هلابك اخوي حموووودي
برد عليك عشانك سمي ولدي
ابعطيك فكره بسيطه عن المالديف
المالديف مافيها الا بحرx بحر
وهي عباره عن جزر مختلفة الاحجام وعلى كل جزيره منتجع
يعني مافي منتجعين بجزيره وحده ،اذا مليت من واحد تروح للثاني ابد
مالك الا المنتجع اللي حجزته تاكل وتشرب وتنام وتتمشى وتتسبح فيه
مافيه مطاعم وجبات سريعه او اسواق او ملاهي
جميع الانشطه اللي بتمارسها متعلقه بالبحر (غوص ، صيد ، جت سكي ،تزلج على الماء ،براشوت وغيرها ،)
برنامجك اليومي راح يكون بالشكل التالي تقريبا :
تصحى الصباح تتمشى على البحر وتروح تفطر
بعد الفطوراذا ماكنت حاجز واحد من الانشطه اللي يقدمها المنتجع بأمكانك تقضي الوقت بالبحر او المسبح
الظهر الشمس حاره جدا وما تقدر تطلع تسبح ،فتاخذ شاور وتنام او تناظر البحر من خلف الزجاج وعند المكيف
بعد الظهر وعلى العصر تطلع تتغدى او تاخذ سناك تصبيره للعشاء
بعد العصر لحد المغرب تمشيه على البحر وتاخذ لك كم صوره للغروب
ترجع الفيلا وترتاح شوي لوقت العشاء
بعد العشاء براحتك تحب تسهر تحب تنام بكير وتصحى بكير
اتمنى تكون الفكره وصلت والوضع واضح امامك
وبالتوفيق ان شاء الله
رد مع اقتباس
المشاركة الأصلية كتبت بواسطة حموووووودي
المفضلات