الموضوع: استفسار عن قطر اخوكم من الكويت

السلام عليكم ورحمة الله وبركاته

اخواني الكرام .. تحية طيبه وبعد ,,

اود الأستفسار عن الأماكن السياحيه في قطر مثل المجمعات والقهاوي والمطاعم اوالاماكن السياحيه

علما بأنني سأصل انا وصديقي إلى قطر يوم الجمعه القادم بأذن الله الساعه 8 ونص الصبح والعوده للكويت يوم الأحد الساعه 9 مساءا إذا الله يسر الأمور

وين اقدر استغل هالوقت في اكثر الأماكن متعه في قطر

وانا حجزت في فندق موفنبيك تاور .. هل هو مناسب او غير مناسب ..؟

وتقبلو تحياتي

اخوكم ابوفهد

مواضيع عشوائيه ممكن تكون تعجبك اخترناها لك:

• متى سيفتح فيلاجيو مول ؟
• مدينة الذخيرة دولة قطر
• ممكن وكيل سيارات فورد
• بجب لقطر بالعيد واول مره ازورها بيضوا وجهي مع زوجي
• سوق واقف أيام العيد
• بدء إصدار الجواز الإلكتروني الجديد
• نصيحة
• محتاج أرقام شقق مفروشة في الدوحة الرحلة لم يبق عليها إلا أيام
• زياراتي إلى قطر إجازة العيد
• استفسار عن ام صلال بارك الله فيكم اتمنى مساعدتكم
• استفسار وطلب من الاخوة في قطر عاجل جدا
• لأحبتي في دوحة الأمجاد ولأعضاء منتداي الغالي
• استفسار عن تكاسي في قطر
• المسافه الرياض الدوحه
• ناوي اروح قطر ؟؟ الرجاء المساعده
• للاهمية للاخوة العزيزين على قلوبنا بقطراريد االاجابة اليوم اذا ما عليكم امر
• ابي مكتب تخليص فيزا
• استفدت من كل ما كتب واطلب المزيد لو سمحتوا
• اهل قطر تكفوووووووون
• الوعد دوحة الخير أبي فزعتكم

أخوي نورس الدوحه انت مادخلت موفنبيك

شلون تحكم عليه وتقول انه حلو وترشحه حق اخونا الكويتي

أتمنى تخف ريلك وتروح تشوف اللوبي من داخل والا تطلع تشوف المطعم وعقب تحكم اذا الفندق يستاهل 5 نجوم والا لا

ومادام الاخ الكويتي مختار فندق بو خمس نجوم لازم أدور له بديل أفضل

والأفضل طبعا هو الشيراتون أو الفورسيزون

لكن موفنبيك ماينفع كأنه فندق ترانزيت

حتى فنادق الترانزيت أحسن منه

هلا والله

ممكن تستفيد من جـــدولي ســـيـــاحـــي في الــــدوحـــه

http://www.arabtravelersforum.com/travel435946/

السلام عليكم ورحمة الله وبركاته

اختي العزيزه النوري شكرا لك على هذا الجدوول الوافي اما بالنسبه لفندق الموفنبيك تاور .. كان يمدحه لي موظف مكتب الحجز .. وانا دخلت على موقع الموفنبيك وشفت الموفنبيك تاور ماكانت فيه صور توضيحيه كافيه للفندق

http://www.moevenpick-hotels.com/en/...r/overview.cfm

اخي العزيز نورس الدوحه شكرا لك على هذه المشاركه والاضافه الجميله

اخي العزيز سعود شكراا لك على هذا التقرير الرائع

شكرا لكم جميعا

وتقبلو تحياتي

اخوكم ابوفهد

بنتظارك اخوي لمااترجع .. تقولي لاني ناوي اسافرلقطر .. يقلون قطر تغيرت .. واصبحت تنافس دبي والبحرين
على العلوووم ......................... هذا اذا صدقووو .. وتخبر كاس العالم عندهم ولازم يهيئون الامور مستقبلأ

السلام عليكم ورحمة الله وبركاته

اخي العزيز عز الخوي (كفو) نكك له معنى كبير وعساك دووم عز لخوياك واللي حولك

ابشر بأذن الله بالتقرير اللي يبي يسركم .. ولكن انا عندي مشكله بالتصوير (ما اعرف اصور) ولكن بحاول قدر الأمكان اني اصور

والصراحه اعجبوني البيتين اللي انت حاطهم بالتوقيع وسجلتهم عندي بالتليفون

وتقبل تحياتي

اخوك ابوفهد

المشاركة الأصلية كتبت بواسطة عــزالخــوي
http://www.arabtravelersforum.com/tr...6/#post4582176

بنتظارك اخوي لمااترجع .. تقولي لاني ناوي اسافرلقطر .. يقلون قطر تغيرت .. واصبحت تنافس دبي والبحرين
على العلوووم ......................... هذا اذا صدقووو .. وتخبر كاس العالم عندهم ولازم يهيئون الامور مستقبلأ



صحيح تنافس دبي

لكن مافي مقارنة بينها وبين البحرين

أصلاً البحرين مافيها شي علشان قطر تنافسها

مع البحريييييييييييييييييييييييين ؟؟؟

قول دبي او ابوظبي ويمكن , البحرين مافيها شي غير مجمعين سيف وستي وباليالله مافي الا الستي

حاليا دبي اعطيها 9/10 والدوحه 7/10 من ناحية التطور وبالنسبه لي الدوحه الثانيه على مستوى الخليج
لكن بعد كاس العالم راح تصير الاولى مو بس على الخليج على العرب والشرق الاوسط

المشاركة الأصلية كتبت بواسطة نورس الدوحة
http://www.arabtravelersforum.com/tr...6/#post4583976

مب لازم أدخله كفايه إنه 5 نجوم لأني على قناعة تامة بأن أي فندق 5 نجموم وجديد فهو لن ينزل تحت متسوى الجيد وهو لم يصنف بـ 5 نجوم إلا بعد ما توافق مع المعايير الدولية الخاصة بالفنادق وخدماتها.. عموماً أنصحك نصيحة أخوية .. لا تفرضي ذوقك الخاص على الجميع فأنتي لا تعرفين أذواقهم فقد يعجبهم ما لم يعجبك والعكس .. فالبعض يعجبه الفندق المكتض بالناس والبعض الآخر يعجبه الفندق الهادئ وآخر يعجبه الفندق الرحب الواسع والآخر يفضله صغير ..

أنتي يعجبك الرتز .. أنا لا يعجبني !!.. خصوصاً اللوبي!!.. أقولك الناس أذواق!!.

تحياتي



الحين المسألة مب مسألة أذواق

لكن لما نقارن موفنبيك مع الفورسيزون على سبيل المثال

نلقى ان الفورسيزون احلى بوايد من موفنبيك

مع اني مااحب الفورسيزون أبداً ، وولامره رشحته حق الاعضاء

لكن مبين ان الفورسيزون خمس نجوم وان موفنبيك مستواه أقل من خمس نجوم

وانت لو دخلته بتحس ان الفندق حق رجال الاعمال اللي يقعدون ليلة وعقب يطلعون

مافيه فخامة الفنادق الخمس نجوم

وبالنسبة لكلامك عن فندق الريتز

انت الحين تناقض نفسك قاعد

لان الريتز معروف عنه انه سبع نجوم

ولو حد سألك عنه قبل لاتدخله وبناءاً على منطق اللي ذكرته فوق

بتقول له الفندق سبع نجوم وروعه ومستوفي المعايير العالميه للفنادق واكيد بيكون حلو

لكن لما دخلته اكتشفت انه مب حلو

والحين تقول عن الموفنبيك حلو مع انك مادخلته

وحتى لو كان الموفنبيك خمس نجوم ، بس الفنادق في النهاية مستويات

وأنا اللي كنت أبي اقوله في الموضوع ان مادام اخونا بو فهد الكويتي مستعد يسكن في فندق خمس نجوم

