هلا اختي اماراتية
انا رحت لبراغ سياحة وليس عندي علم بالعلاج لان هدف الزيارة سياحة فقط

ابي اقولك عن براغ
السكن في براغ فقط وأقول فقط تسكنين في فندق الانديل وبشرك عندهم نظامين فندق وشقق فندقية بس كل واحد له استقبال ومدخل خاص لكن الجميع يتمتعون بمحتويات الفندق فيه نظام سكورتي رائع لمدخل الشقق يعني كل واحد معه باب للشقق غير باب شقتة شي عجيب هذا النظام والغريب انو بعد ماتفتحي باب الشقق الرئيسي تحصلي سكورتي امن ثم الفتات ثم الى شقتك وشقة فيها مطبخ وجميع مستلزمات الطبخ من اواني وفيها الاهم وهو الانترنت مجااااااني .
احنا كنا ثلاثة ومن جد كبيرة علينا الشقة بس من جد فيها فخامة يكفي ان جميع تأثيثهم من محلات ايكيا.
ليش قلت الانديل لعدة اسباب اولها المنطقة تعتبر من الرقى مناطق براغ, ثاني شي الشقة الفندقية راقية بما تحملها من كلمه , السعر مناسب نوعاً ما, قريب منها جميع ماتحتويه المدينة من مميزات التسويق يوجد قريب منه تقريبا 200متر فقط مركز تسوق اسمه السيمي خوف وهو من الرقى مراكز التسوق ويوجد في داخلة مطاعم وجبات سريعة مثل ماكدونالدز وكنتاكي كما يوجد في الدور الثاني مواد تموينية مثل كارفور اسمه تيسكو .
كما يوجد في خارج اسوق مطاعم ماك وكنتاكي .
كما يوجد بقرب الفندق اكبر محطة في براغ وهي محطة الانديل توديك وين ماتبي في براغ وسنتر بعده عن الانديل محطتين فقط يعني شي 10دقايق ونتي في وسط السنتر.
عاد السنتر حدث ولا حرج جميع الاسواق في نفس الشارع ماركات عالمية وفي نهاية الشارع القصر وقدامة الصنام خيول وفرسان وقريب من القصر وبداخل الشوارع المتفرعة من الشارع الرئيسي لسنتر مطعم عربي اكله حلال.
على فكرة اذا روحتي من الانديل الى السنتر وخذتي جولة روحي لقصر تشارلز هذا القصر ممتع وفيه جميع الحظارة السابقة لهذة الدولة وفييها الجسر قبل القصر الي يسمونه جسر تشارلز ممكن تستاجرين قارب وتتمشين فيه على البحيرة وفيه المدينة القديمة وذكر بعد حديقة الحيوان فيه شغلات حلوة في براغ انتي راح تكتشفينها بس شوفي حطو في بالكم البس الشتوي الله الله ترى اخر الايام جانا برد يقرص قرص وخلي الامبريلا معاك على طول خلوكم زي نظام اليورب شغل بجايم والله ياهي تدفي افضل من التدهمل بالجاكيتات .
هذا الي عندي .
والله من جد اخذت جولة في اوربا مريت اكثر من دولة اوربية طبعاً بسيارة وكثر من مدينة لكن تعجبت من براغ وكتشفت ان الي مدح لي فينا وميونخ ماشاف براااااغ.
وتمنى اني قدمت لك شي تستفيدي منه .

اخوك جساس

مواضيع عشوائيه ممكن تكون تعجبك اخترناها لك: