الموضوع: بالنسبه للسياره وطيران الاتحاد

السلام عليكم...أدري اني أزعجتكم تحملونا شوي....لاتقولون لي دور بالمنتدى لاني لفيت الين دخت ولا قدرت أجمع المعلومه بشكل ملم وصحيح...وأبغاها هنا الله لايهينكم:

1- بغينا نروح على خطوط الإتحاد من الرياض ...هل فيه رحلات من الرياض على الاتحاد وبكم سعر التذكره للشخص الواحد مع العلم ان الرحله بعد شهر ونصف من ألان؟

2-بغينا سياره نأخذها من كازا يكون موديلها 2006 مثلا بيجو او رينو...هل نأخذ من المطار والا من وسط البلد...وبكم سعر الأجار اليومي....وماذا يطلبون من إثباتات مع العلم اني املك الرخصه السعوديه المؤمنه؟


شاكر لكم على المساعده..............أخوكم محمد

مواضيع عشوائيه ممكن تكون تعجبك اخترناها لك:

• استفسار مستعجل هل يمكن تأجيل الحجز اسبوع ؟
• إلى اصحاب الخبره في مراكش
• أول زياره
• هل هناك مشكلة في العادة، في ترك الابتوب في فندق ثلاثة نجوم؟
• مسافر المغرب
• تكفون يا أهل الخبره والفزعه المساعده
• مطلوب شقه بكاز
• استفسار عن طيران اطلس برو
• اريد مساعده من اهل طنجة
• مصر
• استفسار بسيط من عضو جديد
• الله لايحرمنا من الناس الطيبين امثالكم ابي ريكم بصراحه لاني محتار
• ما الذي يمكن أن تفعله خلال 3 أيام بالصويرة؟ (الجزء الأول)
• مطعم السقاله
• استفسار عن طلبات وزارة الداخلية
• استفسار موجه للاخ
• هل السعودي يحتاج الى فيزا لدخول المغرب؟
• من القاهرة للمغرب أفيدوني
• سافر الى أرض العجائب
• ابي أعرف كيف أفعل خدمة البلاك بيري في المغرب

اخوي محمد ممكن تتطلع على الاسعار من موقع طيران الاتحاد

http://www.etihadairways.com/etihada...l/en/home/home

الايجار في المطار بيكون غالي شوي عن داخل المدينة عشان كذا انصحك انك تستاجر من داخل كازا و السيارة الصغير سعرها حوالي 300 درهم في اليوم و اذا كانت مع سائق بتكون 700 درهم

الرخصة السعودية مقبولة في المغرب بس لازم يكون معك بطاقة ائتمانية عشان الضمان

طيران الاتحاد فيه رحلات من الرياض بس فيه فترة انتظار لمدة 9 ساعات والاياب لمدة اكثر من 14 ساعة
خلي المكتب الى يسوي لك الحجز يرتب لك السكن لانه مجاني مع التذكرة، فى الذهاب تقدر تطلع تتمشى وتشوف موفي او اى شي في ابو ظبي لان وقت الوصول من الرياض الساعة 6مساء والاقلاع لكازاالساعة 2 بعد منتصف الليل

تحياتي

هلا اخوي
انا بعطيك نبذة بسيطة عن طيران الاتحاد لاني توي جاي منها قبل كم يوم
التذكرة سعرها 2000 ريال للشخص وقد تتغير من وقت لاخر الاقلاع الساعة 8,30صباحا من الرياض
لأبوظبي وبعدها تتجة لمكتب الاتحاد وتاخذ فوتشر السكن طبعا بيسكنونك بفندق رجينسي ((طبعا لاتتوقع انة على اسمة ))فندق تمشية حال ماعلية ويودونك ويجيبونك والرحلة الساعة 2,30 اخر الليل ابو ظبي كازا طبعا بتوصل الصباح والطيارة بالذهاب فاضية بتفلها نوم ماعندك مشكلة اما الرجعة راح تقلع من كازا الساعة 8,30 صباحا وتوصل حول العشا ونفس الطريقة اللي سويتها بالذهاب تاخذ فوتشر السكن من مكتب الاتحاد بالمطار وبتقلع من ابوظبي الى الرياض الساعة 2,30 ظهرامن اليوم الثاني وتاصل العصر للرياض هذا خط سير طيران الاتحاد والرجعة اللة يعينك على زحمة الطيارة مليانة ماراح تاخذ راحتك زي ماخذيتها بالروحة ,,تمنياتي لك برحلة سعيدة ,, دمتم بود’’’’’’’’

اخويا تروح وترجع بالسلامه .
بنسبه للسياره اكيد من وسط البلد اوفرلك اذا ناوي تطول بالاجار.
الي يطلبونه منك عند الاكترى( الاستاجار).
1/ رخصة القياده السعوديه .
2/ بطاقه فيزا. وياخذون عليها كبي ( صوره) للارقام الي عليها واسمك الي بالبطاقه.ويرجع لك الصوره عند استلام السياره.
3/ مبلغ عدد الايام المتفق عليهاعند الاستاجار .
4/ يمكن يطلب عنوان سكنك وهاتفك .
5/ عقد في ورقه بين المكتب وبينك. وتاخذ انت صوره منه وتحتفظ بها حين تسليم السياروهو مهم احتفظ به.(تراه هو استمارت السياره).
تمنياتنا لك بالتوفيق والسلامه . وانتبه وانت تسوق من الي على اليمين دائمآ. ترى الافضليه لهم.
تحياتي,,

مشكورين ويعطيكم ألف عافيه ياالغالين وماقصرتوا ....

أخوي وايد وايد عندي سؤال لو تكرمت بالنسبه للخطوط الإتحاد للفوتشر حق السكن هل هو مجاني يجي مع التذكره أو أدفع فلوس زياده والشي الثاني أقدر أتمش بأبوظبي والا ملزوم أن أجلس بالمطار ومتى مواعيد رحلاتهم بأي يوم من الرياض...مشكور ويعطيك العافيه.....

أخوي خالد678 بالنسبه للفيزياء هل هم أمينين انهم مايسحبون فلوس اذا رجعت للسعوديه...وهل أقدر أستخدم بطاقتي الفيزاء أثناء سفري هناك يعني موضوع أجار السياره مايعطل الفيزاء ويخليني مأقدر أستعملها بالسفر قصدي مايحجزون الملبغ اللي بالبطاقه حتى أرجع لهم السياره...أسف على الاطاله ومشكورين جميعا

أخوي وايد وايد عندي سؤال لو تكرمت بالنسبه للخطوط الإتحاد للفوتشر حق السكن هل هو مجاني يجي مع التذكره أو أدفع فلوس زياده والشي الثاني أقدر أتمش بأبوظبي والا ملزوم أن أجلس بالمطار ومتى مواعيد رحلاتهم بأي يوم من الرياض...مشكور ويعطيك العافيه.....

هلا أخوي لويرم
بالنسبة للفوتشر مجاني يسجل لك في الحجز من الرياض وعلى فكرة نسيت اقولك ترى فية رحلة الساعة 9,30 مساء والوصول حول الساعة 11,30 وتجلس تتمشى بالمطار حول ساعة ونص وبعدها تطلع على الرحلة الساعة 2,30 مساء الى كازا
وبالنسبة للتمشية اذا انك طلعت على رحلة الصباح من الرياض يمديك تتمشى شوي لأن ابو ظبي صغيرة اصلا واذا طلعت على رحلة المساء مايمديك لان المطار شوي بعيد اما بالرجعة يمديك تتمشى لين تمل معك حول 16 ساعة وبعدين ماعليك هم يعلمونك بموعد تحرك الباص من الفندق الى المطار ويزعجونك على غرفتك لين تقوم لانك جالس فوق روسهم ساكن ببلاش وتبيهم يخلونك 0
وبالنسبة لمواعيد رحلاتهم فية الأحد والثلاثاء والخميس على ماأعتقد كذا لانة اذكر كان يقولي ان رحلاتها يوم ورى يوم ووكيلهم شفة مكتب الموسم للطيران على شارع الستين في مبنى العقارية اول شف عندك واحد أسمة فيصل رجال محترم ماراح يقصر معك رحلة سعيدة ,,دمتم بود ,,,

اخي زخ المطر تسلملي يالحبيب على تعليقك.:24:

أخوي خالد678 بالنسبه للفيزياء هل هم أمينين انهم مايسحبون فلوس اذا رجعت للسعوديه...وهل أقدر أستخدم بطاقتي الفيزاء أثناء سفري هناك يعني موضوع أجار السياره مايعطل الفيزاء ويخليني مأقدر أستعملها بالسفر قصدي مايحجزون الملبغ اللي بالبطاقه حتى أرجع لهم السياره...أسف على الاطاله ومشكورين جميعا

اخي لويرم العزيز.:101:
اما الفيزياء كثر منها :109: ههههههههه المشكله كنت ضعيف فيها ايام الثانوي.:109:
بنسبه لبطاقة الفيزاء عادي تقدر تسحب منها. بس هم يخلون عندهم صوره كضمان لحين عودة السياره سليمه ومهما صار للسياره لاسمح الله تراه مامن عليها عندهم يعني لاتشيل هم. بس البطاقه احتياط ياخذون الصوره وهذا شي روتيني. وبعدين وشلون يسحبون عليها وانت معك البطاقه .:114: وافضل انك تحاسبهم كاش .:24:
تحياتي,,

مشكورين حبايبي وايد وايد وأخوي خالد678 ويعطيكم العافيه

المشاركة الأصلية كتبت بواسطة khaled 678
http://www.arabtravelersforum.com/tr...3/#post1059553

اخي زخ المطر تسلملي يالحبيب على تعليقك.:24:

أخوي خالد678 بالنسبه للفيزياء هل هم أمينين انهم مايسحبون فلوس اذا رجعت للسعوديه...وهل أقدر أستخدم بطاقتي الفيزاء أثناء سفري هناك يعني موضوع أجار السياره مايعطل الفيزاء ويخليني مأقدر أستعملها بالسفر قصدي مايحجزون الملبغ اللي بالبطاقه حتى أرجع لهم السياره...أسف على الاطاله ومشكورين جميعا

اخي لويرم العزيز.:101:
اما الفيزياء كثر منها :109: ههههههههه المشكله كنت ضعيف فيها ايام الثانوي.:109:
بنسبه [mark=FF3333]لبطاقة الفيزاء[/mark] عادي تقدر تسحب منها. بس هم يخلون عندهم صوره كضمان لحين عودة السياره سليمه ومهما صار للسياره لاسمح الله تراه مامن عليها عندهم يعني لاتشيل هم. بس البطاقه احتياط ياخذون الصوره وهذا شي روتيني. وبعدين وشلون يسحبون عليها وانت معك البطاقه .:114: وافضل انك تحاسبهم كاش .:24:
تحياتي,,




يامعدل الفيزياء عدل الفيزاء اللي عندك

اسمها بطاقة الفيزا

المشاركة الأصلية كتبت بواسطة wwajeh
http://www.arabtravelersforum.com/tr...0/#post1062460

يامعدل الفيزياء عدل الفيزاء اللي عندك

اسمها بطاقة الفيزا



:24:
صح لسانك wwajeh ولا يهمك اسمها ( فيزا):113: . بدون همزه. :109: بس لاتعصب علي.
تحياتي لصاحب الموضوع ولك,,

مرحبا ياشباب عندي استفسار الرخصه السعودية عند الشرطه ديلهم مقبوله يعني لو وقفوني وقلوا الرخصه وعطيتهم السعودية مافيه مشكله

الرخصه السعوديه معترف فيها بالمغرب يعني تمشي ولايهمك شيء