ليش مانرشح له فندق خمس نجوم أفضل

أتمنى الفكرة وصلت وانا مافرضت رايي على حد

المشاركة الأصلية كتبت بواسطة النوريq
http://www.arabtravelersforum.com/tr...2/#post4584052

الحين المسألة مب مسألة أذواق

لكن لما نقارن موفنبيك مع الفورسيزون على سبيل المثال

نلقى ان الفورسيزون احلى بوايد من موفنبيك

مع اني مااحب الفورسيزون أبداً ، وولامره رشحته حق الاعضاء

لكن مبين ان الفورسيزون خمس نجوم وان موفنبيك مستواه أقل من خمس نجوم

وانت لو دخلته بتحس ان الفندق حق رجال الاعمال اللي يقعدون ليلة وعقب يطلعون

مافيه فخامة الفنادق الخمس نجوم

وبالنسبة لكلامك عن فندق الريتز

انت الحين تناقض نفسك قاعد

لان الريتز معروف عنه انه سبع نجوم

ولو حد سألك عنه قبل لاتدخله وبناءاً على منطق اللي ذكرته فوق

بتقول له الفندق سبع نجوم وروعه ومستوفي المعايير العالميه للفنادق واكيد بيكون حلو

لكن لما دخلته اكتشفت انه مب حلو

والحين تقول عن الموفنبيك حلو مع انك مادخلته

وحتى لو كان الموفنبيك خمس نجوم ، بس الفنادق في النهاية مستويات

وأنا اللي كنت أبي اقوله في الموضوع ان مادام اخونا بو فهد الكويتي مستعد يسكن في فندق خمس نجوم

ليش مانرشح له فندق خمس نجوم أفضل

أتمنى الفكرة وصلت وانا مافرضت رايي على حد



الرجال حاجز على الفندق خلاص يعني مافي مجال نرشح له فندق ثاني وإذا ألغى الحجز بياخذون منه قيمة ليلة أو ليلتين هذا قانون مكاتب السفريات !. وبعدين الرجال معاه كم واحد يعني شباب وأغلب أوقاتهم بتكون برع يعني الفندق بس حق الرقاد ..

بخصوص الرتز 7 نجوم هذي أول مره أسمعها !!!.. أخبر فندق برج العرب الوحيد اللي يحمل فئة 7 نجوم في الخليج كله!!.. الرتز 5 نجوم بشهادة موقع وزارة الخارجية !!.

تحياتي

المشاركة الأصلية كتبت بواسطة Zajros
http://www.arabtravelersforum.com/tr...6/#post4582426

السلام عليكم ورحمة الله وبركاته

اخي العزيز عز الخوي (كفو) نكك له معنى كبير وعساك دووم عز لخوياك واللي حولك

ابشر بأذن الله بالتقرير اللي يبي يسركم .. ولكن انا عندي مشكله بالتصوير (ما اعرف اصور) ولكن بحاول قدر الأمكان اني اصور

والصراحه اعجبوني البيتين اللي انت حاطهم بالتوقيع وسجلتهم عندي بالتليفون

وتقبل تحياتي

اخوك ابوفهد



تسلم اخوي الغالي ابوفهد .. ماعليك زود طال عمرك ..
ونت تمون على الابيات وراعي الابيات
ونا ان شالله السبوع القادم بكون بالكويت عند عيالي عمي ويمكن نتقابل .. بالكويت وتعطيني العلوم كلها
تروح وترجع بسلامه


النوريq

the ro0ok


القرد في عين امه غزال ,,,,,

اهل البحرين يقلون عكس كلامكم وكلن بعقله راضي

المشاركة الأصلية كتبت بواسطة عــزالخــوي
http://www.arabtravelersforum.com/tr...4/#post4584334


النوريq

the ro0ok


القرد في عين امه غزال ,,,,,

اهل البحرين يقلون عكس كلامكم وكلن بعقله راضي




انا آخر وحده أتكلم عن قطر وادافع عنها علشان انها بلادي

بالعكس انا دايما اقول ان دبي احلى من قطر

يعني أنا حياديه ومايهمني في الموضوع ان قطر بلادي والا لا

لكن انا اقول الصج

وانت اذا جيت بتشوف وبتعرف

والمشكله انكم محترين من قطر ومع ذلك تبون تزورونها

يعني شوف ردك الأول في الموضوع يوم تقول فوق ( إذا صدقوا إن قطر تنافس البحرين ودبي ) وتقول ( الحين كأس العالم بيسوونه عندهم )

يعني كأنك مستكثر علينا هالشي

وهالكلام اللي انا اقوله لك ماأجيبه من عندي

هذا الرأي العالمي عن قطر

وكل الناس اللي زاروا قطر يمدحونها

وكل الاحصاءات تثبت هالشي

لكن البحرين متى آخر مره سمعنا عنها !!!

المشاركة الأصلية كتبت بواسطة عــزالخــوي
http://www.arabtravelersforum.com/tr...6/#post4582176

بنتظارك اخوي لمااترجع .. تقولي لاني ناوي اسافرلقطر .. يقلون قطر تغيرت .. واصبحت تنافس دبي والبحرين
على العلوووم ......................... هذا اذا صدقووو .. وتخبر كاس العالم عندهم ولازم يهيئون الامور مستقبلأ



السلام عليكم ورحمة الله وبركاته
اخوي انا قطري وباقولك وجهة نظري بكل صراحه دبي احلى من قطر بواااااايد لكن البحرين حرام عليك ظلمت قطر اصلا ما في وجه مقارنه بين قطر والبحرين اكيد قطر احلى بوااااااااااااايد وانا زرت كل دول الخليج وبصراحه في نظري ترتيبهم كالآتي
الاولى دبي بل منازع
الثانيه قطر بلا منازع
الثالثه الكويت بلا منازع
وانا طبعا ما اقصد الاماكن المقدسه لانها خارج اي تصويت

السلام عليكم ورحمة الله وبركاته

اخواني الأعزاء شكرا لكم على التعليقات .. اختي العزيزه النوري واخي العزيز نورس والأخ الغالي عز الخوي ,,,

ويا اخوان اختلاف الأراء لا يفسد بالود قضيه انتم اخوان .. وهذا المنتدى وجد للأستفاده منه

وعلى العكس محد محتر من الثاني .. لأن ان رحت قطر ولا البحرين ولا الكويت ولا الامارات ولا السعوديه ولا عمان كلنا اهل واخوان وعيال عم .. لو اختلف الموقع الجغرافي

وانا متأكد بأن وجهات نظركم كلها لم تكتب في هذا الموضوع الا من طيب الشعب القطري .. هذا الشعب الودود الخلوق المحب للمساعده

وثقو بالله اني لم انوي المجيئ لقطر الا لأني مشتاق لرؤية هذه الدوله العزيزه على قلبي من حيث الشعب والحكومه

وانا اقوول تعوذو من الشيطان .. تراني بسافر سياحه و وناسه مو هوشه

وتقبلو تحياتي

اخوكم ابوفهد

السلام عليكم ورحمة الله وبركاتها

شكرا للمداخله اخي العزيز سلف الأمه

وتقبل تحياتي

اخوك ابوفهد

المشاركة الأصلية كتبت بواسطة عــزالخــوي
http://www.arabtravelersforum.com/tr...4/#post4584334

تسلم اخوي الغالي ابوفهد .. ماعليك زود طال عمرك ..
ونت تمون على الابيات وراعي الابيات
ونا ان شالله السبوع القادم بكون بالكويت عند عيالي عمي ويمكن نتقابل .. بالكويت وتعطيني العلوم كلها
تروح وترجع بسلامه


