الموضوع: جنوب افريقيا ياعالم لاتفوتكم

[align=center]ليش محد جاب خبر جنوب افريقيا .....؟؟:114: [/align]مع انها من احلى البلدان اللي زرتها لحد الحين
مااقولكم انها مثل اوروبا بس اقولكم انها احلى من اوروبا من ناحية الجو والمناظر والحضاره والترفيه والتسوق وووووو يعني اطلب تجد :107: تراها خطيره لايغركم اسمها واذا تبغون اي تفاصيل انا تحت الخدمة

مواضيع عشوائيه ممكن تكون تعجبك اخترناها لك:

• رحلة إلى ساندتون طلب مساعدة
• هل يحتاج السعودي لفيزالدخول كينيا وتنزانيا
• اجواء جنوب أفريقيا
• الاخطاء الاكثر شيوعا في السفر الى افريقيا
• مصر الشرقية
• اديس في إجازة العيد
• سعادوني في حجز الفندق ابغي اكمل الاجراء
• بخصوص السكن في كيب تاون؟؟ارجو المساعده؟
• برجاء الرد السريع
• شهر عسل بجنوب افريقيا
• انشاء الله القى رد وافي
• بكرة أنشاء الله نروح جنوب أفريقيا أبغى نصيحة
• هل بالإمكان الذهاب إلى الجاردن روت من كيب تاون
• انتبة حدث هذا معي في سفارة اثيوبياء في الرياض
• استفسار في دار السلام
• احتاج نصيحتكم يا اخواني واخواتي
• استفسار بخصوص شهر عسل في كيب تاون
• ارجو مساعدتي في إيجاد دار حضانة للأطفال ب جوهانزبيرج
• برنامج لمسافر وحداني لجنوبأفريقيا إسعاف
• محتاجه تجاوبوني الله لا يحرمني منكم

السلام عليكم
اخوي كيف العيشه هناك ؟؟؟ يعني من ناحية الامان ومن ناحيه التطور متطورة ولا لا؟؟؟ وبعدين في اجانب ؟؟؟

مرحبا....... وعليكم السلام
من ناحية الامان "ارقد وآمن" زي مايقولون ما شفت اي شي مخيف عكس مانسمع وانا من الناس اللي كنت شايل هم الموضوع هذا خاصة ان السائح بشكل عام ما يروح الا للاماكن الراقيه واللي فيها امن اما بالنسبة للاحياء الفقيره هي اللي جدا مخيفة وهذي الاماكن بعيده عن الاماكن السياحيه والحلوة ....... اما سالفة فيه اجانب هذي ما فهمتها ؟؟؟
والسلام ختام ......

طيب كم تكلفه التذاكر والسكن .....؟ سمعت ان عندهم اوتيل يعتبر من عجائب الدنيا ..

واشرح لنا بالتفصيل عن الاماكن الحلوة وهل فيها مسلمين ونساء محجبات؟

واللغه الرسميه .........؟ والعملـــــــــــــــة؟

وممكن اعرف وش الدول الاوربيه اللي زرتها وشفت ان جنوب افريقيا احلى منهاااااااااا؟

[align=center]بسم الله الرحمن الرحيم[/align]
[align=center] في البداية احب اعتذر عن تاخيري في الرد ..واشكر مرورك على الموضوع وراح اجاوب على اسئلتك بالتفصيل اذا قدرني ربي ان شاء الله.
اولا: تذاكر السفر ركوب الطياره للوصول الى جنوب افريقيا على طيارتين الطياره الاولى من الرياض الى جده اذا كنتي من اهل الرياض وهذي اكيد عارفه سعر تذكرتها وبعدين تركبين طياره ثانيه من جده الى جنوب افريقيا او بالاحرى الى"جهانسبرج" لان مافيه طيران من الرياض الى جنوب افريقيا :105: ....سعر التذكره 3700 سياحي 8000 على درجة رجال الاعمال "تقريبا اذا ماخانتني الذاكره" :114: .....مدة الرحله 7ساعات تقريبا وفيه طيران داخلي للذهاب من جهانسبرج الى كيب تاون وانصح باستخدام الطيران الجنوب افريقي سعر الشخص من 300 الى 400 ريال ما اذكر بالضبط وتبعد ساعه ونصف ..........لكل مدينه جمالها راح اتكلم عنها بالتفصيل ان شاء الله ...........اما بالنسبه للسكن فاسعارها مثل اوروبا تقريبا ويختلف على حسب المميزات وافضل انك تاخذين المعلومات هذي من شركات السفر والسياحه بيفيدونك اكثر .
ثانيا: سؤالك عن المسلمين والمحجبات فهي مدينه فيها اكثريه اسلاميه ومرحب بالمسلمين وشعبها جدا ودود خاصة من السود منهم لان مو كل الجنوب افريقيين سود كثير منهم بيض وهم بريطانيين الاصل لانها مستعمره بريطانية من قبل انا احب شعبهم جدا جدا جدا :113: عكس الاوروبيين خاصة مع هذي الاحداث
اما بالنسبه للاماكن الحلو راح اكتب عنا ان شاء الله بكره لاني اليوم جدا مشغوله............باي[/align]

[align=center]الاماكن الحلوه يااخت ميمووو كثيره وصعب اتكلم عنها كلها وبالتفصيل لكن ابتكلم عن اهم الاشياء وابرزها
اولا: جهانسبرج
وعي اول محطه وهي باختصار مدينه تجاريه ومدينة تسوق في المرتبه الاولى وتسمى بمدينة الذهب لانها مشهوره بمناجم الذهب والالماس "بس الالماس عندهم اغلى من عندنا شي غريب صح :icon_scra " كما ان فيه زيارات لهذي المناجم تنظم في اوقات معينع من السنه انتي وحظك وزيارتها فيها تجارب جدا رائعه ومفيده ........2/ منتزه gold reef city وهذا المنتزه عباره عن ملاهي لكن موخطره وانما هي مناسبه للاطفال اكثر من الكبار كمان فيها اوتيلات للمكوث فيها لكن انا ما انصح ابدا ابدا ان تطول الزياره فيها اكثر من يوم واحد .."لا تتوهقون" وديكور المنتزه كانك داخله لقريه اوروبيه ....فهمتو قصدي وفيها بعض المحلات للتسوق بس مو حلوه وفي المنتزه احد المناجم اللي حكيتلكم عنه .3/ في منطقة بريتوريا حديقة حيوانا بريتوريا وهي من افضل حدائق الحيوانات في جهانسبرج "لان حدايقهم على افى من يشيل والحيوانات مضيقه عليهم "
4/ رحلة سفاري بالدبابات مره حلوه ومغامره حلوه "للجريئين فقط"
5/ مكان مره حلو اسمه مونت كازينو وهو مركز تسوق مغلق على شكل مدينه حلو حلو لايفوتكم
6/ المكان اللي عليه الكلام هي مدينة السن ستي sun city جدا جدا رائع فيه عدد من الاوتيلات منها الاوتيل اللي سالتي عنه وهو اوتيا جدا رائع وراقي اسمه القصرthe palace سعر الغرفه العاديه فيه 1500 ريال سعودي :king: لكن يستاهل وانصح بالاقامه فيه اما السن ستي فهي تحتاج من3الى4 ايام لان فيها نشاطات كثيره لو بتكلم عنها ماخلصت الى بكره مثل السفاري وغيرها وتبعد سن ستي عن جهانسبرج من2الى3 ساعات تقريبا.

ثانيا : كيب تاون cape town
مدينه رائعه وتقع في الزاويه الاخيره او في نهاية قارة افريقيا وهي مطله على المحيط الهادي والمحيط الاطلسي وهذا سر شواطئها الجميله مثل شاطئ كامس باي camps bay وكلفتون بيتش :surf ....
2/ من الاماكن المميزه في كيب تاون الجزيره اللي كانت سجن على ايام الاستعمار البريطاني واللي سجن فيها نانسون مانديلا واللي صار اول رئيس اسود يحكم البلد بعد الاستعمار واسم الجزيره روبن آيلند robben island تروحين لها على يخت لانها جزيره داخله مره في البحر او بالاصح في المحيط وتشوفون فيها سجن نانسن مانديلا وبعض الصور للسجناء فيها اول ويشرحلكم بالتفصيل عن السجن واحد من اللي كانوا مسجونيين فيها تجربه مره مميزه .
3/ مكان مرتفع مره فوق جبل ترقين له عن طريق تلفريك تطلون فيه على كيب تاون كلها بس انا ماشفت كيب تاون عساني اشوف اللي جنبي من الضباب اسمه تيبل ماونتن table mountain .
4/ منطقه برضوا مرتفعه لما ترقون تشوفون نفسكم في زاوية القاره المحيط الاطلسي على اليمين والمحيط الهادي على اليسار "او العكس لاتدققون" المهم المنظرمر حلو تروحين له عن طريق رحلة البننسلا.
5/ فيه اماكن ثانيه مثل قلعة كيب تاون ومزارع الفراوله والسفاري وووو صعب اني اكتب كل شيء لكن كتبت اهم الاشياء واحلاها ..واتمنى ان كل من يهمه الموضوع يستفيد منه وهذا اللي قدرني ربي عليه ..............فيه حاجه ابغى اضيفه وهي تعتبر من سلبيات جنوب افريقيا وهي ان الحياة فيها تنتهي الساعه 8 بالليل كل شي مسكر .... :112:

اما بالنسبه لسؤالك الاخير عن البلدان الي رحتلها هي :سويسرا - لندنوبرايتن وبلاك بول - باريس والسنه هذي ايطاليا ان شاء الله[/align]

يعطيك العافيه اخت saleks

بغيت اسائلك : هل هي مثل الدول الاوروبيه من حيث غلاء المعيشه ام لا

ممكن تعطين امثله = سعر غرشة الماء - البيبسي الاكل

تحياتي لكم

المشاركة الأصلية كتبت بواسطة Raeed_2003


يعطيك العافيه اخت saleks

بغيت اسائلك : هل هي مثل الدول الاوروبيه من حيث غلاء المعيشه ام لا

ممكن تعطين امثله = سعر غرشة الماء - البيبسي الاكل

تحياتي لكم



[align=center]مرحبا اخوي raeed-2003 وشكرا على مرورك بالموضوع :106:
يعني الى حد ما قريبه لاوروبا من ناحية السكن والتنقلات "التكاسي" لكن من ناحية الاكل والشرب وخلافه فهي ارخص من اوروبا بكثير يعني سعر المويه والبيبسي 1 ونص راند او 2 راند مو متاكدة والراند =80 هلله يعني ما يقارب الريال :107: يعني جدا معقول [/align]

الله يعطيك العافيه اختي saleks

كفيتي ووفيتي

تحياتي لكم

المشاركة الأصلية كتبت بواسطة Raeed_2003


الله يعطيك العافيه اختي saleks

كفيتي ووفيتي

تحياتي لكم



[align=center]الله يعافيك ما سويت الا الواجب واتمنى ان الكل يستفيد وخاصة اللي وجهتهم جنوب افريقيا[/align]

يعطيك العافيه اختي اذا امكن بعض الاستفسارات انشالله انا بعد اسبوع رايحه جنوب افريقيا 21 يوم وبسكن في فندق كبتونيان في جها نسبرغ ودي اعرف اذا اوكي ولا لأ

[[align=center]QUOTE=كندوش]يعطيك العافيه اختي اذا امكن بعض الاستفسارات انشالله انا بعد اسبوع رايحه جنوب افريقيا 21 يوم وبسكن في فندق كبتونيان في جها نسبرغ ودي اعرف اذا اوكي ولا لأ[/QUOTE]
بالنسبه لهذا الاوتيل اول مره اسمع عنه بس تاكد اخوي كندوش ان الاوتيل في منطقه كويسه من الناحيه السياحيه ومن الناحيه الامنيه لكن انا انصحك بافضل 3 اوتيلات في جهانسبرج عن تجربة متواضعه
1- انتر كونتنتال سانتون سن موقعه مره رائع تدخل للمركز التجاري سانتن سن من الاوتيل على طول وهو من افضل المراكز التجاريه في جهانسبرج (تسوق_ مطاعم_مقاهي _وسينما

ختى الفاضلة جزاك الله خير على المعلومات
عندي استفسار عن السكن في المدن الاخرى وعن قولتك ان جهانسبرغ يكفيها يوم فارجو التوضيح.
تحياتي

اختي الفاضلة بغيت اعرف ليه قلتى يوم واحد يكفي في جهانسبرغ بالاضافة الى معرفة الفنادق التى تنصحين بالسكن فيها بالمدن الاخرى.
مع الشكر على ما قدمتى من معلومات جعلتنى احول سفري الى جنوب افريقيا .
تحياتي

المشاركة الأصلية كتبت بواسطة اسبوعين


اختي الفاضلة بغيت اعرف ليه قلتى يوم واحد يكفي في جهانسبرغ بالاضافة الى معرفة الفنادق التى تنصحين بالسكن فيها بالمدن الاخرى.
مع الشكر على ما قدمتى من معلومات جعلتنى احول سفري الى جنوب افريقيا .
تحياتي



[align=center] مرحبا فيك اسبوعين انا ما قلت جهانسبرج ما تحتاج الايوم صار فيه سوء فهم يمكن ما وضحت زين انا اقول قولدريف ستي هي اللي تحتاج يوم واحد بس وهذا منتزه في مدينة جهانسبرج ارجوا اني اكون واضحة :106:
بالنسبه للفنادق في سن ستي انصح بالقصرthe palace ولا شيء غير القصر احلى اوتيل في سن ستي بناء على تجربه شخصيه :15:
اما اذا كانت الميزانيه ما تسمح the cascades هذا في المرتبه الثانيه3 نجوم على العموم سن ستي ما فيها الا4 اوتيلات على ما اعتقد بس كلهم في كف والقصر في كف ثاني
اما في كيب تاون cape grace hotel هذا اوتيل 5 نجوم
وtha table bay

المشاركة الأصلية كتبت بواسطة saleks


[align=center] مرحبا فيك اسبوعين انا ما قلت جهانسبرج ما تحتاج الايوم صار فيه سوء فهم يمكن ما وضحت زين انا اقول قولدريف ستي هي اللي تحتاج يوم واحد بس وهذا منتزه في مدينة جهانسبرج ارجوا اني اكون واضحة :106:
بالنسبه للفنادق في سن ستي انصح بالقصرthe palace ولا شيء غير القصر احلى اوتيل في سن ستي بناء على تجربه شخصيه :15:
اما اذا كانت الميزانيه ما تسمح the cascades هذا في المرتبه الثانيه3 نجوم على العموم سن ستي ما فيها الا4 اوتيلات على ما اعتقد بس كلهم في كف والقصر في كف ثاني
اما في كيب تاون cape grace hotel هذا اوتيل 5 نجوم
وtha table bay



ألف شكر لك اختى الغالية على تجاوبك .

تحياتي

[align=center]العفو ما سويت الا الواجب اخوي اسبوعين[/align]

يعطيك العافيه saleks
في السن ستي وش افضل مدينه سفاري زرتيها
وياليت توضحين اكثر عن رحلة السفاري بالدبابات ووين بالضبط وايش اسمها ..

المشاركة الأصلية كتبت بواسطة SKne


يعطيك العافيه saleks
في السن ستي وش افضل مدينه سفاري زرتيها
وياليت توضحين اكثر عن رحلة السفاري بالدبابات ووين بالضبط وايش اسمها ..



[align=center] في السن ستي في رحلات يوميه للسفاري تنظمها الاوتيلات في باص مخصص للسفاري بس بالنسبه لي ما اخذتها وما جربت سفاري السن ستي :108: لسببين
1- لاني طلعت في سفاري بالدباب (بس المنطقه اللي فيها سفاري الدبابات اقل عدد حيوانات خوفا على السائح لانه على دباب وخاصة الحيوانات المفترسه )فاكتفيت ولا طلعت سفاري مره ثانيه
2- بصراحه لاني مليت من مقابل الحيوانات :112: في كل مكان اشوفهم وفي كل رحله حتى في عملتهم الناس يحطون صوره الملك والا صوره اهم معالم البلد وهم مرززين حيواناتهم ههههههه :109:
رحله السفاري بالدباب من السن ستي واسمها ما يحظرني بس اذا رحت للسن ستي اسال عنها في مكتب تنظيم الرحلات الترفيهيه والسفاري اللي في محطة الاستقبال الي يعطونك عندها الخرائط وشرائح التلفون وووو يعني مكاتب خدمة السائح اللي جنب الكازينو ومدينة الالعاب وراح يفيدونك اكثر لانهم هم المساولين عنها وينظمونها ومن مميزاتها انها ما يطلع فيها عدد كبير من الناس عشان يكون فيه كنترول عليهم مو مثل رحلات السفاري العاديه يعني فيها خصوصيه ومغامرة حللللوه لاتفوتك [/align]

جزاك الله خير على هذه المعلومات القيمه واتمنى ان يكون معها بعض الصور

تحياتي

المشاركة الأصلية كتبت بواسطة ابولين


جزاك الله خير على هذه المعلومات القيمه واتمنى ان يكون معها بعض الصور

تحياتي



[align=center]ليش لاحراااااااااج اخوي ابولين :sweatdrop
الصراحه ما اعرف ادخل الصور يليت اعرف :suprise:
بس عندي اقتراح (وحده تصرف) :101: شوفوا فلم افريكانو بطولة احمد السقا ومنى زكي ترى تصويرهم في الفلم كله في السن ستي .......خذوا فكره ولو بسيطه
وشكراا لف شكر على تشجيعك لي ابولين [/align]
[align=center]على فكره يا ابولين انا وجهتي السنه هذي ايطاليا ان شاء الله وانت اتحفتنا في بوابة ايطاليا واستفدت منك كثيرانت فعلا مسافر متالق وشكرررررررررا للجميع في بوابة ايطاليا[/align]

اهلين اختي

والله الاهل من زمااااان يبونها بس انا رافضه الفكره احس انها بلد بدااائي جدا((هذا كان قبل سنه ونص تقريبا))

بعدين اطلعت على مواضيع الاعضاء وعلى تجربة بعض الاقارب اللي راحوا لها كانوا يقولون مرره حلوه غيروا الصوره اللي في بالي 180درجه للأفضل طبعا..

السؤال اختي هنا

انا توني راجعه من اوروبا من النمساء والمانيا .. جتني صدمه كبيره من ناحية الاسواق!! ما عندهم اسوااق حلوه ابدا ابدا....

فياليت تقولين لي اذا جنوب افريقيا فيها اسواق تستاهل وبضاعه حلوه نروح لها ان شاءالله الصيف الجاي!!!..


انتظر ردك..

المشاركة الأصلية كتبت بواسطة حافية القدمين


اهلين اختي

والله الاهل من زمااااان يبونها بس انا رافضه الفكره احس انها بلد بدااائي جدا((هذا كان قبل سنه ونص تقريبا))

بعدين اطلعت على مواضيع الاعضاء وعلى تجربة بعض الاقارب اللي راحوا لها كانوا يقولون مرره حلوه غيروا الصوره اللي في بالي 180درجه للأفضل طبعا..

السؤال اختي هنا

انا توني راجعه من اوروبا من النمساء والمانيا .. جتني صدمه كبيره من ناحية الاسواق!! ما عندهم اسوااق حلوه ابدا ابدا....

فياليت تقولين لي اذا جنوب افريقيا فيها اسواق تستاهل وبضاعه حلوه نروح لها ان شاءالله الصيف الجاي!!!..


انتظر ردك..



[align=center]مراحب اختي حافية القدمين
كويس غيرتي فكرتك عن جنوب افريقيا لانها حلوه مره ومو بدائيه بالعكس تراها تستاهل انك تزورينها توكلو على الله وروحوا لها الصيف الجاي
والله من ناحية البضاعه مو مره حلوه بصراحه مافيها زود مثل اسواق الرياض اذا كنتي يا الحبيبه من الرياض
بس اذا بتدورين على جزمه بتلاقين اذا انتي حافيه :109: هههههههههههه امزح حبيبتي
شكرا على مرورك[/align]

أختي Saleks أنا لاحظت انك ما ذكرتي الووترفرونت ولا الكانال ووك سنشري سيتي و شكلك ما رحتيهم ولا ما كنتي تقولي انه أسواقهم ما فيها زود عن أسواق الرياض. هذا أنا اللي أكره الأسواق حبيت التسوق في كيب تاون.
عندي سؤال: رحتي الأسواق اللي ذكرتها عشان تقدري تحكمي؟ ولا ضيعتي اجازتك كلها في السفاري؟ :114:

المشاركة الأصلية كتبت بواسطة Dorak


أختي Saleks أنا لاحظت انك ما ذكرتي الووترفرونت ولا الكانال ووك سنشري سيتي و شكلك ما رحتيهم ولا ما كنتي تقولي انه أسواقهم ما فيها زود عن أسواق الرياض. هذا أنا اللي أكره الأسواق حبيت التسوق في كيب تاون.
عندي سؤال: رحتي الأسواق اللي ذكرتها عشان تقدري تحكمي؟ ولا ضيعتي اجازتك كلها في السفاري؟ :114:



[align=center]اولا شرف كبير لي انك مريت على موضوعي
ثانيا ماخليت سوق في جنوب افريقيا كلها ما زرته (لوسمحت انت تتكلم مع حرمه) :106: يعني اول اهتماماتي السوق وبضائعها المركزيه او الشعبيه وخصوصا الووتر فرونت لاني ساكنه في الهوليدي ان ووتر فرونت يعني اجابة سؤالك نعم رحتلها كلها واكثر من مره عشان اغطي كل المحلات
يعني مترته شبر شبر محل محل
ومو اسواق الكيب تاون بس حتى اسواق جهانسبرج اللي في نظري انها افخم واحلى من اسواق الكيب تاون مثل المونتا كازينو وسانتن سن ووووو
واحب اقولك يا اخ دوراك ان الناس اذواق يعني اذا عجبك شئ مو بالضروره يعجبني( لولا اختلاف الاراء لبارت السلع) وذوق الرجال غير ذوق الحرمه ولكل واحد وجهة نظره الخاصه والا عندك غير هذا الراي
ولعلمك انا مارحت للسفاري الا مره وحده خلال ششششهر كامل :112[/align]

طيب طيب خلاص لا تزعلي يمكن أنا و أخواتي كلهم اللي دبشوا لزواجهم من هناك ما شافوا أسواق الرياض عشان كدا ما عرفنا نحكم!!

و الله أمزح .. يا هو أحد يقولها اني أمزح لا تزعل علينا الآدمية و ايش يخلصنا من زعل الحريم. أسألوني أنا عندي أربعة أخوات و اذا زعلت واحدة... يالهوي يالهوي تقوم الدنيا و لا تقعدها

المشاركة الأصلية كتبت بواسطة Dorak


طيب طيب خلاص لا تزعلي يمكن أنا و أخواتي كلهم اللي دبشوا لزواجهم من هناك ما شافوا أسواق الرياض عشان كدا ما عرفنا نحكم!!

و الله أمزح .. يا هو أحد يقولها اني أمزح لا تزعل علينا الآدمية و ايش يخلصنا من زعل الحريم. أسألوني أنا عندي أربعة أخوات و اذا زعلت واحدة... يالهوي يالهوي تقوم الدنيا و لا تقعدها



[align=center]انا مازعلت :108: لاني اشوف ان هذي وجهات نظر انت عجبتك اسواقهم وتشوف ان بضائعها مميزه
وانا اشوف انها حلوه كمان بس مومميزه اللي عندهم عندنا واسواقنا حلوه وفيها كل الماركات والمصممين
وانا احترم رايك ووجهة نظرك في الامور هذي :baaa2:
واتمنى اللي زار جنوب افريقيا يقول وجهة نظره في موضوع التسوق فيها عشان يستفيد الكل وماناخذ على رأي واحد والا اثنين [/align]

[align=center]نسيت اقولكم عن حديقة الطيور اللي في جهانسبرج قريبه من المونتى كازينو :15:
حللللوه مره لا تفوتكم وفيها عرض للطيور في اوقات معينه تشوف انواع طيور مره غريبه
ماحطوها في اقفاص تمشون بينها بس عشان ماتطير حاطين شبك كبير على الحديقه كلها
يعني تختلف عن حدائق الطيور العاديه
ويخلونها ترقص على نغمات موسيقيه معينه اشكالهم مضحكه

وفيه صقور مشاركه في العروض [/align]

شكرا اختي العزيزه وانا اللي خلاني اهوى جنوب افريقيا الفيلم افريكانو خاصة الفندق شبيه الفندق اللي في ماليزيا
الخيول الذهبيه علشان كده نفسي اروحه لك تحياتي

مشكوووووووووره اختي saleks ..