الموضوع: زيارة لاول مره لدولة قطر

السلام عليكم أهل دولة الكرام

شحالكم يا عيال عمنا

بصراحه نويت أزور دولة قطر من فتره و ما صار لي نصيب الا هالسبت القادم باذن الله تاريخ 5-يناير ..

عندي استفسارات و اتمنى انكم تساعدوني بها و لكم مني الدعاء

1- سكن لــ 3 أشخاص و بسعر مناسب ، يفضل نظام الشقق ، مع ذكر إحداثيات السكن للأهميه

2- الأماكن السياحيه التي تنصحوني بزيارتها، مثل : سوق واقف ... الخ ، مع ذكر إحداثيات السكن رجاء

3- هل فيه أماكن Entertanment للكبار ؟ مع ذكر إحداثيات السكن إن أمكن

4- و أخيرا ،، التسوق و خاصة بالأشياء القطريه من التراث الشعبي و الحلويات و و و ، مع ذكر إحداثيات السكن للأهميه.


ولكم مني كل الشكر والتفدير

مواضيع عشوائيه ممكن تكون تعجبك اخترناها لك:

• حجز الخطوط الجويه القطريه من النت احجز وانت في بيتك
• توني جاي من قطر البارحه وتوهقت هناك
• بالقرب من مركز المعارض هل أجدإطلالة بحرية، السكن شامل الفطور، سعر معقول؟
• الأخوان في قطر
• محتاج مساعدتكم اول مره اسافر قطر
• استفسار عن الشقق الفندقيه في قطر
• جنة الخليج أو الدوحة جراند ؟
• أريـد فـنـااادق مـنـاسـبـة للــسـكـن
• يا أهل دوحة الخير
• استكشف قطر
• استفسار بخصوص اقامه لمدة شهور في قطر
• ترانزيت في الدوحه بليز جاوبوني بكرة رحلتي
• الفزعة يا اهل قطر بـ أهم الأماكن
• مسافر الى قطر
• ايش الفنادق القريبه من موفنبيك الدوحه
• استفسر ناوي ازور قطر شقق مفروشه
• لدي سؤالان يا أهل قطر الكرماء ؟
• يا أهل قطر استعدوا لزحمةجاينكم مع الحي كله هذا الويك اند
• توب توب يابحــــــــــــــــــــــــــــــــر
• سؤال عن قطر

سؤال : وين أحصل لي خياط تفصيل الدشاديش الشتويه و بأسعار طيبه و خامات طيبه ..

هلا أخوي

حياكم الله

بالنسبة للسكن فأنا أنصحكم تسكنون في شقق كمبنسكي

شقق فخمة وراقية وفي منطقة الأبراج ،، يعني كل الأماكن السياحيه بتكون حذاك

وبالنسبة للمجمعات التجاريه عندك السيتي سنتر وفيلاجيو واللاندمارك

وبالنسبة للأماكن السياحيه المفتوحه عندك سوق واقف والكورنيش وجزيرة اللؤلؤة والحي الثقافي وحديقة اسباير والمتحف الإسلامي

وبالنسبة للأماكن اللي حق الكبار عندك مدينة ملاهي في مجمع فيلاجيو فيها ألعاب حق الكبار

وعندك بعد الآكوابارك اللي هي عبارة عن مدينة ألعاب مائية

وبالنسبة للتسوق والأغراض الشعبيه فهذي تلقاها في سوق واقف

واعذرني أخوي لاني ماأعرف إحداثيات هالأماكن لكن إن شاء الله الاخوان بيساعدونك ومابيقصرون

- سكن لــ 3 أشخاص و بسعر مناسب ، يفضل نظام الشقق ، مع ذكر إحداثيات السكن للأهميه
ماشاء الله السكن متوفر بس عيب قطر انه فنادقها كلها 4 و5 نجوم وماتعجب جميع الاذواق بس بما انكم شباب ارشح لكم ازدان سعرها تقريبا لليله 3 غرف 700 ريال اعتقد مو اكيد تاكدو ومكانها من افضل الاماكن في قطر

2- الأماكن السياحيه التي تنصحوني بزيارتها، مثل : سوق واقف ... الخ ، مع ذكر إحداثيات السكن رجاء
اماكن سياحيه عندكم سوق واقف و جزيرة الؤلؤه هاي احسن مكانين ولاتنسون فيلاجيو مول افخم مول في قطر وفيه 13 و 1 سينما ايماكس واحلى مافي مجمع فيلاجيو مول في اكبر صالة تزلج على الجليد في الخليج وفيه اكبر مدينة العاب مغلقه في قطر طبعا احلى مافي المدينة العالب الفورملا واغلبها للكبار وعندكم مجمعات ثانيه مثل سيتي سنتر فيه 14 سينما

3- هل فيه أماكن Entertanment للكبار ؟ مع ذكر إحداثيات السكن إن أمكن
اي اخوي عندكم دريم بارك مقرها في حديقة الحيوان ضخمه جدا وفيها العاب كثيره للكبار وتدخلها عن طريق مدخل حديقة الحيوان بوابه مؤقته لين ماتجهز بوابتها وعندكم اكوابارك مدينة مائيه بس برد اذا انتو تحبون التحدي روحو ثاني يوم انت متصخنين وعندكم جوندلينيا في فيلاجيو مول فيها فورملا وصالة تزلج وقطار الموت ولعبة تتشغلب وبولينغ وسينما 4 الابعاد والكثير الكثير

4- و أخيرا ،، التسوق و خاصة بالأشياء القطريه من التراث الشعبي و الحلويات و و و ، مع ذكر إحداثيات السكن للأهميه.

اهني في هل سؤال اسمحلي ماعرف شي

مشكورين اخواني ولا هنتوا

المشكله اني ابي الاحداثيات

مشكوره اختي النوري

لا تحاتين ان وصلت بدعي لج وان لا بدعي عليج هههه امزح

بس مجرد استفسار : ابا فندق نظام الشقق غرفتين و بسعر معقول لاني ما اجلس فيه اصلا الا للرقاد والسموحه

إذا تبون حق الرقاد بس تقدرون تسكنون في شقق رتاج

وفي شقق ثانيه بس مب متذكرتها الحين

إذا تذكرتها بارجع واكتبهم لك

بس انت شوف في البدايه شقق رتاج وقول لي إذا تناسبك والا لا

ولا يهمك أخوي

تفضل هذا موقعهم

http://www.retajresidence.com/