السلام عليكم

ان شاء الله عندي نيه اروح لاسبانيا لعلاج في مستشفى باركيور في مدينه برشلونه

بس جالس ادور في النت الى ما تعبت مو محصل اجابه لكم سؤال

اهم سؤال الحصول على تأشيرة لعلاج كم سعرها كم مده اصدارها و اهم شيء كم مده التأشيرة يعني ما ابي تأشيرة لثلاث اشهر مثلا

ابي وقت طويل لاني اخاف يطلبو مني مراجعة في اي وقت و ابي اكون جاهز بعدها

يعني انا ما ادري ممكن اجلس يوم يومين و اخلص و ممكن اجلس شهر

يعني ما اقدر احجر مثلا سكن بوقت محدد

افضل خطوط تروح على برشلونه من جده طبعا يهمني كثير عامل الوقت يعني ما ابي انتظر كثير في مطارات ولا اروح من مطار لمطار

ابي قدر الامكان رحله تكون دايركت و ايش رايكم في الخطوط السعوديه الى مدريد و من مدريد رحله داخليه الى اسبانيا

للي يعرف موقع المستشفى

وش افضل الفنادق الي محيطه حوله يعني قدر الامكان اقدر اروح وا جي على مشي و تكون فنادق من ثلاث الى اربع نجمات يعني يكون وضعها ممتاز و اذا مافي قريب من المستشفى و لزم الامر حتى لو خمس نجوم اهم شيء يكون قريب عشان اقدر اصل في وقت قليل

طبعا راح نكون انا و زوجتي و طفل صغير معي عمره سنتين

طبعا و اهم شيء ابي اعرف وش وضع هذا الشعب

خاصة مع الحجاب

مصاريف تقريبة

كم يبيلي

طبعا هو المتوقع للعلاج خمس ايام ان شاء الله و عندي نيه ازيد فوقها عشرة ايام سياحه بعد العلاج ان شاء الله

وش ترشحو لي من مدن و مناطق سياحيه

طبعا راح اكون اول خمس ايام في برشلونه لاني راح على موعد هناك

اسف على الاطاله و ان شاء الله القى الجواب الشافي

مواضيع عشوائيه ممكن تكون تعجبك اخترناها لك: