الموضوع: توب توب يابحــــــــــــــــــــــــــــــــر

أغلبكم يعرف أغنية البحر المشهوره :
.
.
توب توب يابحر توب توب يابحر أربعه والخامس ظهــر
تـوب تـوب يابحـر تـوب تـوب يابحـر هـات عيالنـا من البحــر
تـوب تـوب يابحــر تــوب تــوب يابحـر
ماتخـاف من الله يابحــر ماتخـاف من الله يابحـــر
يانواخذهـم لاتـصلب عليهـم يانواخذهــم لاتصلب عليهـم
ترى حبال الغوص قطعـت إيديهــم
تـوب تـوب يابحــر تــوب تــوب يابحــر
ياليتني فوق الدقـل حمـامــه ياليتني فوق الدقـل حمـامــه
أبشـر ياغــواص بالسـلامــه أبشـر ياغــواص بالسـلامـــه
ياليتني إدهينـه وأدهـن إيديهـم ياليتني إدهينـه وأدهـن إيديهـم
وياليتني خيمـه وأظـلـل عليهـم وياليتني خيمـه وأظـلـل عـليهــم


.
.

هـذي الأغنيـه يغنونهـا حريم لأول قبل موعـد القفـال بحوالي ثلاثة أو
أربعة أسابيع
يعني ( شهـــر ) يعتبر يوم القفـال يوم مهـم جداََ خاصة عند الأهـالي
اللي لهم عيال ورياييل داشين الغـوص ينتظرون ردتهم الديرة على أحر
من الجمـــر
يبدون الحريم والبنات يغنون هالأغنيه مثل ماذكرت قبل موعد القفال
بشرط يكون عقب المغــرب
بحيث يتجمعون صوب السـِيف وتشرف على الغناء إمرأه قويـه ونشيطه
تتحمل المسؤوليه عن جميع النساء
أما الحريم الباقي يبدون بجمع الحطب وسعف النخل ويستخدمونهـا لأشعـال النـار
وبعدهـا يوقفون على هيئة دائريه متحركـه وينشدون بعض الأناشيد
والأهـازيج اللي أهمهـا توب توب يابحــر

.
.

Ω القصد من هـالأغنيــــه Ω

تخويف البحـر وتأديبـه وتهـديده !!
لأنه السبب في فـراق أهلهم الذي طـال عنهـم أيام وليالي
وفي إعتقادهـم إن بجيتهم للبحر وتخويفه بيرجع أهلهم لهـم !!
سالمين غانمين بالولو والخيـــر محمليــن

.
.

Ω سبب حملهم سعف النخيـل المشتعــل Ω

سبب طريـف ويدعو للغرابه والإستغراب !! هالسبب يخليهم يطلعون
اللي في صدورهم وقلوبهم من مشاعر جياشه وعاطفه وفراق وغيره
حيث إعتادوا على ضرب البحر وحرقه وكيه بالنـار ( يكونـه )
علشان يحس باللوعه والفراق اللي يحسون فيه !!

.
.

ماسألتوا نفسكم !! شسالفه القطوووه !!

هالقطوه الله يسلمكم يلبسونهـا قطعه من مشموم تتعلق على رقبتهـا
وتقوم وحده من الحريم بشرط تكون شجاعه وقويه
بثقب أذن القطـه وتحط في أذنهـا خـرز
وبعض الحريم يغطسون القطووه في البحر عدة مرات والقصد تنجيس البحر بهـا !!
وبعدهـا تقوم المره القويه بشد أذن القطه بشده فتصرخ من الألـــم
( ميـــــاو .ميـــــاو ميــاو ) فترد النساء أجمع بالقول ( يـاو يـاو يــاو )
يعني جاؤا جاؤا !! والطرف الآخر من النساء يقومون بحرق البحر بالسعف
علشان يحس بالألم اللي يحسون فيه
والبعض الآخر يحذف ويلقي الحجارة :الحصـا : عليه
أو يصبون فيه عشرج ( حـلول ) كي يصاب بالأسهــال !!
.
ويرجع أهلهم ساليمن غانمين بالولو محملين

.
.

وهذا رابط الاغنيه عشان تسمعونها :24:

http://gulf.salmiya.net/songs/odaa/ram/odaa9.ram

مواضيع عشوائيه ممكن تكون تعجبك اخترناها لك:

• محتار وين اروح قطر او الكويت
• رسمياً الأحد إجازة رسمية للجميع
• توقيع عقود لمطار الدوحة الـجديد بقيمة مليار ريال
• مساعده بخصوص الطيران القطري
• وين اهل الدوحة؟
• الفزعه
• شو احلي المطاعم في قطر؟
• لشباب قطر قفط
• وين اروح ؟
• وين احصل قطع غيار
• يازين شمال قطر لما يجيه المطر بالصور
• واحة كيوتل تستقبل أكثر من ألف عائلة في اليوم
• فنادق جديدة في دولة قطر سيتم أفتتاحها خلال هذا العام
• اتمنى الرد في اسرع وقت
• للاهمية مطلوب فندق وسط الدوحة بشرط النظافة
• سؤال الى بنات قطر
• مساعده بخصوص مباراه البرازيل والارجنتين
• نازل على قطر لمدة ليالي
• بخصوص الترانزيت أكثر من ساعات
• اجتماع المصورين القطريين

توب توب يا بحـــــــــــــــــــــــــــر

تسلمين حلوة

يسلمنا الرحمن جميعا يالغلا...


وفالنا الرضى

الله ودي احفظها حتي اعلم العيال الصراحة الكلمات جدا حلوه تذكرت الاسياد بالتوفيق يا قطر 2007

تخويف البحـر وتأديبـه وتهـديده !!
لأنه السبب في فـراق أهلهم الذي طـال عنهـم أيام وليالي
وفي إعتقادهـم إن بجيتهم للبحر وتخويفه بيرجع أهلهم لهـم !!
سالمين غانمين بالولو والخيـــر محمليــن


الله المستعان اللهم ارحمنا برحمتك يا قوي يا جبار البحر جند من جند الله من يستطيع ان يخيف جنود الله غيره سبحانه

ههههههههههههههههههه والله حلوة

ويا اللومي .. هات ابو الرومي
ويا القاز ... هات أبو قماز
وياليوهرة .. هات حسين من بحره
وما تخاف من الله يا بحر

ويالليان هات ... وهات ونيان
وياالدانة .. هات شملان من أذانه .
وياتشبريت ,, هات محمد العفريت

ما تخاف من الله يا بحر

صفقه .... صفقه ... صفقه ... صفقه
:x1: :x1: :x1: :x1: :x1: :x1: :x1: :x1: :x1: :x1:

:113: :113: :113: :113: :113: :113: :113: :113:

جزاك الله خير ، والله يوسع صدرك بالعافية خاصة وإن الصوت بدون موسيقى ......

يا حلو أول .. وبساطة الناس أول ..

صج كانت بعض التصرفات غير معقولة ..
لكن على الأقل الناس تتصرف بطيبة ومحبة ..
مو مثل الحين - اللهم ياكافي ..
الواحد ينطر الزلة على الثاني وكل واحد يالله نفسي ..

شكرا لك يا أختي على النقل الجمييييييل ،،،

المشاركة الأصلية كتبت بواسطة الجبل الأشم
http://www.arabtravelersforum.com/tr...0/#post1576080

سبحان الله

كنت أسمعها وأنا صغير ، ولم أدر أن هذه معانيها ولها قصتها

مساكين الناس من قبل

لوعة الفراق لطلب الرزق ، جعلتهم يتصرفون بتصرفات غريبة !

كان الأولى أن يدعوا الله تعالى لرد غايبهم بالسلامة بدل هذه الأفعال الغريبة





شفت كيف ....وسعيدة انك ستمتع بالمعلومة:24::106:

المشاركة الأصلية كتبت بواسطة il Bambini
http://www.arabtravelersforum.com/tr...0/#post1576090

ياااسلام كانت ايام!!!!!!!!!!!!!!!!
عودة المهنا صوتها قوي و مميز
يعطيك العاااافية اخوي

:24::113:اية والله ياسلام عليهم
يعطيكم العافية وانا اختكم قطــــــــــــــــــــر 2007 :106:

المشاركة الأصلية كتبت بواسطة il Bambini
http://www.arabtravelersforum.com/tr...9/#post1576379

ههههههههههههههههه
خلاص يعطيييييج العااااااااافية

:106::106::106:الله يعافيكم

المشاركة الأصلية كتبت بواسطة ماجد القطري
http://www.arabtravelersforum.com/tr...9/#post1648429

كل ماهو ماضي جميل حتى لو لم نعش فيه وربما نراه جميل وهو في الحقيقة ليس كذلك بل هو ماضي صعب ومتعب

ربما يكثر فيه الجهل و المرض وهو كذلك و لكن اصبح جميل لان اباءنا عاشوا فيه واجدادنا الذين رحلوا عاشوه بكل التفاصيل

ولكن كانوا لاينكرون البدع و الخرافات بل كانوا يتسلون بها بما فيها من زين و شين

الماضي ليس كله جميل ولكنه يبقى تاريخ يجب ان يسطر ويكتب لانه ماضينا وتاريخنا

نعم اشكرك ....بصمة لثرت الموضوع كثيرا
ويظل التاريخ امينا على الماضي وسفيرا للمستقبل
اشكرك ياولد بلادي :113:

تسلمين الغالية ويعطيج العافية :106:

فــ قطر ـــرح

يسلمك الرحمن الغلا