الموضوع: استفسار مستعجل عن التسديد والموعد

السلام عليكم ورحمه الله وبركاته



عندي استفسار ضروري وللاسف وقتنا ضيق ومتوهقين


رحلتنا بعد شهر ونص ودافعين كل شي
الفيز كان الوالد على اساس بيسويها بمكتب وتأخر فيها


فاضطريت اني اشتغل عليها بنفسي
وبيومين حاولت اقرا واجمع المعلومات بس ماكان عندي وقت بالاضافه لتوتري
امس انتهيت من الورقه ds-160 لكل عائلتنا
وعدد افراد عائلتنا 7 السابع عمره 11 فمايحتاج مقابله


اللحين المرحله الثانيه توقفت عندها وهي السداد والموعد
اليوم الجمعه والبنوك مسكره
انا حاليا في جده هل في فروع لسامبا تفتح السبت ؟


واحدد الموعد اليوم والا انتظر لما ندفع بكرا بعدين احدد
انا اتمنى احدده باسرع وقت عشان يمدي الفيز تطلع

اخترت الرياض بحكم اني باكون بالرياض بعد اسبوعين وكاتبين اقرب موعد في 17 اوقست
ومناسب هالموعد اخاف اتآخر ويتأخر الموعد




دخلت هالموقع
ustraveldocs


وسجلت باسم الوالد كيف اضيف باقي العائله
وكيف يكون لنا موعد واحد كلنا




في شي نحتاج ندفع 45 ريال ولخمس اشخاص فقط
ايش هو والشخصين الباقين عمرهم 14 و 11 نفتح لهم حساب جديد






رجاءً ساعدوني الله يفرج لكم ويسهل اموركم
وقتنا جداً ضيق ودفعنا لكل شي وغير مسترده الله ييسرها وتطلع الفيز بدري

مواضيع عشوائيه ممكن تكون تعجبك اخترناها لك:

• ابشركم دخلت اليوم الساعة ونص الظهر جولاي ميونخ بفيزا يونانية بس بغيت اروح فيها
• مشكله في تعبئة الابلكيشن
• بخصوص تسجيل عنوان الفندق في الأبلكيشن
• لا استفسارات هنا الاستفسار بالمواضيع المثبتة فوق
• أوروبا البصمة تقصي تأشيرة السعوديين
• سؤال عن نوع الفيزا الكنديه لـ اشهر لـ طفل تجاوز الـ سنوات لغرض الدراسه الابتدائيه
• استفسار عن فيزا شنغن
• مساعدة في طلب فيزا فرنسا
• الفيزا الفرنسيه
• حجز موعد بالسفارة النمساوية
• شنجن هولندا
• ما فائدة الفيزا التأشيرة ؟؟ موضوع للنقاش
• احذرو بعض المكاتب التي تتاجر بظروف الناس وحاجتها للتأشيرة
• هل يمكن استخراج الشنجن من جدة والسفر من مصر
• إنتهى الجواز بعد إصدار الفيزا
• خلصت موعد الألمانية الرسوم والأوراق المطلوبه هي
• تجربتي في استخراج تاشيرة سنغافورا
• مساعدة بخصوص التأشيرة الأمريكية
• استفسار بخصوص الجوازات ونظام أبشر ،، توهقت
• استفسار بخصوص البصمة وفيزا الشنغن

هذا الرابط راح يفيدك
http://www.arabtravelersforum.com/travel165542/

كل شخص في نموذج مهما كان عمره وحتى لو ماراح يكون له مقابلة !
تحديد الموعد بعد سداد رسوم الفيزا بيجيك ايميل بي 48 ساعة عمل يخبرك انه تم استلام مبلغ الفيز وانه بامكانك تحدبد الموعد !
اذا اضفت والدك في خيار لاضافة افراد العائلة !

بالتوفيق ,,

شكراً يعطيك العافيه


اللحين مرت 24 ساعه ع التسديد ولا وصل ايميل
عاده يطول اكثر ؟

ورقم الايصال المطلوب هو cgi
ولكل افراد العائله نفس رقم الايصال يعني ؟

يعطيك العافيه يارب

عذرا ع كثر الأستفسارات : (

فئه التأشيره ايش المفترض تكون ؟
اخترت All Others بس خفت يكون غلط


Students and Exchange Visitors
Personal or Domestic Servant
All Others

عزيزي نوع الفيزا

b1/b2

فئه الفيزا وليس نوع الفيزا وكان لها ثلاث خيارات
اخترت الفئه All Others والنوع b1-b2

يعطيك العافيه وجزاك الله خير ع المساعده

لا نوع الفيزا personal


و بالنسبه للموعد
راح يمديك تختارينه بعد ما يتاكد التسديد ويوصل للسفاره وهم يدخلون رقم الايصال لكل افراد العائله


طبعاً اكيد قدك اضفتي افراد العائله كلهم مع بعض في الموقع ورحتي سددتي ؟؟


ولما يتم السداد رقم الايصال يدخل تلقائياً في الخانه حقته ..


