السلام عليكم

اخواني حاب اوضح لكم أمر حصل معاي اليوم بقطار يورو ستار بإيطاليا,

كنت متوجه من فينيسا إلى ديسانزو ديل قاردا, وفي هالرحله توقف في عدة محطات..

ولما وصلت لمحطتي المقصوده حملت شناطي ولما جيت بنزل في أقل من دقيقه ركب موظف القطار كان خارج القطار, وتسكر الباب مباشره,ممكن لان ماكان في احد بينزل في نفس المحطه غيري.. فهمته اني راح انزل في هذه المحطه, وكلمني بالإيطالي, ماعنده لغه انجليزيه تخليني اتفاهم معاه, قال لي خلاص تسكر الباب بتضطر تنزل في المحطه القادمه وهي (بريشا) بعد 10 دقائق, قلت له طيب وكيف أرجع, قال كلام مافهمته .. قلت مو مشكله ارجع حتى لو بتكسي..

رجعت داخل المقطوره وظليت واقف, قبل لا نوصل لمحطة بريشا, جا لي وقال عطني التيكت, وشيك عليها بالجهاز وقال ادفع غرامه قدرها 116 يورو!!
السبب اني تعديت المحطه المقصوده , فهمته ان الباب تسكر في اقل من دقيقه وهالشي حصل قدامه لكن مافي فايده, أصر اني أدفع له.. ودفعت له المبلغ وبصراحه المبلغ مو بسيط..

لما وصلت محطة بريشا نزلت كلمت خدمة العملاء, ونفس الشي الاخوان ما عندهم لغه ما خذت منهم لا حق ولا باطل..

حبيت أنبه الاخوان لهذه النقطه.. ويا ترى هل في حل لو رسلت شكوى لموقعهم او حتى اتصلت لهم؟ او هل في احد حصل معاه نفس الموقف والغرامه كانت بهذا المقدار؟!

ولكم خالص التحيه

مواضيع عشوائيه ممكن تكون تعجبك اخترناها لك: