الموضوع: الحصول على تأشيرة لعلاج في اسبانيا

السلام عليكم

ان شاء الله عندي نيه اروح لاسبانيا لعلاج في مستشفى باركيور في مدينه برشلونه

بس جالس ادور في النت الى ما تعبت مو محصل اجابه لكم سؤال

اهم سؤال الحصول على تأشيرة لعلاج كم سعرها كم مده اصدارها و اهم شيء كم مده التأشيرة يعني ما ابي تأشيرة لثلاث اشهر مثلا

ابي وقت طويل لاني اخاف يطلبو مني مراجعة في اي وقت و ابي اكون جاهز بعدها

يعني انا ما ادري ممكن اجلس يوم يومين و اخلص و ممكن اجلس شهر

يعني ما اقدر احجر مثلا سكن بوقت محدد

افضل خطوط تروح على برشلونه من جده طبعا يهمني كثير عامل الوقت يعني ما ابي انتظر كثير في مطارات ولا اروح من مطار لمطار

ابي قدر الامكان رحله تكون دايركت و ايش رايكم في الخطوط السعوديه الى مدريد و من مدريد رحله داخليه الى اسبانيا

للي يعرف موقع المستشفى

وش افضل الفنادق الي محيطه حوله يعني قدر الامكان اقدر اروح وا جي على مشي و تكون فنادق من ثلاث الى اربع نجمات يعني يكون وضعها ممتاز و اذا مافي قريب من المستشفى و لزم الامر حتى لو خمس نجوم اهم شيء يكون قريب عشان اقدر اصل في وقت قليل

طبعا راح نكون انا و زوجتي و طفل صغير معي عمره سنتين

طبعا و اهم شيء ابي اعرف وش وضع هذا الشعب

خاصة مع الحجاب

مصاريف تقريبة

كم يبيلي

طبعا هو المتوقع للعلاج خمس ايام ان شاء الله و عندي نيه ازيد فوقها عشرة ايام سياحه بعد العلاج ان شاء الله

وش ترشحو لي من مدن و مناطق سياحيه

طبعا راح اكون اول خمس ايام في برشلونه لاني راح على موعد هناك

اسف على الاطاله و ان شاء الله القى الجواب الشافي

مواضيع عشوائيه ممكن تكون تعجبك اخترناها لك:

• ارجوكم محتاجة مساعدة الله يخليكم الجنوب الاسباني وشهر مارس
• طلب صغنوني
• هل احتاج فيزا للسفر لاسبانيا ؟ واستفسار عن جزر الكناري
• الفزعة يا خبير اسبانيا
• ديربي برشلونه
• كيف السكن فيحي سلامنس بمدريد
• وش المنطقة المفضلة للسكن في برشلونه و مدريد
• رحلات شهر العسل لاسبانبا
• صور من مباراة برشلونة وبايرن ميونخ
• التسوق في مدريد والاماكن المهمة لزيارة ؟
• طيارة الكلاسيكو ابريل
• إستفسار من فضلكم
• استفسار عن برشلونة
• سؤال غريب شوي عن الفنادق في اسبانيا
• توضيح في معرفة مدة الإقامة
• السكن في مدريد وبرشلونه
• سؤال عن شقة لأربعة أشخاص في برشلونة وبالتحديد الرامبلا؟
• ساعدوني يااهل الخبره الله يساعدكم دنيا واخره
• المواقف في ماربيا
• استفسارات مهمة جدا جدا عن سفرتي لاسبانيا ارجو من الجميع الدخول

اهم سؤال الحصول على تأشيرة لعلاج كم سعرها كم مده اصدارها و اهم شيء كم مده التأشيرة يعني ما ابي تأشيرة لثلاث اشهر مثلا

سعرها مثل سعر فيزا السياحية حوالي 300 ريال
مدة اصدارها و مدة تأشيرة حسب السفارة نفسها صعبة انك تحدد


افضل خطوط تروح على برشلونه من جده طبعا يهمني كثير عامل الوقت يعني ما ابي انتظر كثير في مطارات ولا اروح من مطار لمطار

أحسن خطوط بترانزيت قليل هي لفتهانزا و البريطانية و الفرنسية

ابي قدر الامكان رحله تكون دايركت و ايش رايكم في الخطوط السعوديه الى مدريد و من مدريد رحله داخليه الى اسبانيا

خطوط السعودية لرحلات مدريد توقف في ميلان غير كذا أذا وصلت مطار مدريد تاخذ شناط وتشحنها من جديد ..

وش افضل الفنادق الي محيطه حوله يعني قدر الامكان اقدر اروح وا جي على مشي و تكون فنادق من ثلاث الى اربع نجمات يعني يكون وضعها ممتاز و اذا مافي قريب من المستشفى و لزم الامر حتى لو خمس نجوم اهم شيء يكون قريب عشان اقدر اصل في وقت قليل

هنا لستة فنادق قريبة من المستشفى
http://www.arabtravelersforum.com/travel373390/


طبعا و اهم شيء ابي اعرف وش وضع هذا الشعب

الحجاب عادي ما عندك مشكلة
المصاريف أكيد المعيشة هناك غالية جدا ...

وش ترشحو لي من مدن و مناطق سياحيه

فيه مدريد و منطقة الأندلس

أن شاء الله أكون جاوبت على استفساراتك و اتمنى لمريضكم الشفاء العاجل و الله يسهل امركم