقس ؟ واذا ايه ايش هي ؟ الهايد بارك تنفع في المطر ؟
5- بالنسبه للباص الاحمر السياحي لما يوقف على مكان لازم نلتزم بوقت معين وبعدها نرجع نركب الباص والا لا ؟ و هل هو اصلا يوقف على الاماكن السياحيه والا مجرد انه يمر عليها ويخلينا نشوفها ؟ و هل سعره يشمل تذاكر هالاماكن السياحيه ؟
6- ايش احسن اننا نروح مع الباص جوله سياحيه والا نرتب لها رحله من مكتب سياحي هناك ؟
7- بورن سفاري بارك هل لازم احنا نجيب معانا سياره والا هم يوفرونها لنا ؟ ( اقصد يكون واحد من اللي يشتغلون معهم هو اللي يسوقها و نركب معه ) .. و انا قريت انها ما تنقع في الشتاء لان الحيوانات تكون متخبيه بين الاشجار ف ما يكون فيه متعه بالموضوع بس ما ادري هالشيء ينطبق في شهر اغسطس ؟
8- بالنسبة للمطاعم هل لازم حجز مسبق ؟
9- بالنسبة للانترنت انا قريت مواضيع ونصحوا الاخوان ب وصلة usb لكن المشكله ان جهازي ايباد بدون شريحه وانا احتاج النت .. ف هل يبيعون شيء زي مودم هواوي وانا ادخل جواه شريحه نت والا كيف ؟ يعني ابغى شيء متنقل طبعا بدون اسلاك و لا يكون يو اس بي لان الايباد ماله مدخل
10 - بيكادللي - اكسفورد - لندن آي - بيج بن - سلفردج - هارودز - هايد بارك - مدام توسو - ويست فيلد - شارع العرب - كوفنت جاردن
اعرف ان هالاماكن كلها حلوة ومهمه لكن يا ليت تكتبون لي الاشياء اللي جنب بعض عشان اعرف احدد الجدول كيف يكون
11- فيه احد يعرف محلات هناك تبيع اغراض نمط انجليزي (شابي شيك ) زي محل كاث كيدستون ؟
وآخر شيء يا ليت تعطوني ارشادات عامة ممكن الواحد يغفل عنها
الله يسعدكم جميعامواضيع عشوائيه ممكن تكون تعجبك اخترناها لك:
- رحلتي إلى لندن بعنوان لندن بلا ليل من إلى يوليو
- افضل مدينة في بريطانيا لتعليم اللغه
- بوعبدالله الله يرضى عليك طلبتك؟؟
- مطاعم هنديه قريبة من الاكسفورد وشارع العرب
- خبراء اسكوتلند ممكن شوي بس
- مساااااعدة
- خطه للسياحه في بريطانيا ارجو المساعده
- مساعده لتنظيم رحله الى لندن
- رأيكم في هذا الفندق في لندن ؟؟
- تنظيم رحلة الى لندن في يوم مع ذكر الاماكن السياحية المهمة ومحطات الاندرقراوند
- السفر الى سكوتلندا
- مسافرين لندن اسئله عن السكن والمواصلات والسكارى
- مرفأ برايتون صورة متحركة درجة
- ابي مساعده للتاكسي
- في شهر ابريل كيف تكون لندن
- رحلة لندنية للصيف المرجو المساعدة
- استخراج حساب من بنك بريطاني
- سؤالين بسيطه
- اتمنى احد يفيدني بمنطقه للسكن في بريطانيا للسياحه
- معرس ويبي فندق لي ولزوجتي وايضا مطاعم
رد مع اقتباس
المفضلات