الموضوع: ارجو الرد على استجواباتي ؟

هلا مرة ثانية ابي اسل قريت انة شركة تي موبايل حق لبلاك بيري في لوندن هل هي ممتازة وثانيا وين اخذ الكرت من المطار اول ماوصل ولا وين بضبط انا حجزت في
كمبرلاند الي مجامبل الهايد بارك وبنسبة للمواصلات حق اللوندن اي ومدام توسو وبق بن اشلون هل
استخدم سيارة خاصة احسن يعني اطلب سيارة من الشركة وبتجيني ولا من الفندق تاكسي يودينا ويجيبنا
احسن ولا اشلون لانة بيكون موعد سفرنا 10/2/2013 وحق التمشي بين الشوارع اخذ جاري لولدي 6
سنوات احسن لانة بيتعب اكيد من المشي وافيدوني بنصايحكم وابي اماكن ترفيهية قريبة من الفندق للاطفال وابي اماكن للهدايا بعد بس قريسبة منة

مواضيع عشوائيه ممكن تكون تعجبك اخترناها لك:

• اخواني اريد صور لمدينة ساوثهامبتون
• كيف اوصل الى هذا العنوان
• لاهنتوا أبوعبدالله وموادع وجميع الأخوان إذا عندكم علم عنها
• رايكم وتجاربكم مع موقع هوم اوي
• السفر بالقطار من لندن الى باريس والعودة الى لندن
• تقرير مفصل
• لـ خبيرين بريطآآآنيآآآ آستفسآرآت بسيطه
• مانشستر وفندقها الغريب
• مساعدةالفيزا الترانزيت
• استفسار مهم وضروري بخصوص الفيزا
• فندق كمبرلاند وحجز غير مسترجع الرجاء المساعدة
• كيف استئجار اكواخ في منطقة البحيرات
• اللي راحو لنــــــــــدن والخبــــــراء هم بس اللي يدخلون
• المدن والقرى القريبة من لندن
• استفسار عن وعلى وجه السرعة
• اي الفندقين افضل؟؟؟؟؟
• حضور مباراة الدوري الانجليزي
• مساعدتكم في السكن في مدينة ريدنج
• الى مانشستر
• سنة و أنا ادور على شقة

السلام عليكم

هلا وغلا اهل ديرتي

تي موبايل للبلاك بيري ممتازه وعن نفسي مااستخدم الا هي ..

بالنسبه للاماكن الي اتفضلتي فيها تقدرين تركبون الباص السياحي وراح ايمر على كل هالاماكن .. كل ماوصلتوا عند مكان ممكن تنزلون وتتفرجون وتاخذون الباص الي عقبه ..

السياره الخاصه ممكن اتخلينها حق المشاوير الطويله اذا لكم رغبه لان الباصات اتغطي كل مكان ..

بالنسبه للعربانه وعن سابق تجربه ضروريه

واي خدمه احنا في الخدمه من الموبايل

في المطار في شركه اتصالات ومكتب سياحي تقدر تشتري منه التكت حق البق بص واللندن اي ومدام توسو
وانا عن نفسي استخدمت فودافون شغال ميه ع ميه bbm And whatapp طبعا بالبلاك بييري من الموبايل

http://www.arabtravelersforum.com/travel531370/

ما قصروا الربع يعطيهم العافيه

بس احب اضيف مكان مره جميل للاطفال والترفية والتسلية
على شارع ريجينت بارك
Hamleys
طبعا هو محلات للبيع العاب الاطفال لكن فيه اجواء روعه للاطفال
كمان لاتنسي تنزلي الدور الارضي في فعاليات حلوه
وهذا الرابط حقهم للاطلاع
http://www.hamleys.com/

المكان الثاني الجميل كذلك National Geographic's
مكان جميل وشيق يتحدث عن حياة الدينصورات و السفاري تجربة حلوه
هذا كمان موجود على الريجينت ستريت

