المشاركة الأصلية كتبت بواسطة cancerian81
http://www.arabtravelersforum.com/tr...3/#post7551931
السلام عليكم
ان شاء الله فيه نية سفر في شهر مارس لمدة 9 ايام الى لندن ، مبدئيا ومن بعد قراءة المواضيع بالمنتدى ومن واقع تجربة بقولكم جدولي وابيكم تساعدوني فيه بتصحيحكم واقتراحاتكم..
الوصول بيكون الساعة 8 الصبح للندن ، فعلى ما نخلص اجراءات المطار ونطلع ونوصل للفندق الا تقريبا الساعة 10 صباحا واحتياطا بقول 11. بما ان موعد Check in الساعة 2 الظهر ويمكن اقل لو كان فيه غرف فاضية لكن على افتراض ان ما فيه غرف فاضية بيكون الجدول كالتالي:
يوم الوصول الاول:
نترك الجناط بالفندق ونروح نشوف حديقة الهايد بارك وشارع الاكسفورد لمدة ساعتين او 3 ، بعدها نرجع للفندق لاستلام الغرفة ونريح للعصاري او المغرب وننزل اكسفورد مرة ثانية للتمشي والعشاء
اليوم الثاني:
من الصبح ناخذ رحلة الباص السياحي واللي عن طريقه بنروح ساعة البق بن و وترافلجار سكوير وتبديل الحرس ونختمها برحلة نهر التايمز ، بعد ما نرجع من هالرحلة ونريح نطلع ونروح لهارودز والبيكاديلي (يمدينا والا نخليها يوم بروحها)؟
اليوم الثالث:
الذهاب لبستر فيلج اوت لت ، بعد ما نرجع من هالرحلة على حسب الوقت يمكن العصر او المغرب نريح وننزل بعدها نتعشى باكسفورد او نروح لمسرحية من المسرحيات المعروضة او نروح عالم ام اند ام بالليل
اليوم الرابع:
الريجنت بارك
اليوم الخامس:
مانشستر
أشوف استبعادها الا اذا كنت ناوي تزور ملعب مانشسر فقط
انا جدولي هذا نظمته من بعد قراءة عدة جداول بالمنتدى وطبعا ناقص ، في الموضوع الخاص بالجدول السياحي لمدة 7 ايام فيه اشياء مذكورة حابة اسأل عنها علشان اعرف انظم الجدول اكثر.
1- البيكاديلي نروح لها مع رحلة الباص والا نخليها بيوم مع الهارودز مثل ما هو مذكور في موضوع الجدول السياحي المثبت؟
البيكاديلي من أروع مناطق لندن فيها متحف صدق أو لا تصدق ، ام اند ام ، الحي الصيني ، دور سينما كثيرة
و مراكز تجارية بجانب المطاعم الشهيرة مثل فرايديز مكدونالدز و غيرها
بعيدة عن هارودز ممكن تضمها مع جولتكم في الاكسفورد لكنها بحاجة ليوم لوحدها
2- في الجدول مكتوب نبذة عن نهر التايمز (أشهر نهر في اوربا وفي لندن يمر باهم الاماكن السياحة مثل لندن برج ولندن اي والساعة الشهيرة و الباخرة الحربية HMS Belfast وقد شاركت الباخرة في الحرب العالمية الثانية والان عبارة عن متحف ، وتوجد شركات كثيرة على ضفاف النهر لاستأجار القوارب السياحية او حتى المشي بجانب النهر باتجاة لندن برج وتوجد قرية قديمة تحت جسر لندن برج واقرب محطة للنهر London (Bridge - WESTMINSTER - Embankment
تختم رحلة الباص برحلة بالنهر التايمز ، من خلال رحلة الباص اقدر امر على الباخرة الحربية والقرية القديمة والا لا هذيلي اروح لهم بروح بيوم ثاني؟
ممكن اذا بديتوا الرحلة بدري لأن المنطقة فيها معالم كثيرة
3- الاماكن هذي شنو منها اللي موجود برحلة الباص؟ واللي غير موجود يستاهل اروح له والا لا؟
Camden town
London Bridge - هذا بالباص صح؟
Millennium Bridge
Swiss Re Tower
Knights bridge
Roman road
Roman wall
London wall
Kew Gardens
Saint James’s Park
Safari Park
هذا موقع البق باص ممكن تنزل الخريطة و تطلع على الاماكن اللي يمر عليها
http://www.theoriginaltour.com/
4- بتفاصيل رحلة الباص المذكورة بالموضوع المثبت للجدول السياحي كان مذكور الجرين بارك وماربل ارج و المتحف البريطاني ، شنو هالاماكن؟ متاحف والا شنو؟
الجرين بارك حديقة عامة و ماربل ارش معلم سياحي على شكل قوس بطرف الهايد بارك يتوقف عنده الباص
و المتحف البريطاني واضح من اسمه
5- النايسبريدج هي نفسها المنطقة اللي فيها الهارودز ويمها البيكاديلي؟
الهاروز في منطقة النايتس بردج و هي بعيدة عن البيكاديللي
الاماكن اللي ذكرتها باسألتي يا ريت لو تقولون لي باي يوم وعن طريق شنو اروح لها (اندرقراوند والا باص) واي واحد ، ووين صاير عالم ام اند ام؟
كل الاماكن اللي ذكرتها تروح لها بالاندرقراوند و الباصات تروح لها أيضاً
لكني أفضل الاندرقراوند أسرع و أرخص
عالم ام اند ام في البيكاديللي امام مكدونالدز مباشرة
شكرا مقدما
لندن تحتاج أسبوعين على الاقل للمرور على معالمها
فالمهم تستمتعوا بالرحلة دون ارهاق أنفسكم بمحاولة زيارة كل معلم
رد مع اقتباس
المشاركة الأصلية كتبت بواسطة القطري
المفضلات