الموضوع: محتاج مساعدة بخصوص تحويل الفلوس

السلام عليكم

تحية طيبه وبعد

اخواني انا معاي مبلغ 20 الف باوند

وابي ارجع الكويت بعد فتره انا هنا للعلاج

وابي افضل طريقه لتحويل المبلغ علي حسابي

او ارجع بالمبلغ معاي مافي مشاكل بالمطار ,,,,!

محتار والله ولا ادري شسوي

الرجاء منكم الفزعه

مواضيع عشوائيه ممكن تكون تعجبك اخترناها لك:

• بطاقات التخفيض العائليه
• الباكيتج للندن؟
• طلب مساعده ونصائح لزيارة مانشستر
• وش رايكم أشتري من لندن؟؟
• توفير طلب من لندن
• افضل مدينة في بريطانيا لتعليم اللغه
• معرس ويبي فندق لي ولزوجتي وايضا مطاعم
• صور لندنية
• الفيزا و الحجز أونلاين
• زيارة لندن أول مرة
• محتاج رقم مرشده سياحيه ومترجمه بـَ لندن
• لندن والصيف القادم
• مشكلة في تقديم طلب التأشيرة
• اقرب سكن عن عنوان في لندن
• اوتيل في لندن هيلب مي
• خطوات التنقل
• السلام استفسار عن شقق فندقيه
• شرائح الجوال
• ضروري اسئلة كثيرة اتمنى الجواب عليها
• كيف أحجز تذكرة على الخطوط السعودية الى لندن

بسيطه أخي الكريم
سوي لها ايداع في حسابك الشخصي او حساب بطاقتك الائتمانيه واحتفظ ب 30% من المبلغ كاش معك

عبر اي فرع بنك وافضل شيء hsbc

واسحبها من اي مكان تحتاجها منه من الكويت ولا لندن عبر atm
وسلامتك ماتشوف شر
بإذن الله

و عليكم السلام

أشوف أفضل طريقة
تروح بنك الكويت الوطني بلندن و تفتح حساب عندهم
تقدر تسحب منه بلندن أو تسحبه كله لما ترجع الكويت السلامة

هذا عنوانه بلندن

7 Portman Square, Marylebone
London, W1H 6NA

شكرا لكم

لاكن المشكله مايرضون يفتحون حساب الا للطالب او المقيم

^^

عند دخولك أو خروجك بريطانيا يجب عليك قانونا الإفصاح عن المبالغ التي تزيد عن 10 آلاف يورو أو ما يعادلها من عملات أجنبية، يمكنك استخدام الوسترن يونيون أو ما شاكلها من خدمات لتحول المبالغ أو استخدام بطاقة الصراف الآلي لسحب النقودك من حسابك الجاري في بلدك

صعب فتح حساب في لندن

اللي اعرفه صعب انك تفتح حساب في لندن

انا اشوف افضل شى انك تفتح حساب ببنك الكويت الوطنى اللى ابلندن وتودع المبلغ فيه ..غير كذا صعبه تفتح ببنك اخر ابلندن..

السلام عليكم

هلا وغلا الغالي

حطها في مخباك ومحد راح يسألك كم معك ..

اخر مره طلعت ومعي مبلغ ومحد قالي ثلث الثلاثه كم ..

قانونا اتقولهم واذا ماقلت محد سأل ..

واي خدمه احنا في الخدمه

المشاركة الأصلية كتبت بواسطة القطري
http://www.arabtravelersforum.com/tr...8/#post7613488

السلام عليكم هلا وغلا الغالي حطها في مخباك ومحد راح يسألك كم معك .. اخر مره طلعت ومعي مبلغ ومحد قالي ثلث الثلاثه كم .. قانونا اتقولهم واذا ماقلت محد سأل .. واي خدمه احنا في الخدمه



بيظل ع اعصابه !!!!

المشاركة الأصلية كتبت بواسطة لندنيه 2011
http://www.arabtravelersforum.com/tr...2/#post7613712

بيظل ع اعصابه !!!!



صباح الخير مشرفتنا

للامانه

دوم اسويها واعصابي كول ☺
ولا مره حد سألني ..

في مكاتب تحويل صرافة كثيرة عربية في لندن و ضمان ياخذون نسبة بسيطة حوالي 1-2 بالمئة و تعطيهم اسم المستلم و ما في اي مشكلة و ارخص واااايد من ويست نيون

المشاركة الأصلية كتبت بواسطة القطري
http://www.arabtravelersforum.com/tr...6/#post7614186

صباح الخير مشرفتنا

للامانه

دوم اسويها واعصابي كول ☺
ولا مره حد سألني ..



ماشاء الله عليك معناته اعصابك ثلاجه ههههه
انا عكسك بظل ع اعصابي ويمكن اصرفها كلها يوم عشان افتك ههههههههههه