الموضوع: الله يخليكم ساعدوني

السلام عليكم جميعا

انا مسافره لايطاليا وفرنسا وسويسرا لشهر العسل وبتاريخ 19 -1 2008 ان شاءالله

بس اتمنى حد يعطيني معلومات اتفيدني عن الجو..بعض الناس قالولي ان الجو بهالسنه وايد بارد وابرد عن كل سنه ...يعني هالبروده بتخرب علينا رحلتنا..انا حلمي اني اروح ايطاليا واتمنى حد يقولي كيف الجو رايح يكون..وهل بنستانس هناك وشو اكثر منطقه لازم نطول فيها..وهل 40الف ريال راح اتكفي ل3 دول خلال اسبوعين او عشر ايام؟؟؟؟ والفنادق 5 نجوم ....بليز ردوا علي لاني محتاجه لنصايحكم:110:


اختكم ف الله ...عاشقه ام

مواضيع عشوائيه ممكن تكون تعجبك اخترناها لك:

• مباراة ايي سي ملان ضروري
• رايحه روما في
• أبي احداثيات سفاري بارك القريبه من ميلانو
• خارطة المواصلات العامة لروما و ميلان
• السفر لاوروبا
• ارج المساعده من ذوي الخبره بليييز
• موضوعي قريبا ان شاء الله مابين روما بيروجيا فينيسيا بيزا
• رحلة شهر عسل يوم في فبراير فزعتكمـ
• استفسار حول التنقلات
• مساعده ضروري
• شكر وتقدير خاص لاختي الزعيمه
• سؤال عن الاوت ليت ياريت تفيدوني
• فنادق ميلانو
• شنو بعد الوصول الي ميلان
• روما وميلانو
• مساعده في رحلتي القادمه
• اخر خطوة في سفرتي بعد مساعدتكم
• استفسار عن فندق بروما
• ابي منكم النصيحه والافاده
• مشكله حصلت لي بقطار اليوروستار

اختي انتي ذكرتي البلدان و لم تذكري المدن اللي بتروحيلها ؟ و بالنسبه للجو فهو بارد أكيد في يناير ..

ان شاء الله في ايطاليا راح انزور ميلانو وفنيسيا وروما ...يعني نحن حاطين ف بالنا 5 ايام ف ايطاليا او 6 ايام بالكثير

ومن ناحيه الجو..يعني ابا اعرف اذا نقدر نتمشى ولا الجو راح يخرب علينا لان بصراحه بعضهم قالي انكم ماراح تستانسون ف البرد ...بس انا على حسب علمي ان ايطاليا شتاها مب بارد وااايد لانها صيفها يكون حار ورطب؟

وشكرا لج اختي الكريمه على الرد وماقصرتي ..

اختي الكريمه غالبا ميلانو وفينيسيا تكون ابرد بدرجه اكبر من روما

روما قد تكون مناسبه للتمشي والتجوال في النهار ..

لكن اتوقع التمشي والتجوال في ميلانو في الوقت هذا نوعا ما يضايق

عاد طبعا قبل كل شي الناس يختلفوا .. درجة البروده اللي تضايقني قد تعتبر ممتعه لغيري

اتمنى لك رحلة سعيده

الأخت عاشة أم مع أحترامي الشديد لآرآء الأخوة والأخوات إلا أنني لاأنصح بتاتاً السفر في شهر يناير أو فبراير ,حتى شهر مارس أيضاً!!!! فالجو بارد بارد وممطر وراح يعيق تحركاتكم ومشيكم في المدن وماراح تاخذون راحتكم بالمرة لكثرة سقوط الأمطار التي لاتتوقف إلا نادراً .... أما المبلغ المخصص للسفر فهو كافي وماراح تحتاجين لأكثر من هذا المبلغ .... بخصوص سؤالك عن أكثر منطقة تطولين فيها فأنا ما أنصح بالسفر أصلاً في هذا الوقت بتاتاً فما أقدر أنصح بأي مدينة تطولين فيها .......تحياتي

أهلين أختي أنا الآن في ميلان الجو بارد ممتع:106: وضباب:101:

الدرجة تقريبا 2في الليل وفي النهار10:24:

أنا واحد أحب البرد والتغيير

الوقت اللي راح تكونين موجودة فيه السوق كله خصومات بس يبيلك ميزانية للشراء

شوفي الأرصاد الجوية في هذه الفترة.

عموما لاتنسين اللبس الثقيل لأن أنا أمس لما كنت في الدومو استبردت لأن لبسي كان شتوي فقط(جاكيت خفيف)

بدون دلاقات صوف" أعزكم الله" وبنطلون خفيف(لايسمن ولايغني من جوع).

الناس لابس جلود وفرو ولفات للرقبة.

ملاحظة :كنت أشعر في البرد وأنا مستمتع بالجو البارد ورؤية الضباب.

مافي مطر الآن وكل شي تمام.على فكرة زميل لي سرقوا جنطته منه في القطار

انتبهوا على أغراضكم ولاتخلوا حاجاتكم الثمينة بارزة.

مشكورين اخواني وخواتي على المرور الاكثر من رااائع وجزاكم الله خير

بس يعني بالمره مافي امل ...بس انا احب البرد وايد يعني ماعندي مشكله لكن زوجي مايحب البرد ...شو اسوي

انا خاطري اقضي شهر العسل في اورويا..ماعندي مكان ثاني..

المشاركة الأصلية كتبت بواسطة النسر الطائر
http://www.arabtravelersforum.com/tr...5/#post1727005

أهلين أختي أنا الآن في ميلان الجو بارد ممتع:106: وضباب:101:

الدرجة تقريبا 2في الليل وفي النهار10:24:

أنا واحد أحب البرد والتغيير

الوقت اللي راح تكونين موجودة فيه السوق كله خصومات بس يبيلك ميزانية للشراء

شوفي الأرصاد الجوية في هذه الفترة.

عموما لاتنسين اللبس الثقيل لأن أنا أمس لما كنت في الدومو استبردت لأن لبسي كان شتوي فقط(جاكيت خفيف)

بدون دلاقات صوف" أعزكم الله" وبنطلون خفيف(لايسمن ولايغني من جوع).

الناس لابس جلود وفرو ولفات للرقبة.

ملاحظة :كنت أشعر في البرد وأنا مستمتع بالجو البارد ورؤية الضباب.

مافي مطر الآن وكل شي تمام.على فكرة زميل لي سرقوا جنطته منه في القطار

انتبهوا على أغراضكم ولاتخلوا حاجاتكم الثمينة بارزة.

اخوي النسر الطائر

بما انك ف ايطاليا الحين وبهالاجواااء..ممكن تعطيني تقرير مفصل عن الاماكن الي تصلح انروحلها ف البرد..الحين زوجي يبي يقضي 10 ايام في ايطاليا...شو اكثر مدينه انطول فيها..ووين احلى مكاان..

بليز رد علي ..يزاك الله خير