الموضوع: انا بالدوحه

اهلين حبايبي
الحمد لله وصلت الدوحه وماادري وش اقول بس يعجز اللسان عن الوصف اتعب وانا اقول روووووووعه ورايقه وكل شئ فيها يونس والاهم من هذا كله اهلها المحترمين الي قابلونا بابتسامه تفتح النفس من موظف الجوازات وقال حياكم بالدوحه واقامه سعيده يالشيخه :106:
ابي الله لا يهينكم مطعم اسماك على البحر او كافيات على الكورنيش اكون شاكره وممنونه
محدثتكم من الدوحه
:106:

مواضيع عشوائيه ممكن تكون تعجبك اخترناها لك:

• هالمرة معانا خدامه ولازم أغير الفندق
• ترانزيت في الدوحه بليز جاوبوني بكرة رحلتي
• أين أجد في قطر ؟؟؟؟
• مطار حمد الدولي يبدأ العمل مطلع ابريل
• قطر من أفضل أماكن سياحية
• سؤال عن فندق جديد
• القطرية تطير إلى البندقية ثالث وجهاتها لإيطاليا
• نصيحة لزائر قطــــــــــــرسوق واقف
• مساعدة ضروري جداً
• ما رايكم في فندق LaVilla Inn Hotel في قطر
• ياهل قطر
• السكن السكن ثم السكن
• احبابي في قطر ممكن تفيديوني
• استفسار عن حديقة الحيوانات
• ضروري كم سعر فندق الفور سيزن في قطر وهل هناك
• قطر يا أهل قطر
• الخطوط القطرية تسيّر رحلات شحن لشيكاغو في الشهر الجاري
• تنبيه بخصوص الدخول بالبطاقة الشخصية الى قطر
• عندي دورة بمركز الجزيرة للتدريب فأين افضل السكن
• فندق او شقة عائلية

ياهلا فيج اختي بدوحة الجميع .. أتمنى انكم تقضون وقت حلو .. وإن شاء الله كل شي يكون عند حسن ظنكم



بالنسبة لأحلى كافيه ومطعم عالكورنيش فمالج إلا مطعم أمواج " سمه أمواج ومكتوب على طرف ثااني " بلهمبار " لأن كان هذا اسمه سابقا ;q " .. عبارة عن مطعم لبناني يقدم أكلات منوعة ومميزة لكن أسعاره شوي مرتفعة ..
تلقينه بنص الكورنيش جنب ساعة تمثال الأسياد " اوري "




في سلسلة من مطاعم مبناها من برا على شكل مراكب .. اسمه البندر

هاذي اهم المطاعم على كورنيش الدوحة ..
وهاذي صورة له

أتمنى اني افدتج .. وياهلا فيج مرة ثانية بديرتج الثانية :101:

الصراحه كلام يثلج الصدر عن قطر

ونورت قطر في تشريفكم فيها وتمنالكم زياره سعيده وممتعه

واحسن مطعم على الكورنيش في قطر مثل ماقال اخوي qatar89 الله يعطيه العافيه


مطعم بلهمبار قطر


وهاذا موقعه بـ الصور وان شاء الله ينال اعجابج


http://kw40.com/


http://kw40.com/


http://kw40.com/


واي خدمه احنا تحت امرك

ياهلا ومرحبا فيك اخت بنت نجد , وأتمنى لكم طيب الإقامة في بلدكم الثاني قطر .
ومثل ماقالوا الأخوان عندك مطعم بالهمبار وهو تقريباً الوحيد على الكورنيش .

يا هلاااااااا ومسهلا فيكم
نورت قطر بوجودكم
اقامة سعيدة

حياكم الله فبلادكم الثانيه
واجازه سعيده
وما قصروا الاخوان
واي خدمه حاضرين

مشكوررين وماقصرتوا
انا ممنونه لكم كثير.. عرفت موقع المطعم وبروح له بكره ان شاء الله
واحب انقل لكم سلام والدتي الي انبسطت كثير بالدوحه وعجبتها مررررره
ان شاءلله ماراح تكون الزياره الاولى والأخيره
:106:

اتنورين اختي الدوحهوبنسبة للمطعم فهو اسمه مطعم المرجان وبلكورنيش احذى تمثال الاوركس وهو سابقا اسمه بن همبار بس الاسم تغير من زمااااااااانوبنسبة للمطعم الي حطاه لنا اخوناqatar89 فهو مصكر من زمااااان صارلها اكثر من 3 سنين وهم شايلينه بس له فرع في سوق واقف واسمه البندر وفي كوفيات في سوق واقف وكلها حلوة وفي منها تفتح 24 ساعهوانصحكم اذا اتحبون السي فود في فنادق اتسوي بوفيات وفيها سي فود وانصح في بوفيه فندق شرق فهو وايد حلو وفي مطاعم حلوة في فندق جراند حياة وانصح فيهوفي مطعم اسمه المحار في فندق سوق واقف وهو سي فود وانصح فيه بس بشكل عام المطاعم بدوحه غالية اشوي بس في مطاعم اقل مستوا وبعد نظيفةوعلى العموم اي استفسار تببينه احنا موجودين واذا في اكل معين تسالون عنه قوليلنا وبنصحج بحسن المطاعميعني لو تبين هندي او امريكي او شامي او قطري او امريكي او بوفيهات يعني حدديلنا واحنا جاهزين وتحياتي لج