النوريq

the ro0ok


القرد في عين امه غزال ,,,,,

اهل البحرين يقلون عكس كلامكم وكلن بعقله راضي





شتقصد بالقرد اولا انا مو قطري

ثانيا انت شلون تشبه بلده بالقرد ؟ انا ماراح اتكلم لانه مالي نفس اتناقش ابد

اسم يابويا انا راح ارمسك رمسه وحده

كلنا خليجنا واحد بس انا اقول الصج يعني بذمتك البحرين وينهي وين قطر قول دبي اوك بس قطر راح تطوفها وهذا شي اكيد خصوصا لما خذو كاس العالم يعني سلم على دبي , دبي احبها موووود وحايا افضل من قطر وترتيبي هو

1 - دبي
2 - الدوحه
3 - بوظبي
4 - الرياض
5-الكويت
6-المنامه
7- مسقط (( مازرتها لاكن على كلام اهلي انها احلى من جده ))
8-جده

ترتيبي لأجمل المدن الخليجية هو كالآتي:-

1. مسقط
2. دبي
3. الدوحة
4. البحرين
5. الرياض
6. الكويت
======

تبون أذكر لكم الأسباب أنا حاضر بس الحين ماعندي وقت في المرة الجاية إن شاء الله ... لاحظوا إني صنفتهم على أساس الجمـــــــــــــــــال.. جمال المدينة .

مسقط جميله بشوارعها النظيفه والخضراء والطبيعه شي ثاني مافي بس على قولة اهلي يقولون حلوه ومرتبه بس مافيها مولات زياده ومافيها تطور اسمها السلطنه وخصوصا الحين المفروض تتغير من بعد امبراطورية عمان

السلام عليكم ورحمة الله وبركاته

لكل من كتب حرف في هذا الموضوع .

انا اشوف دبي مدينة عالمية مهيأه للسياحة بالدرجة الاولى

انا رحت لقطر قبل ست سنوات ولمدة 12 ساعة ترانزيت وتمشيت شوي في الدوحة رأيت إن البلد . مقبل على تغير جذري و بنية تحتية . ومتوقع له تطور زاهد في ظل دعم أميرهم و حكومتهم الله يوفقهم وإن شاء الله ابزور قطر خلال اليومين القادمة .
الكويت و البحرين رحت لها كثييييييير واثنينهم حلوين في نظري وإن كنت أرى أن الكويت خياراتها أكثر .

بالنسبه لدولتي السعودية البلد كبير و المناطق كبيرة و متباعدة والتطور يسير ببطئ شديد وبدون تخطيط . لكن فيه أشياء كثيرة مميزة . ولكن بدون نظام او ترتيب يعني روح بنفسك واكتشف معالم المدينه .

مسقط ما زرتها وما احكم على شيء ما شفته .

احلى ما في الخليج أهله و ناسه يوم اروح الكويت او البحرين او دبي او الدوحة واسئل عن شيء معين الا واحصل الكل يبي يساعدك و يفزع لك . وانا افرح بالخليجي اذا قدمت له مساعدة او معلومه لاننا اخوان وأهل

لكن مشكلتنا الكورة تفرقنا ما تجمعنا , وهذا اللي الكل ملاحظينه في الدورات الكروية والمناسبات الرياضية .

اول يقولون : الرياضة تصلح ما افسدته السياسة . لكن أنا اقول : السياسة تصلح ما افسدته الرياضة.

فديت الخليج كله و أهله و عسى الله لايفرقنا ونكون يد وحده .

آسف للإطالة والخروج عن الموضوع . دمتم بود

مساء الخير


ممكن يا أخوان مانطلع خارج الموضوع , فخليجنا واحد وأكيد تطور اي دولة هو من صالح دول الخليج جميعهم .