الموضوع: خبراء اسكوتلند ممكن شوي بس

السلام عليكم ورحمة الله وبركاته

اصدقائي اعضاء العرب المسافرون بليز ابي خدمه منكم ..

ان شاءالله سفرتنا بتكون بعد اسبوعين بالضبط من الحين المسافرين انا وزوجي بس ...


الرحله بتكون من مطار الدوحه الى مانشستر لان القطريه للاسف ماتروح اسكوتلند .. تعرفون مسافه مب قريبه من مانشستر الى غلاسكو او ادنبره لان ناوين نسكن هناك زوجي اقترح علي قالي اشرايج نسكن في Lake District بس اول يومين علشان الاستجمام والطبيعه والراحه وبعدها نكمل الى غلاسكو او ادنبره لحد الان ماخترنا مكان للسكن

هل تشوفون Lake District هاذي المنطقه مكان تستاهل ان الواحد يسكن فيها ؟ او اذا تعرفون مكان اجمل منه للسكن بحيره ثاني من البحيرات ياليت ماتبخلون علينا لان خاطري في مكان فيه طبيعه حلوه وينفع للريلاكس والهدوء واهم شي تكون طبيعه حلوه وماتكون مقطوعه عن العالم فيها مطاعم واماكن حلوه .. لان لازم نحجز سكن خلال هاليومين وبصراحه محتارين مانبي نسكن في مكان ويطلع مش ولابد لان بنقعد في اسكتلندا بس 5 ايام وبعدها الى لندن ابي نتوفق في مكان حلو وينفع للاستجمام

واخر شي تنصحونا نسكن في غلاسكو ولا ادنبره بصراحه كل مانسال ونشوف الكل يقول لنا كل منطقه منهم ولها جمالها .. بس انا ابي الاحلى شنو .. واذا حد له خبره في اسكوتلند ويعرف مناطق هناك حلوه او قرى او انشطه بليز ياليت مايبخل علي فيها وراح ادعيلكم من كل قلبي لاني تعبت وانا احوس في المنتديات بدون فايده ... ويارب تطلع اسكوتلند حلووه ومااتحسف ان احنا رحنا لها نظرا لقلة المعلومات عنها دعواتكم لي


انتظر ردودكم والف شكر لكل شخص بيجاوبني والله يجزاه خير

مواضيع عشوائيه ممكن تكون تعجبك اخترناها لك:

• فزعه يا نشاما
• احسن طيار ؟؟
• أفضل طريقة للتنقل من بريطانيا إلى مدن أوروبا
• اول مرة لندن المساعدة يا كرام
• مصنع كادبوري للشوكلاته
• ااااه ياااقلبي خسرررت الف ريال بسبب تسجيلي بالقطار وش الحل
• التامين الطبي في بريطانيا ساعدوني الله يجزاكم الف خير
• فزعتكم اسافر باجر لندن
• بخصوص محطات المترو
• مرفأ برايتون صورة متحركة درجة
• رحلة الى مدينه الالعاب ليجولاند
• سفرتي بعد اسبوع ممكن رايكم بجدولي السياحي
• ايهم اجمل كريف؟
• مدن ريفيه قريبه من لندن
• كارديف ولندن ؟
• حجز الفنادق عن طريق الفيزا ؟؟؟
• فندق تسلسل ماربل ارش ؟
• فيزا دراسة ولا فيزا سياحة
• شلون اخذ التاكس من المطار ؟
• قطار

بحيرة وينداميير

أسهل طريقة للذهاب الى مدينة وينداميير Windermere بالقطار حيث هناك تقع بحيرة وينداميير


رابط القطار للحجز
http://www.nationalrail.co.uk/

عند الوصول الى المدينة سوف تشاهدون خارج محطة القطار الصغيرة محلات تسوق ، وخلفها جهة المدينة سوف تشاهدون مركز الإرشاد السياحي. وهو يوفر جميع الارشادات السياحية
وممكن الذهاب بالتاكسي للمدينة والبحيرة.

أو إذا كنتو من هوات المشي ؟ تروحون مشي ويبعد وسط المدينة أقل من 10 دقائق ، والبحيرة حوالي 20 دقيقة .

السكن متوفر في كل مكان سواء فنادق أو نزل رخيصة .

يتوفر في المنطقة أماكن استجمام ورحلات في البحيرة ، واستئجار قوارب ، ومطاعم متنوعة .

المدينة صغيرة نوعا ما .
والتنزة حول البحيرة ، وركوب القوارب أفضل شيء في المنطقة .

يومين كافية تماما.

يمكن يوم واحد يكون كافي بعد إذا كنت مستعجل .

