الموضوع: ابي رايكم وش اهم الاماكن اللي ممكن ازورها بالدوحه

مرحبا اختي

واتنورين الودوحه وانشاءالله اتكون فاتحت خير لج واتزورين الدوحه كل فتره

وانا بحطلج كم رد من ردودي وموضح فيهم كل الاماكن من سكن واماكن سياحية


الرد الاول بكون عن السكن

--------------------------------------------------------------------------------

مرحبا اخوي رجعت لك

وانا اسف على التاخير بس لاني رحت الجامعه وديت

نرجع لموضوعنا انا اتصلت في كذا شقق وسويتات وبقولك الي قالوه لي

اول شي

شقق الليوان هي عبارة عن ( غرفة واحده + مطبخ + صاله + حمام )

السعر شامل الضريبه والريوق وهو 900 ريال لليلة

رقم تلفونهم مع فتحت الخط /009744242888

شقق لي بارك وهي عبارة عن ( غرفة واحده + مطبخ + صاله + حمام )

السعر شامل الضريبة والريوق وهو 930 ريال لليلة

رقم تلفونهم مع فتحت الخط /009744255555

شقق سراج ان فرع ام غويلينة وهي عبارة عن ( غرفة واحده + مطبخ + صاله + حمام )

السعر شامل الضريبة والريوق والانترنت مجاني وهو 350 لليلة وانا مجربها شخصيا

رقم تلفونهم مع فتحت الخط /009744440230

شقق رتاج الشرق وهي عبارة عن نوعين النوع الاول

الشقق الصغيره وهي عبارة عن (غرفتين + مطبخ + صاله + حمامين )

السعر شامل الضريبه هو 850 ريال لليلة

ملاحظة وهي ان الغرفتين وحده كنغ باد يعني سرير زوجي والثانية كوين باد يعني سرير واحد اصغر من الاول ابو نفر ونص وان شاءالله اتكون فهمت قصدي

النوع الثاني وهي الشقق الكبيره وهي عبارة عن (غرفتين + مطبخ + صاله + حمامين )

السعر شامل الضريبة وهو 1250 ريال لليلة

ملاحظة وهي ان الغرتين وحده كنغ باد يعني سرير زوجي والثانية توسنجل باد يعني سريرين مفصوله وتقدرون اتظيفون بعد سرير اظافي واحد وسعره 100 ريال لليلة وهل خدمة ماتقدرون اتسونها بشقة الصغيره لان مساحتها صغيره ومافي مكن بس بشقة الكبيره تقدرون والفرق هو حجم الشقة وفي اعضاء اكثار امدحوها وعلى ماعتقد تصنيفهم 5 نجوم واذا انا غلطان حد يعدل

رقم تلفونهم مع فتح الخط / 009744528888

شقق المنتزه بلازا وهي عبارة عن (3 غرف نوم + مطبخ + صالة + 2او3 حمامات الصراحه مو متاكد )

السعر شامل الضريبة والريوق ل5 اشخاص والانترنت وهو 1265 ريال لليلة الوحدة

رقم تلفونهم مه فتحت الخط /009744355677

شقق دوحة غراند

009744433995
009744433007
دوار السنتر
من جسر الجيده باتجاه دوار السنتر وتقاطع رمادا
3 غرف 3 حامامات صالة ومطبخ مع التظيف
الانترنت مجانا السعر لليلة 1200 ريال قطري

2 غرف و2 حمام ومطبخ وصالة والتظيف والانترنت 1000 ريال قطري

سويت سرير كبير مع صالة وحمام والتنظيف اليومي والانترنت مجانا600 ريال

سويت بسريرين وصالة ومطبخ والتنظيف يومي وحمام 550 ريال

وتعتبر مكانها حلو وفي واحد اعرفه جربها مدة شهر كامل كان عنده دورة وكان مرتاح فيها ويمدحها وايد وخذة منه 7 او 8 الاف بس هو كان بروحه يعني اكيد اخذ السويت الي ب600 بس شوف الفرق يعني لو هو كل يوم بيدفع كان خذو منه 18 الف ريال بس لانه قعد معاهم شهر سوله خصم معتبر

واخر شي عندك السد سويت عندي واحد اعرفه بعد جربها ويمدحها بس الصراحه ماعرف عنها شي

لان تعبت وانا اتصل عليهم يقولي خطاء بلاتصال مادري شسالفه مو راضي يشبك معي

واتمنى الاعضاء يفيدونا عنها ورقمهم مع فتحت الخط /009744323631


__________________________________________________ ___________________

بنسبة لرايي انا انصحك برتاج الشرق لانه يستاهل والاعضاء مدحوه ومكانه حلو

وبعد انصحك في غراند الدوحه & والسراج ان

لان هم الي اعرفهم اما الباقي ماعرفهم الصراحه

وكل شي صار عن طريق التلفون وانا اتصلت شخضيا وكتبتلك الي قالوه

اتمنى اني ساعدتك لو بلقليل

واي استفسار ثاني لا يردك الا الكيبورد

وانا اعيوني لضيوف قطر

تحياتي

__________________

هاي كان ردي للعضو ان شاءالله تقرينه وتستفيدين منه

وهاي موقع بفيدج عن السكن

http://www.arabtravelersforum.com/travel178232/



والحين نرجع لموضوعنا وهو الاماكن السياحية بدوحه

وبحطلج رد حطيته من فترة ان شاءالله تستفيدين منه



--------------------------------------------------------------------------------------------------------------------------

وبنسبة للمولات فيه سيتي سنتر وهو مكون من 5 طوابق وفيه حلبة تزلج وفيه سينما وهي مكونه من 14 شاشه وعندهم مدينة ملاهي وفيه مطاعم وايد ومتنوعه ومحلاته وايد وفيه كارفور وان شاءالله يعجبكم

وعندج الاند مارك وهو مكون من طابق واحد ولاكنه كبير وفيه مدينة العاب وسينما فيها3 شاشات وتستحق الزيارة وفيه كوفياتمتنوعه وحلوة وتستحق الزيارة ومن غير كورنر المطاعم

وعندج مجمع المول وهو يعتبر اصغر من الاثنين الي قبل بس هو مجمع رايق وفيه سينما وحلو

وعندج مجمع فيلاجيو وهو طابق واحد ولاكنه مصمم على الطريقة الايطاليه وهو حلو ويستحق اكيد الزيارة وفيه كوفي شوبات ومطاعم حلوة وفيه ركن الماركات العالمية من غير المحلات الثانية الحلوة بس ماعرف اذا السينما الي فيه افتحت ولا لا اتمنى هشغل الاعضاء يفيدونا فيها لاني برا قطر ومادري

وعندج مجمع الحياة بلازا وهو على بعد خطوات من فيلاجيو وتقدرون اتزورونهم مع بعظ طبعا فيلاجيو احلى بس بعد هو مجمع رايق وحلوو وفي مدينة العاب اسمها جنغل زون ومادري بعد اذا السينما الي فيه افتحوها ولا لا اتمنى حد يفيدنا بهشغله

وعندج مجمع الرويال بلازا وهو يعتبر من اصغر المجمعات وفيه ركن للمطاعم وفيه سينما وتعتبر السينما اليفيه هي ارقى سينما بحكم انها اجدد شي ومرتبه وايد ولاكن عيبها بس 3 شاشات وانا اشوفها هي مع سينما غراند الي بسيتي سنتر هم افضل شي بنسبة لي

وعندج متحف الفن الاسلامي وهو يقع في نهاية الكورنيش ويستاهل الزيارة وهو توه فاتح جديد ويعتبر من ارقى المتاحف في العالم

وعندج الؤلؤة قطر وهي الجزيرة الاصطناعية ممكن اتروحون وتاخذون لكم لفه فيها

وعندج حبيب الشعب القطري وهو سوق واقف وهو يعتبر اقدم سوق بدوحه ولاكن هو سوق قديم على الطراز الحديث يعني كل شي حديث فيهبس بستايل قديم اتمنى فهمتي الفكره ويمتاز بكوفي شباته ومطاعمه ومن غير السوق الي فيه واكيدراح تستمتعون فيه

وعندكم حديقة سباير وهي ورا فيلاجيو تقدرون اتزورونها مع فيلاجيو والحياة بلازا وهي تعتبر ممشى بس حلوو

عندج القرية التراثية وهي بلكورنيش وهي قرية حلوة واتمنى الاعضاء يفيدونا اذا لحين مفتوحه ولا لا

وتقدرين تنزلون واتمشون في كورنيش الدوحه وتاخذون لكم لفة على القارب بس انتبهو ان يدبلون عليكم السعر


وبنسبة للمطاعم نسخت لج اختي رد من ردودي لشخص كان يستفسر عن المطاعم واتمنى تستفيدين منه

__________________________________________________ _________________________

وبنسبة للمطاعم عندك في مطاعم غالية وفي مطاعم نص نص وفي الرخيصه

مادري انت شنو طلبك فيهم

بس بنسبة للمطاعم الراقيه عندك مطعم المرجان بلكورنيش وهو على البحر وقعدته حلوة وايد وهو مطعم لبناني وفيه شيشة

وبذكرلك اسم اكثر من مطعم لبناني كلهم حلوين ويقدمون الشيشة اذا انت مدخن وهم
ليالي & الساحه & اوتار & الصياد وهو بنادي الدبلوماسي & البندر في سوق واقف
وكل الي ذكرتهم يقدمون الشيشة اذا كان هاي طليك بلمطاعم

وعندك مطاعم هندية مثل ( بخارة & رويال تندوري & اشاز في فيلاجيو وكلهم مطاعم حلوة وراقيه

وبنسبه للمطاعم الامريكيا فيه حلوة واسعارها مناسبه مثل ( ابل بيز & شيليز & فرايديز & بينج & فيدركير & امريكان غيرل)

ومثل ماذكرت لك ان اسعارهم مناسبه مثل الي عندكم اكيد

واذا انت اتحب البوفيهات فعندك بوفية فندق فريج شرق وبوفيه فندق الفورسيزنت وعندك مطعم حباري في فندق الشيراتون

واكيد في مطاعم فاست فود مثل (ماكدونالد & برجر كنغ & طازج & كودو & هارديز & كنتاكي & ماري براون & شرمبي & تيك اوي )


وعندج هلموضوع تقدرين اتشوفينه عليه

http://www.arabtravelersforum.com/travel235965/
__________________________________________________ _____________________________

وبحطلج موقع السينمات الي بدوحه

غراند سينما الستي سنتر

http://www.bccmovies.com/index.asp

سينما الاند & المول & الرويال بلازا

http://www.qatarcinemas.com/index_ar.asp

وانا انصح بسينما الستي سنتر وسينما الرويال بلازا

وهاي خريطة قطر يمكن تستفيدين منها

http://www.qsa.gov.qa/Ar/QatarMap.htm


وعندج هتقرير تقدرين اتشوفين منخلاله بعظ الاماكن بدوحه

http://www.arabtravelersforum.com/travel229606/


وبنسبة لكرت التلفون تقدرين اطلعينه من المطار وانتي جاية بعد ماتعدين الجوازات في كشك صغير لكيوتل
واسم الكروت هي كرت هلا والارقام اتكون من 7 ارقام وفتحت خط قطر هي 00974

واذا تبين تصرفين افلوس عندج البنك الدولي الاسلامي وانتي بتطلعين من المطار بكون اخرشي على اليمين

واذا كنتي جاية عن طريق البر تقدرين اطلعين كرت التلفون من اي مجمع تجاري وبنسبة للفلوستقدرين تصرفينها في البنوك الي بلمجمعات او ممكن المحلات ياخذونها بس بنقصون اكيد اكثر من البنك وانا افضل تصرفين من عندج احسن قبل لا اتين وفي مكاتب تاجير سيارات في المطار لو انتو جاين بطيارة


هاي تقريبا كل المعلومات الي تحتاجينها واي اي اي استفسار احنا بلخدمة

واعيونا لزوار قطر

اتمنى اني ساعدتج لو بلقليل

واي استفسار مايردج الا الكيبورد

تحياتي