رحلة موفقة

فعلا هامليز محل اطفال رائع في الريجنت ستريت ايضا محل ديزني ومحل ام اند امز في البيكاديلي رائعه للاطفال من الموبايل

تذكرت متحف صدق او لا تصدق جميل للاطفال وايضا مدام توسو ممتع لكبار وصغار والاكواريوم اللي عند اللندن اي ممتع للصغار من الموبايل

يسلمو صراحة اخجلتوني بردودكم الوافية للكل الي جاوبوني اخ القطري على راسي لندنية 2011 تحياتي وموادع1 لك الف تحية وسلطان لندن احترامي وتقديري للكل الله يفتحها عليكم احس كل يوم ادخل اجمع معلومات اكثر وحس اني اشوفها وتعرف عليها قبل لاوصل لها بفضلكم والله يسلمو بس حبيت اسال عن الشركةالي اخذ منها الحجز حق لوندن اي ومدام توسو
اسم الشركة اذا ممكن وين تكون بظبط على شان لوصلت اعرف في اي اتجاة اسير وثانيا يعني هاي الحجز يغنين عن الانتظار في الطابور الي يقولون عنة

حياكم الله

ممكن تحجزون من موقع مدام تيسو

http://www.madametussauds.com/London...s/Default.aspx

لحد الحين ماسوينا شي ..

بنكون فعلا قدمنا شي اذا رحتوا واستانستوا ان شاءالله ..

في العاده اخذ تذاكر الباص السياحي +مدام توسو + لندن اي + جوله في النهر الثيمز ( اتكون الجوله مجانيه في العاده مع تذاكر لندن اي ) من مكتب الباص السياحي الي عند تقاطع ادجول رود واكسفورد ..

وراح ايوفر عليكم وقوف الطوابير ..وفي العاده شهر 2 ماايكون في طوابير اما الصيف الله لا ايرويكم ^_*

واي خدمه احنا في الخدمه

العفووو وبالخدمه دائما ...
رحله موفقه .... من الموبايل

صراحة يالقطري انا معجبة بتوضيحاتك مشاء الله تعطي اجابة وافية مشاء الله عليك الله يحفظك واجاباتك دايما توصل للي ابي بضبط فاهمني عدل شبي يسلمو وان شاء الله اوصل ونستانس وبدعيلكم من قلب ولين رجعت بحط لكم تقرير كامل وبذكر انكم العون الذي استعين بة من وراء شاشة اشكركم
من كل قلبي مع اني ماعرفكم الا من خلف شاشة اسالكم وتعطوني اجابات وافية فشكرا يافرسان لندن بنسبة لي انتو فرسان من خلف شاشة ولكن ابطال
في نظري -القطري -موادع1-لندنية2011 -انتو الي دايما تبرزون في مواضيعي من اسال اي سوال تظهر لي الردود باسماء هؤلاء الفرسان الثلاثة

المشاركة الأصلية كتبت بواسطة meme alkuwari
http://www.arabtravelersforum.com/tr...5/#post7418155

صراحة يالقطري انا معجبة بتوضيحاتك مشاء الله تعطي اجابة وافية مشاء الله عليك الله يحفظك واجاباتك دايما توصل للي ابي بضبط فاهمني عدل شبي يسلمو وان شاء الله اوصل ونستانس وبدعيلكم من قلب ولين رجعت بحط لكم تقرير كامل وبذكر انكم العون الذي استعين بة من وراء شاشة اشكركم من كل قلبي مع اني ماعرفكم الا من خلف شاشة اسالكم وتعطوني اجابات وافية فشكرا يافرسان لندن بنسبة لي انتو فرسان من خلف شاشة ولكن ابطال في نظري -القطري -موادع1-لندنية2011 -انتو الي دايما تبرزون في مواضيعي من اسال اي سوال تظهر لي الردود باسماء هؤلاء الفرسان الثلاثة



كلامك دعم جميل للاستمرار والعطاء وابشري بعزك باللي نقدر عليه حبيبتي