السلام عليكم ورحمه الله وبركاته
يا جماعة احنا ان شاء الله بنسافر لندن في 8 اغسطس و هذي اول مره نروح لها ف عندي مليون سؤال
اول اول شيء احنا عائلة مكونة من خمس كبار و طفلين .. حلو ؟
1- ممكن تفيدوني باحد او مكتب يوصلنا من المطار للاوتيل بسيارة عائلية بافضل سعر .. و انا قريت عن شركة ميني كاب بس ما اعرف عن سياستها هل لازم نحول لهم المبلغ والا الدفع لما نركب ؟ وهل تنصحون فيها ؟
2- احنا ما نفهم في خرايط الاندر قراوند وذا الاشياء .. هل تحسون ان الامر في هالحاله الافضل لنا في التنقلات التكاسي ؟ والا سهل الواحد يتعلم للمترو ؟
3- احنا فيه ايام استاجرنا فيها شقق ما فيها رسبشن ولا شيء .. ولا كتبوا هل فيه مصعد او لا .. وانا قريت ان فيه كثير عماير لندن كذا .. الزبده في هالحاله كيف نتصرف في الشنط ؟ فيه ممكن نلقى احد يقدر يساعدنا بمقابل ؟
4- لما يقلب الجو ويصير مطر هل فيه اشياء تقفل ؟ اقصد فيه اماكن متعلقه بالطقس ؟ واذا ايه ايش هي ؟ الهايد بارك تنفع في المطر ؟
5- بالنسبه للباص الاحمر السياحي لما يوقف على مكان لازم نلتزم بوقت معين وبعدها نرجع نركب الباص والا لا ؟ و هل هو اصلا يوقف على الاماكن السياحيه والا مجرد انه يمر عليها ويخلينا نشوفها ؟ و هل سعره يشمل تذاكر هالاماكن السياحيه ؟
6- ايش احسن اننا نروح مع الباص جوله سياحيه والا نرتب لها رحله من مكتب سياحي هناك ؟
7- بورن سفاري بارك هل لازم احنا نجيب معانا سياره والا هم يوفرونها لنا ؟ ( اقصد يكون واحد من اللي يشتغلون معهم هو اللي يسوقها و نركب معه ) .. و انا قريت انها ما تنقع في الشتاء لان الحيوانات تكون متخبيه بين الاشجار ف ما يكون فيه متعه بالموضوع بس ما ادري هالشيء ينطبق في شهر اغسطس ؟
8- بالنسبة للمطاعم هل لازم حجز مسبق ؟
9- بالنسبة للانترنت انا قريت مواضيع ونصحوا الاخوان ب وصلة usb لكن المشكله ان جهازي ايباد بدون شريحه وانا احتاج النت .. ف هل يبيعون شيء زي مودم هواوي وانا ادخل جواه شريحه نت والا كيف ؟ يعني ابغى شيء متنقل طبعا بدون اسلاك و لا يكون يو اس بي لان الايباد ماله مدخل
10 - بيكادللي - اكسفورد - لندن آي - بيج بن - سلفردج - هارودز - هايد بارك - مدام توسو - ويست فيلد - شارع العرب - كوفنت جاردن
اعرف ان هالاماكن كلها حلوة ومهمه لكن يا ليت تكتبون لي الاشياء اللي جنب بعض عشان اعرف احدد الجدول كيف يكون
11- فيه احد يعرف محلات هناك تبيع اغراض نمط انجليزي (شابي شيك ) زي محل كاث كيدستون ؟
وآخر شيء يا ليت تعطوني ارشادات عامة ممكن الواحد يغفل عنها
الله يسعدكم جميعامواضيع عشوائيه ممكن تكون تعجبك اخترناها لك:
- الرحلة قربت وجاري تجهيز البرنامج استفسارات
- الخبراء الافاضل وسؤال عن جولة الباص
- ¤ ¤
- إستفسار عن لندن وإيرلندا لاهنتو
- رأيكم في هذه الشقق في مانشستر
- زراعة الخلايا الجذعية في لندن
- نوتنغهام فوريست
- هل الحجز من مضمون
- كيفية تحصيل مبالغ الضرائب
- استفسار عن تغيير حجوزات يوروستار
- البحيرات في نوفمبر
- استفسااااار صغيرووون
- فنادق لندن
- استفسار مهم وضروري بخصوص الفيزا
- هااام
- شقه في تشيلسي لمدة اشهر
- حدائق الحيوانات في لندن
- ما رأيكم شيراتون بارك تاور او جروفينور هاوس هوتيل
- ممكن مساعده الله يرزقكم الجنه
- لندن شهر
رد مع اقتباس
المفضلات