المشاركة الأصلية كتبت بواسطة اسيرالدوحه
http://www.arabtravelersforum.com/tr...0/#post3365470

هلا اخوي بو خلي ...

انا اشوف 5% وايد ... لانه المترجم .. ماسوى شغل وايد ... انت دفعت كل المبلغ ...

المفرووض انه ياخذ منك اقل ...

وبخصوص احرة التاكسي والـ dhl ... فهذا خقه ...

بس ابي اسألك .. على شنو كان الاتفاق اول شي ...

هل اتفقتوا على انه المكتب يتولى التعامل مع المحلات ودفع المبالغ لهم .... وانت بعدين غيرت رايك ودفعت للمحلات ...

ولا كان الاتفاق من قبل انك انت تتولى الدفع للمحلات ... ويتولى استلام من المحلات .. ويشرف على الشحن ... ويخلص اوراق الشحن ...
انا اشوف ان الـ 5% زايد شوي ... يعني لو كانت 3% .. كانت ممكن تكون معقوله ...

لكن الاتفاق .. اتفاق ... لازم تلتزم بالاتفاق ...

بس حبيت اقولك ... ان المكتب اللي تعاملت معاه ... شكله مكتب زين ... لانه ارسلك بضاعتك .. والاوراق ...

وبعدين طالبك بباقي الفلوس ...

والحمدلله ريك سلّم هالمرة ... ولازم تحاسب المرة الجاية ..

يعطيك العافية ...



هلا وغلا بأسير الدوحه ..

اخوي انا الي سويته كالآتي...

رحت مع المترجم إلى محلات الأثاث واشتريت الاثاث ودفعت شخصيا عربون الاثاث والفواتير الاصليه اخذها المترجم وفي السياره ونحن راجعين قال لنا المبلغ الاجمالي والمدفوع والباقي وقال الاجور المطلوب مني دفعها

الاجور:
السياره من كونزوا الى شندو (350)
و5% (أجرة المكتب والمترجم)
وdhl (المبلغ الي ذكرته)
وأجرة نقل الاثاث من الكونتينر.

وفي آخر يوم لي في كوانزو (بعد 5 أيام من يوم الاثاث) دفعت لصاحب المكتب الاجور المتفق عليها كاش وهو تكفل بالآتي دفع باقي المبالغ لمحلات الأثاث ونقل الأثاث من شندو إلى استور المكتب ونقله إلى الكونتينر وكانت الفواتير الاصليه معه وارسل لي dhl فيه الاوراق المطلوبه قبل موعد وصول الاثاث بأيّام.

وصاحب المكتب هو يوسف الصيني انذكر في موضوع (المترجمين في الصين) له طريقة عمل من وجهين إما أن يدفع الزبون قيمة 5% أجرة المكتب والمترجم أو الاكتفاء باليوميه وقيمتها 200 رمبي اجرة الترجمه...

وأنا التزمت معاه بالطريقه الاولى دفع قيمة 5% مع الأجور التي ذكرتها... فهل يكون مبالغ فيه أم طبيعي ؟؟

أنا شخصيا ما اعرف اصحاب مكاتب ولا لي خبرة في الصين ولا طبيت الصين وهذي المرة الاولى لي، وكل اللي اعرفه في الصين وسوقها ومترجميها وتعامل المكاتب هو من هذا المنتدى الطيب الله يجزاكم الخير يا رواد ساحة الصين ومازال علي دين في رد هذا المعروف ان شاء الله انوفيه...

وسلمت اخوي الكريم على ردك وتعاونك.. لا حرمنا الله من مساعدتك...

مواضيع عشوائيه ممكن تكون تعجبك اخترناها لك: