الموضوع: عندي انتضار بالدوحه ولا ادري وش اسوي

السلام عليكم ورحمة الله وبركاتة
اهلين اخواني كيفكم
اناعندي مشكلة بسيطه
انا عندي رحلة على الخطوط القطرية يوم الاربعاء 15/7/2009
الرياض لندن ولاكن فيها توقف في الدوحه لمدة 7 ساعات تقريبا
من الساعه 6 مساء الى 1 صباحا
وما ادري وش اسوي في هذه الفتره
هل اجلس في المطار واقضيها افلام ع الاب
والا اطلع مكان والا وش
هل في اماكن حلوه قريبه من المطار اقدر اروح لها في هذه الفتره
مع العلم اني جاي لوحدي ما معاي احد
ولكم خالص شكري وتقديري واحترامي

مواضيع عشوائيه ممكن تكون تعجبك اخترناها لك:

• هل أصبح تجاوز الحدود مسموح به للنساء بدون موافقة ولي الأمر؟؟؟
• عرض عش ساعة في قطر يبهر البريطانيين
• صـور خـاصـه بعـزبتـنـابـبـر الشـحانـيـة
• عرض قوي ورائع على فندق الفخم والرائع خلال رمضان ،،
• منح ريجنسي للسفر والسياحة القطرية جائزة أفضل شركة سياحة بالعالم
• عندي انتضار بالدوحه ولا ادري وش اسوي
• فزعتكم يا أهل الخليج
• المساعدة بخصوص فندق
• قطر القابضة تجري محادثات لشراء متجر هامليز البريطاني
• الخطوط القطرية تضم طوكيو وأنقره وبنغالور الهندية إلى شبكة عملياتها
• يا اهل الفزعة للاهمية
• الخطوط القطرية تختتم العام باستلام طائرات جديدة
• سؤال لحبايبي أهل قطر
• استفسار اخواني الكرام بخصوص اجراءات العمل في قطر و طلب الشهادات للتحقيقات الجنائية
• بعض الاستفسارات عن قطر
• اللجون بلازا ؟؟
• استفسار من ليبيا
• ممكن احد يسوي لي برنامج
• مساعده منكم لو تكرمتوا
• مدينة صيف الدوحة الترفيهية تفتح أبوابها للجمهور

حياك الله

انا اقترح عليك مكتنين واحد قريب من المطار اللي اهو الستي او فيلاجيو شوي ابعد بس السياره تقرب كل بعيد وتقعد فيهم لين عشر وبعدين تطلع وتروح سوق واقف لين ما ايي وقت المغادره ولا تنسى انك ما تتاخر ع الطياره

[center][color="royalblue"][font="tahoma"][size="5"]الله يحيك انا في ديرتي الثانيه ما رحت بعيد
الله يعطيك العافيه
وشكرا على التجاوب ويكثر من امثالك
بس عندي سؤال هل فيه في الستي سنما والا لا
وبكم الدخول للسنما
والسؤال الثاني هل يتعاملون بالريال السعودي والا لا
والا احول من الريال السعودي للقطري

السلام عليكم
أخي العزيز
مساء الخير
لو أنا مكانك اول ما أوصل المطار آخذ تاكسي و على طول اروح سوق و اقف متعه حقيقيه و مطاعم رايقه و جلسات حلوه.
أتمنى لك رحله ماتعه.
(ملحوظه: كلمة انتضار تكتب انتظار و ليس انتضار!!)
دمت بود

ياهلا بـك

تروح وترد بالسلامة إن شاء الله

لطالمـا أنهــا 7 ســاعــات

أطلع من المطار برفقة التاكسي " كروه "

إلى مجمـع السـتـي سنتــر

مجمع كبير وجميــل وبه سينمـا أن أحببت مشاهدة فلم معيـن

والسعـر لا أذكره ؛ وقد يكون بـ 30 ريال

مع أني أنصحك ماتشوف السينمـا .. فبالطائرة ستشاهد أفلام كثيرة

وأول مره تعرض أيضاً

وبعد ماتاخذ جولتـك بالستي سنتـر

أطلب من التاكسي أن ينقلك إلى سوق واقف الشعبي

طبعا من الجهة الخلفية للسوق وهو قريب نوع ما من المطار

هناك بتلاقي مطاعـم وكافيهـات والجلسة هناك متعـة

ولكـن

أحـرص على أن تتــواجـد بالمطــار بالساعة 11 مساء إن كانت المغادرة 1 صباحاً


وبالنسبة للصــرف .. يأخذون سعودي بس بيكسرون ظهرك بالفرق

الأفضل أصرف القليل من بنك قطر الوطني بالمطار قبل خروجـك منه


* ملحوظه أن التاكسي بالستي سنتر نظام أوروبي
يعني بالدور تقف إلى أن يصل دورك ؛ وبالتالي قد يستغرق بعض الوقـت


رحلة سعيدة

وفالك طيب

:smile:

أنا أشوف تبتعد عن السينما يكون أحسن
لأانك رايح لندن والسينمات فيها كثيره
فأطلع من المطار وعلى طول على فيلاجيو
خذ لك فيها ساعه او ساعه ونص تمشى عالسريع
واعتقد ساعه بتكفي لأنك مراح توقف للتسوق فقط تتفرج وتتمشى :24:
وبعدها اطلع على طول على سوق واااااااقف ومنها عالمطار
بس اخاف تتوهق مع مشكلة التكاسي وندرة وجودها وتروح عليك الطياره :112:

مرحبا اخوي

واتنور الدوحه بوجودك

انا رايي انك تاخذ تكسي اتروح لستي سنتر تتمشى فيها وتاكلك شي في مطاعمه وكوفياته بعدها تحظرلك فلم سنما وخل الفلم اخر شي بعد التمشي وفي افلام وايد والستي فيه اكبر سينما بقطر وفيها 14 شاشه وافلامهم وايد وبتستانس

سوق واقف فكره لحوة بس انا رايي تبتعد عنه لانه زحمه وللامانه الجو مايساعد حر حر حر حر حر حر حر شي غير طبيعي وارطوبه رهيبه اول ماتنزل والله بتكره رووحك

انا توني جاي من لندن ماصارلي يوم ولاعت جبدي من الجو

علشان هشي خل يومك بستي سنتر

وعندي سؤال فضولي طيارتك بتكون الى لندن هيثرو ولا لندن جاتوك ا مانشستر

لان الي اساعه 1 الليل هي طيارت لندن جاتوك ومانشستر وانا الصراحه مانصحك على مطار جاتوك اذا كنت رايح له لانهم معقدين وبعيد عن لندن السنترال بعكس هيثرو القريب ومطارهم اكبر واسرع في الاجراات ومتعودين على العرب وفي هثر اكسبرس يوديق لين نص لندن باقل من ربع ساعه

وبنسبة لسعر تذكرت السينما فهي ب 35 ريال قطري

واقول لخوي الرايق ترا هم امغيرين سعر التكت من سنة نوح شكلك لحين نايم وعادك على سعر 30 ريال

والتكاسي مو قضية في اختراع اسمه تلفون خذ رقم الشركة واتصل لهم وايجيك متى ماتبي او خذ رقم شركات اللوموزين

وتقدر تتصل على الاستعلامات ورقمهم 180 ويعطونك اي شركة انت تبيها

وممكن بعد ماتعدي الجوازات تاخذ لك رقم قطري ب 50 ريال واتخليه عندك لو رقمك الاسعودي ماشتغل

وبنسبة لصرف انا افضل انك تصرف قطري وانت طالع من المطار اخر مكتب على ايدك اليمين بلعلامه الحمرا هو بنك قطر الدلي الاسلامي واصرف من عندهم الي تبي بلقطري احسن لك

وانت راجع ثاني مره للمطار وبقى عندك فلوس بقطري وتبي ترجعهم سعودي او لو تبي تصرفهم بريطاني ممكن تصرف عن طريق بنك قطر الوطني وهو بكون على ايدك اليمين اول ماتدخل للمطار

واي استفسار احنا بلخدمة

المشاركة الأصلية كتبت بواسطة haaaad
http://www.arabtravelersforum.com/tr...9/#post3128889

السلام عليكم
أخي العزيز
مساء الخير
لو أنا مكانك اول ما أوصل المطار آخذ تاكسي و على طول اروح سوق و اقف متعه حقيقيه و مطاعم رايقه و جلسات حلوه.
أتمنى لك رحله ماتعه.
(ملحوظه: كلمة انتضار تكتب انتظار و ليس انتضار!!)
دمت بود



[color="royalblue"][font="tahoma"][size="5"]الله يعطيك العافيه اخوي على التجاوب
بس سوق وااقف مثل ما قال اخوي حلو ومدلع ما يصلح لانه حر ورطوبه
وانا اكرهم كره الحر والرطوبه مره مره
انا من ناحية انتضار اصلحها لعيونك

الله يعطيكم العافيه اخواني والله احرجتوني
شكرا اخوي الرايق انا شكلي قررت اروح لم الستي سنتر
بس كم يبعد عن المطار
وثاني انا قررت بعد اني ما ادخل السنما لان مافيه وقت اخليها وقت ثاني احسن
لان انا راجع على الدوحه في الرجعه من لندن بعد شهر ويكون عندي وقت واكون شفت الستي وتمشيت فيه
اخلي وقتي للسنما لان يمدحونها الي في الستي
اما من ناحين سوق واقف مثل ما قلت حر ورطوبه
وشكلي بكنسله واخليه بالرجعه يمكن يزين الجو
ومن ناحية العمله لا تخاف علي حريص صارفها من الرياض
ولك خالص شكري
هلا والله رجاوي شاكر لك حرصك وزيارتك لي مر ه ثانيه والله يحيك
اما اخوي روح المسك انا قررت خلاص مثل ما قلت ابعد عن السنما والسبب مذكور اعلاه
اما من ناحية فيلاجوي وش قصت امه ذا ووين مكانه لان انا شكلي بخليه بعد الستي وهل يبعد عن الستي والا قرب منه
اما الان مع حلو مدلع انا اقول وش رايك تمرني في المطار احسن خخخ
انت يبيلك جلسه وتربيعه اولا انا مطاري قاتويك تراك خوفتني وذكرتني بنفس الوقت
كيف وضع الابتوب فيه برامج مو اصليه وش اسوي فيها
وثانيا انا لغتي تقريبا شوي ضعيفه وش وضع المطار معي تتوقع تساهيل ؟
واخيرا اقول خططو لي وش اسوي بالست ساعات ذي تراني متوهق فيها لان انا انسان ما احب اجلس فاضي
لان انا رئيي اني اروح لم الستي واتمشى فيه وبعدين اطلع على فيلاجوي وبعدها ارجع ع المطار واكون فيه الساعه 11 تقريبا
موب حلو كذا والا انتم شافين شي ثاني
واخيرا اقول لكم كلكم من اولكم لاخركم شكرا كتير كتير
اعذروني لو فيه اخطاء مع اني مدقق 3 مرات بس مدري احس باقي اخطاء خخخ

مرحبا اخوي وماسوينا الا الواجب واحنا تحت امرك

بنسبة لمطار جاتوك مافي خوف ان شاءالله وللامانه انا مانزلت فيه ولا مره لان قالولي انه اشي معقدين وماتنزل طيارات عربية فيه وايد وانا معظم نزلاتي على هيثرو وجربت مانشستر كم مره

بس مادري ليش انت اخذت جاتوك لانه ابعد من هيثرو

بنسبة لفيلاجيو فهو حلو وعلى فكره الدوحه ترا مو كبيره يعني كل شي قريب من بعظ وممكن اتروح له وتستمتع فيه هو مو بعيد وايد يعني اقل من ربع ساعه الا اذا صادفتك زحمه

والستي قريب من المطار 5 دقايق بس

وبنسبة للكمبيوتر لا اتحاتي ولا يسالون عنه ابدا وهشي طبعا اتكلم عن هيثرو واوردي معظم المطارات مثل اوربا استراليا وحتى شرق اسيا ماعمرهم اسالني او فتشو عن الاب توب المره الوحيده الي تفتش كمبيوتري هو كان في المركز السعودي قبل 3 سنين او اكثر ماذكر والله ولا فتش الملفات بس يعني ولا يدرون عن البرامج ولا شي