وممكن تسوون بحث في قوقل.. معلومات شاملة عن المنطقة
Lake Windermere, Cumbria

أفضل وقت لزيارتها من شهر 4 الى شهر 10
وهذا فندق بنظام الشاليهات ممتاز
[size="3"][b][color="darkred"]http://www.booking.com/hotel/gb/burnhowhotel.ar.html?aid=358324
وتوجد بعض المناطق الريفيه الانجليزي وهي مناطق حلوة
1- swansea هذه المنطقة وايد حلوة .
2- tenby منطقة ريفية وهادءة .
3- barryisland منطقة بحرية حبيت احطها لكم لانها وناسة وحركة .
4- brecon وايد حلوه وناسة انصحكم فيها وهذي المنطقة ايبون منها مياه صحية .
وهذا سايت في عن الاكواخ

http://www.walesdirectory.co.uk/holiday-cottages


وهذا فندق مناسب على البحيرة

http://www.macdonaldhotels.co.uk/our...and-hotel-spa/

اتمنى هذه المعلومات تفيدكم


وتوجد موسوعة اسكوت مثبتة

واي خدمة

و عليكم السلام
هلا فني قيرل لك فترة مختفية
يمكن ترتبين الرحلة و تجهزين الشنط

بالطبع وندرمير تستاهل
منطقة رائعة جداً خاصة البحيرة و المطل
و فيها كل أنواع المطاعم هندي صيني تايلندي بريطاني فيش اند تشبس
لي تقرير عنها أتوقع تذكرينه

ارشح ادنبر القعده على برنسس ستريت بالكافيهات ماتتفوت
المدينة حلوة و كل شئ بالسنتر
لابد من زيارة القلعة وشارع الميل و يخت الملكة
مالحقت انزل تقرير عنها عندي مشكلة بالبوم الصور
فيه سكن رائع جداً يعتبر الافضل بادنبره
الشقة اللي أخذناها كلها ارماني من الداخل و فيها جاكوزي
و حديقة ملحقة بها و صالة سينما و فرش خيالي

http://www.chester-residence.com/

رحلة موفقة

موادع

ماقصرت الله يجزاك خير كفيت ووفيت عطيتني معلومات كثيره وكلها حفظتها عندي وان شاءالله راح ازور القرى اللي ذكرتها لي الف شكر لك


اخر فرصه

انا موجوده كل يوم مستحيل اغيب عن هالمنتدى مايبعدني عنه الا الشديد القوي بجد هو بيتي الثاني ... والله يجزاك خير بصراحه ماقصرت حمستني للبحيرات من قلللب انتظر متى يجي وقت السفره على نااااار يارب يكتب لنا يارب .. تعرف احنا كنا تقريبا ناوين على غلاسكو بس انت غيرت فكرتنا وشكلك بتخلينا انحول على ادنبرا .. والشقه اللي ذكرتها رهيبه ديكورها راقي بس ماتحس الشقه كبيره على شخصين بس .. وكيف الخدمه هل في تنظيف كل يوم نفس الفنادق ولا مره في الاسبوع ينظفون ..



مشكوووورين جميعا والله يجزاكم خير

بالعكس مناسبة جداً و راقية
حنا كنا شخصين بس
غرفة نوم+صالون
و التنظيف يومي
منطقتها راقية مشي 5 دقايق لبرنسس ستريت
بس كنا نمشي ساعات يومياً ماتحسين بالملل

اخر فرصه

مشكووووور الف شكر لك بخلي زوجي يحجز لنا فيه حمستني للسكن فيه وفعلا حسيت ان الشقه راقيه

حجزنا في البحيرات يومين و5 ايام بنكون في ادنبره وضواحيها يااااارب تطلع نفس مااحنا متوقعين وتقدر تغطي على جمال سويسرا في اعيوني


شاااااكره لك اخر فرصه ماقصرت والله يجزاك خير

لندن غير

لندن اكيد غير اصلا بنروح لها بنقعد فيها يمكن اسبوع بس ليش قلت لندن غير هل اسكوتلند مش حلوه

لا ابداً لم اقصد ذلك ولايعني ان اسكتلندا ليست جميلة فقط لكل بلد جوه الخاص وطبيعته السياحية

اردت فقط بذكري لندن بفرقها عن سويسرا وباقي الدول الاوروبية بأجوائها اللندنية الساحرة ويومياتها الجميلة وتاريخها العريق يكفي مسرحية باي باي لندن

واتمنى لك اختي رحلة سعيدة وموفقة والله يهنيكم ويسعدكم وترجعون بالسلامة ان شاء الله

الحمدالله تخرعت قلت يمكن تعرف شي على الاقل يمديني اكنسل لو اطلعت مب حلوه

يالبى لندن اكيد حلوووه وفيها سحر غريب تدخل القلب من اول نظره


شكرا لتعليقك ويارب تطلع رحله حلوه وسعيده و يرجع كل مسافر بالسلامه