الموضوع: نصيحه لاتفوتكم

بسم الله الرحمن الرحيم

السلام وعليكم ورحمة الله وبركاته ..... امابعد

اخواني واخواتي فالله قدر الله علي وانا مسافر حملت معي جهازين

الاول اي فون والثاني بلاك بيري وقبل مااسافر سددت الجوالين سداد كامل وقلت كلها استقبال مجاني خليني اخذ الجهازين وصلت باريس وخليت الاي فون معي لاني حافظ فيه معلومات سياحيه من هذا المنتدى الراااائع وخليت البلاك بيري في الفندق تخيلوا مااستخدمته جلست في باريس 4 ايام تقريبا ووصلت خامس يوم لبرشلونه وفصلت الخدمه قلت شكله مافيه خدمه عندهم في اسبانيا وصلت جده و الخدمه باقي مارجعت !!

رحت لمكتب الاشتراكات قلت من خشيت اسبانيا و خدمتكم فصلت وحتى جده ايش المشكله قالوا لي فاتورتك وااااصله

اربعه الاف وثمان مئه واثان وستون ريال تخيلوا ما اتصلت منه ولا خدمه البلاك بيري ولا فتحت روابط ولا برودكاست ولا شي بس شغال على الفاضي . قلت لهم ليش مو الاستقبال مجاني ! قالوا نعم مجاني بس هاذي لان خدمه البلاك بيري شغاله عندك ومعنى كذا انه النت مفتوح واي برود كاست يوصلك ينحسب عليك بدون سابق انذار لا ومن امس لحد اليوم زاد في الفاتوره 160 ريال وكل شوي تزيد الفاتوره يقولوا باقي بتزيد لانه هذي لشركات الاتصال بالدول الي زرتها توصل متأخر و يمكن تزيد لمدة اليومين الجايه يعني (كل يوم في ازدياد ..اتي)


فارجوا من الاعضاء والزوار اخذ الاحتياط والحذر من البلاك بيري في السفر بالغاء الخدمه قبل السفر والتأكد من الالغاء او عدم حمل الجهاز .. والله لو بيل غيتس ماتجي فاتورته خمسه الاف في اربعه ايام والي قاهرني مااتصلت منه ولا استخدمت البرودكاست وازيدكم من الشعر بيت الحد الائتماني للجول 300 ريال فقط وفي الاخر فوق الخمسه الاف ريال .

ارجوا منكم تمالك دموعكم على هذي القصه المحزنه و الحذر من البلاك بيري .

مواضيع عشوائيه ممكن تكون تعجبك اخترناها لك:

• شهر عسل في ماربا لمده يوم
• ارجو نصحي بالطريقة الامثل للتنقل بين مدن اسبانيا
• استفسار اخواني للسفر وحدي الى اسبانيا
• انعمت عيوني من هالفنادق ساعدوني الله يفرج لكم
• بخصوص نادي برشلونه
• ارغب في زيارة شمال وجنوب اسبانيا مع فرنسا
• خطة لزيارة اسبانيا لمدة اسبوعين
• بخصوص الفيزا الله يسعدكم ارجوا المساعدة
• هل السفارة الاسبانية يطلبون اثبات وسائل المواصلات بين المدن
• رحلة الى اسبانيا وجبل طارق
• كم اسعار تكاسي مطار مدريد؟ للاهمية رجاء
• مساعدة منكم لمدينة فلنسيا السفر السبت القادم
• تذكره اسبانيا ليه غاليه كذا
• الى اهل الخبره الرجاء الفزعه
• انا عريس جديد واريد فندق جميل في وسط برشلونة
• الفزعه يالربع
• ابغى تنظمون لي رحله عائليه لاسبانيا ياخبرا اسبانيا
• بالنـسبة للغة الأسبانية
• مساعدتكم يالربع مسافر في
• حجز تذاكر قصر الحمرا

يوه وش هالنصب بالاتصالات
انا جوالي موبايلي شحن بس ما ادري يشتغل البلاك بيري خارج السعوديه او لا
شكرا على نصيحتك والله يعوضك من جد فهر

حسبي الله عليهم ..

احنا ريحنا دماغنا وقفلنا جوالاتنا لاننا عارفين وش بيصير بعدين ..واخذنا شريحة من هناك..

الله يجزاك خير

شكرآ على التنبيه

فعلا اخوي احنا صارت لنا في لبنان نفس الحركه والمشكله اللي اكبر احنا 3 ارقام باسم واحد فعلنا خدمة البلاك بيري لرقمين والثالث اصلا ماعنده جهاز بلاك بيري ونتفاجا في الفاتوره تزيد كل شهر ويوم بحثنا لقيناهم مفعلين خدمة البلاك بيري للرقم الثالث ،،

شكرا على التنبيه

الله يعوضك خير
طيب اخي الكريم سؤال كيف كانت فاتورة الايفون؟
وهل استخدمت فيه شريحة الاتصالات؟
وهل استخدمت النت وبرامج المحادثة مثل الواتس اب وغيره؟
يعني بالعربي ينفع ناخذ الايفون ؟ او قديمك نديمك نوكيا

في السفر لازم تقفل الانترنت نهائي من البلاك بيري واجهزه الاندرويد والايفون
وتخلي شغل النت بس واي فااي
لان كثير ينسى الانترنت شغال ويصير اتصال دولي والمبالغ بتصير خياليه
يعني البي بي مايشتغل الا في مكان فيه واي فاي بسس مو ٢٤ شغال معك

المشاركة الأصلية كتبت بواسطة أم نوري
http://www.arabtravelersforum.com/tr...8/#post5223008

الله يعوضك خير
طيب اخي الكريم سؤال كيف كانت فاتورة الايفون؟
وهل استخدمت فيه شريحة الاتصالات؟
وهل استخدمت النت وبرامج المحادثة مثل الواتس اب وغيره؟
يعني بالعربي ينفع ناخذ الايفون ؟ او قديمك نديمك نوكيا




هلابك ام نوري صراحه الاي فون استفدت منه كثير حفظت في الجهاز الكثير من المعلومات وانا في السعوديه وغير كذا اغلب الفنادق الي سكنت فيها النت فري قبل ما اطلع من الفندق ادخل على المعلومات الي ابيها واحفظها في الجهاز واطلع وانا متطمن .

الاي فون انصحك فيه بس بنفس الطريقه الي كلمتك عليها واستخدم الي تبيه بس على الواي فاي ولا تفكر تستخدم شريحه الاتصالات او موبايلي البايت تكلفته (20ريال) .وشريحه الاتصالات خليها في نوكيا ابو كشاف.

البلاك بيري .بشريحه بلدك لا تستخدميه .

الله يعينك ,,, ويستمر مسلسل النصب من قبل الحرااامية حسبي الله عليهم ,, ما أحد سلم من شرررهم

حسبي الله عليهم ونعم الوكيل
الله يسلها من قلوبهم ياشيخ
شف ياطويل العمر انا معي 2 بلاك بيري وايفون وايباد بس بعد ماسمعت هالكلام
الله يخلي درج الكومدينه حق غرفه النوم
بس باخذ الايفون والايباد ونوكيا فقط
والايفون انا فعلا مقفل البينانات الخلويه خير شر وباخذ لي شريحه اسبانيه من هناك بااذن الله
شكرا لك ع النصح
بس سوال يسدح نفسه طال عمرك
انا مركب جلبريك ع الايفون والايباد حقي
هل فيه مشكله ولالا ؟ يعني يفتحون الايفون والايباد ولالا

المشاركة الأصلية كتبت بواسطة jgj3
http://www.arabtravelersforum.com/tr...4/#post5661634

حسبي الله عليهم ونعم الوكيل
الله يسلها من قلوبهم ياشيخ
شف ياطويل العمر انا معي 2 بلاك بيري وايفون وايباد بس بعد ماسمعت هالكلام
الله يخلي درج الكومدينه حق غرفه النوم
بس باخذ الايفون والايباد ونوكيا فقط
والايفون انا فعلا مقفل البينانات الخلويه خير شر وباخذ لي شريحه اسبانيه من هناك بااذن الله
شكرا لك ع النصح
بس سوال يسدح نفسه طال عمرك
انا مركب جلبريك ع الايفون والايباد حقي
هل فيه مشكله ولالا ؟ يعني يفتحون الايفون والايباد ولالا



حياك اخوي . لا مايفتحون شي والامور اسهل مما تسمع بكثير.

النصب هذا من موبايلي

الاتصالات انا سافرت فيه واستخدمته وماوصلت 500 ريال

موبايلي النت عندهم غالي برى السعودي

الميقا الواحد بمصر بـ 61 ريال وبالبحرين 55