ولا تاكلي هم ترا الامر جداً بسيط ..


واي استفسار انا حاضر

انا حطيت All Others اقدر اغيره والا خلاص؟ مع العلم انها بعدها طلب مني نوع الفيزا حطيت b1b2


موعدي في تاريخ 18 وسفرتي بعدها بشهر بالضبط في 19
ممكن تطلع الفيزا بأقل من شهر ؟؟


اخر نقطه مطلوبه هي حجز الموعد والانتظار بس ؟؟؟


وبالنسبه للموعداللي اخذه معي


1. ورقه تأكيد الموعد
2. ورقه تأكيد ds-160
3.الجوازات
4.خطاب تعريف الراتب
5.كشف حساب
6.ورقه السداد من البنك
7.الصور




بالنسبه لكشف حساب ينفع يكون كشف حساب من بنكين
مو واحد لأن حطينا كل افراد العائله اللي متكفل فيهم الوالد
اخاف مايرضون الا بمبلغ اكبر من حسابه اللي فيه الراتب




وشكرا على المساعده يعطيكم العافيه

المشاركة الأصلية كتبت بواسطة deemasul
http://www.arabtravelersforum.com/tr...7/#post8319997

انا حطيت all others اقدر اغيره والا خلاص؟ مع العلم انها بعدها طلب مني نوع الفيزا حطيت b1b2


موعدي في تاريخ 18 وسفرتي بعدها بشهر بالضبط في 19
ممكن تطلع الفيزا بأقل من شهر ؟؟


اخر نقطه مطلوبه هي حجز الموعد والانتظار بس ؟؟؟


وبالنسبه للموعداللي اخذه معي


1. ورقه تأكيد الموعد
2. ورقه تأكيد ds-160
3.الجوازات
4.خطاب تعريف الراتب
5.كشف حساب
6.ورقه السداد من البنك
7.الصور




بالنسبه لكشف حساب ينفع يكون كشف حساب من بنكين
مو واحد لأن حطينا كل افراد العائله اللي متكفل فيهم الوالد
اخاف مايرضون الا بمبلغ اكبر من حسابه اللي فيه الراتب




وشكرا على المساعده يعطيكم العافيه




نوع الفيزا صحيح ياغالي

وتختلف اجراءات الفيزا من شخص للثاني ممكن خلال 3 ايام وممكن تاخذ اسبوعين وممكن شهر وقليل ما تطول اكثر !

لحضة ترا كل شخص نموذج ds160 !!!! خاص به !
وتضيف كل شخص في النظام وبعدها تسدد لهم وبعد ما يوصل السداد تاخذ الموعد !

كشف الحساب واحد يكفي للشخص الي بيتحمل تكاليف السفر



بالتوفيق ,,

الحمدلله كانت المقابله امس واسهل مما تصورنا
العائله كلنا بموعد واحد اخذت مننا ثلاث ساعات كانت السفاره زحمه جداً
بس الترتيب والوضوح سهل كل شي

بس عندي استفسار
بعد المقابله قالت بتطلع كل الجوازات بعد 3 الى 5 ايام الا جواز واحد بياخذ من اسبوعين لثلاث لأنه تحت الاجراءات الاداريه
هل ممكن يتأخر الجواز ؟؟
قالت بتوصلكم الجوازات اول بعدين الاخير لحاله او مع بعض طلبنا اللي تخلص تجي اول عشان لو جا وقت السفر ما نتوهق
باقي ع سفرتنا شهر بالضبط هل ممكن تاخذ هالوقت فعلا

عطتنا ورقه صفراء وحطت علامه تحت عند خانه مكتوب فيها تحت الاجراءات الاداريه تستغرق من 2-4 اسابيع
الغالب انه جواز الوالد وهو سبق وسافر لامريكا مرتين بس قبل 20 سنه
هل لها علاقه يعني ؟
هي سألتنا سبق سافرتوا قلنا بس الوالد وسآلت ليه سافرت
باقي الاسئله قليله وروتينيه تدرسون والا تشتغلون ايش تشتغلون واي ولايه بتروحون


الغريب انه جواز واحد فقط ايش السبب وهل ممكن يتأخر ؟