ولا اتحاتي واساسن حتى الشنط مايفتشونه بس اذا شكو ممكن لاتنسى ترا ممنوع تاخذ اكثر من كرزين سجاير ولا راح تدفع ضريبه او يصادرنها منك

وحبيت اذكرك وانت راجع بسلامه من اهناك اذا كانت معك راح ادخلها بطياره فانتبه مايكون حجمها كبير لا حاطين حجم معين لشنط مسموح لك بس شنطة يد وحده تدخل يعني لو ندك الشنطة وعندك كيسه ثانيه راح يمنعون ويجبرونك بشي واحد او مثلا شنطة تسحبها ومن غير شنطت الاب توب بعد نفس الشي

وغراش العطر او الشامبو ا جل او كريم حلاقة او غيره يكون اقل من مية ملي اذا كنت بدخلها معك الطياره اما بشحن فعادي مافي مشكلة

بنسبة اذا كانت فيزتك طالب وتسوقت من اهناك وانت راجع بتاخذ تكس فري او الضريبه فماراح يرجعنها لك لان انت طالب خاصه اذا كانت فيزتك لحين سارية المفعول او اتجيب لهم اوراق من المكان الي تدرس فيه تثبت ان كورسك خلص وان انت مابترجع هلحاله ممكن يوافقون او اذا كان عندك فيزة سياحية فمافي مشكلة ومكتبهم يفتح الي بلمطار من الساعه 6ونص الصبح بتوقيت لندن الين الساعه 10 بتوقيت لندن

وعلى العموم هاي اشويت معلومات حبيت اساعدك فيها ولاتنسى اتعبي كرت الطياره وعلى العموم ه مكتوب بلغه العربي بس انت تكتب لازم بلنجليزي ويفضل اتعبيه بطياره علشان ماتقعد اتعبيه وتتاخر

واي استفسا عن قطر او لندن انا بلخدمة

تحياتي

تحياتي لك اخوي والله يعطيك العافيه
وانا هذاني طالع من البيت متوجه للمطار والله يعين ويستر
ما قدرت اتكلم معك كثير بس اذا وصلت ان شالله بالسلامه رجعت اكلمك
ويالله اشوفكم على خير
باي

[size="5"][center][color="royalblue"][font="tahoma"]السلام عليكم كيفك
انا الحين متواجد في الدوحه

بالسلامه وانا بعد عندي انتظار الاسبوع القادم 12 ساعه بس يبي يودوني فتدق والظاهر انشالله بسوي زي اخوي ابي اسافر اتمشى بالاسواق

[center][font="tahoma"][size="5"][color="royalblue"]السلام عليكم ورحمة اللة وبركاته
اولا اهنيكم على الدوحه مره حلوه وصغيره كل شي جمبك والمطار في وسط البلد وهذا شي حلو
ثانيا اهل الدوحه ناس محترمه ولا احد له دخل باحد يعني ما احد لمك
وثالثا انا الحمد لله اقلعت من الدوحه الساعه 1:30
وابشركم وصلت لندن على مطار قاتويك
واقول لاخوي حلو ومدلع ترى المطار سهل ولا فيه صعوبه وصغير نوعا ما والمعامله وحده
والمطار احسن شي فيه انه سهل ولا فيه زحمه ابد ابد ابد
ولا احد يخاف من المطار من ناحيت التعقيد مافيه تعقيد ابد ابد
ومن ناحية المسافه عن لندن مو بعيد مره تقريبا 40 بالكثير بالمترو
والاجواء حلوه الان بلندن الا انها حر شوي بس
الدليل ان الاوربين لبسهم شبه عاري من شدة الحر

الحمدلله على سلامة الوصول

الله يسلمك ويعطيك العافيه
اي استفسار انا جاهز

[center][size="5"][color="royalblue"][font="tahoma"]اولا عادي الاسئله اسئل الي تبي ترى انا فري فري فري
وبعدين لا والله انا رايح اولا سياحه وثانيه زيارة الاصدقاء في بريطانيا
وباخذهم ونبي نطلع فرنسا وايطاليا
وثانيا انا الى الحين ما سكنت في لندن
انا قلت اروح لمهم اسلم عليهم واذا خلصت رحت لم لندن
وان شاء الله بكرى السبت طالع لم لندن من الصباح وبجلس فيها الويك اند هذا
وانا الحين ساكن في فولكستون
ترى حلوه مره الي يبغى بحر هادي ومافيه زحمه وازعاج وتصلح للعوائل اكثر لان مافيها خراب كثير
وفيها فوق البحر جبل مره روعه الديره عموما حلوه
وفيها سوق بس موب مره حلو يعني متواضع
وان شاء الله انا راح ازور كل الديار الي حولنا واقولكم عنها كلها
انا احس الوناسه مو في لندن احسها لما الواحد يقضي كل يوم في ديره

[center][font="tahoma"][size="5"][color="royalblue"]هلا بك اخوي انا الى الحين زرت
اولا لندن واشفورد وفولكوستون و كانتبري

لا والله انا في الدوحه وتوني راجع من لندن من اسبوع

اذا في اي خدمة انا تحت امرك

واي استفسار عن مانشستر انا موجود

وتحياتي لك

طيب وشلـون قانون الانتظـار لغير الخليجين بمـطار الدوحـه

الترانزيـت ؟؟ هل مسموح لهم دخول الدوحـــه بدون تأشيره

لديـه صديقه سوريه - وتحمل الجواز الامريكي وتعود من وطنها الام سوريا

عبر مطـار الوحـه لامريكـا ولكن عندها انتظا يمكن 15 ساعه ( نص يوم ) هل يسمح لها

بدخول للدوحه ؟؟؟

والله انا خليجي ودخلت الدوحه طبعا
بس غير الخليجين مادري
عندك حلو ومدلع اكيد عنده خبره عن الموضوع
وتراه ما يقصر
وكل القطرين ان شاء الله ما يقصرون

اتروح ترجع بسلامه

واتشرف فيك اخوي بس للاسف انا حاليا بدوحه

واي خدمة انا تحت امرك

وان شاءالله اتصاف اني موجود بعودتك ليش لا اتشرف

وتقدر تعطي ايميلك للادارة ويوصلونه لي

وتحياتي لك

السلام عليكم
عندنا بعد غياب انا رحت باريس كم يوم ورجعت الحين الى لندن
بس والله باريس احلا من لندن بكثير مره مره
الي يدور المتعه يلاقيها في باريس
احسن شي في باريس ان كلها معالم حلوه
وجوها حلو مره مره
اي استفسار عن باريس انا تحت امركم
المهم وش اخباركم وخصوصا اخوي حلو ومدلع
ان شاء الله تمام
انا اخوي ما اعرف اوصل الايميل لو تقدر توصل لهم انت يكون افضل
وشكرا لك

المشاركة الأصلية كتبت بواسطة na999ar
http://www.arabtravelersforum.com/tr...0/#post3162730

طيب وشلـون قانون الانتظـار لغير الخليجين بمـطار الدوحـه

الترانزيـت ؟؟ هل مسموح لهم دخول الدوحـــه بدون تأشيره

لديـه صديقه سوريه - وتحمل الجواز الامريكي وتعود من وطنها الام سوريا

عبر مطـار الوحـه لامريكـا ولكن عندها انتظا يمكن 15 ساعه ( نص يوم ) هل يسمح لها

بدخول للدوحه ؟؟؟




مرحبا اخوي
وتوني انتبه لردك
واكيد تقدر تدخل الدوحه اذا هي حاكلة الجواز الامريكي من دون تاشيره او اي شي
واي استفسار احنا بلخدمة

الحمدالله على سلامتك اخوي
ومومشكلة انا بعطي الادارة واحد من ايميلاتي يوصلونه لك
وتحياتي

انشاء الله افادوك الاخوان

كان هنا الجنرال ..