الموضوع: العلاج فى سلوفاكيا

ان شاء الله انا وزوجى بنروح للعلاج فى سلوفاكيا ( تخسيس) فى بيشتنى

ياريت اللى عنده اى معلومات يساعدنا

1- هل علاجهم ست ايام فى الاسبوع والا السبت والاحد اجازه؟
2- ايوهو افضل نسكن فى المصحه والا بره اقصد ايهو اوفرلنا
3- اقدر احجز فى المصحات من اهنيه دايركت بالمصحات والا لازم عن طريق المكاتب مع العلم ان المكاتب سعرها وايد غالى
4- اذا فى احد يقدر يساعدنى ويعطينى اسامى المصحات اهناك واسعارهم

اكون شاكره واتمنى ان شاء الله القى الرد عندكم...

مواضيع عشوائيه ممكن تكون تعجبك اخترناها لك:

• جورجيا_بسطور
• مدينة الألعاب
• أرجو مساعدتي التشيك النمسا تركيا
• روسيا الدولة الاوربية المنسية
• استفسار عن الدنمارك
• مسافر مع العائلة الى تبيليسة كيف الوضع هناك هل
• الــمـجــر عروس اوروبا الشرقية موضوع مترجم
• ممكن مساعدة لمن لديه معلومات عن تجديد الفيزا لقبرص
• اللي عنده فكرة عن محلات ملابس الأطفال في امستردام ياليت يدلني
• نوفمبر عقدني ابي مساعدتكم بليز
• ضرووووووووووووووري ربي يخليكم
• مرحبا ، مطلوب معلومات عن دولة فلندا
• رحلات كروز في اليونان
• خريطة أوروبا
• مساعدة عن رومانيا بو خارست براشوف
• تساؤلاتي عن التشييك
• فنادق لاهاي أرجو الإجابة
• عاجل جدا ً ارجو الاطلاع على مشكلتي مع بوكيننق
• رحلتي الى فنلندا
• التشيك أستفسارات

من كاكا الى فيل الليل .. قصدي نسمة الليل ( امزح معك ) ........ مدام تبي انتي وبعلك تخسيس .. ابشري من يدلك

......... اتبع وتبعي كاكا ...... كاكا .

اولا اذا كنت من سكان الكويت ( راجعي مكتب الصوان يفيدك ) .

ثانيا / مشكلتك بسيطة وحلها ابسط من ما توقعين ....... حمدلله انتي سليمة ومتعافيه ... تبين تخسيس وزن .. وشلك بالخساير ....... اتبعي كاكا ويبي يدلك .

ما لك مصلوح بالمكاتب ..... بيني وقت سفرتك .... و هل هي بشهر 6 و7 و8 ..... ان كانت بهذه الشهور .. الديره زحمه ... زين ان حصلتي على سكن ... ان كان ما لك احد يدلك ..... نصيحة ابعدي عن العرب اللى يخدمون .. فيهم طيب وفيهم من يسرقك ...... ان وجدتى لبناني , عيونه خضر , وصوته ابح , من حسن حظك , نسيت اسمه , وان ذكرته قلته لك ........... كاكا .

خلى سكنك فى بنكا . او خرج السنتر ... احسلك , والمشي رياضة , ويفيدك ......... مالك من المصحات ولا تسكنين فيها ...... كاكا .

عن طريق معارف ( وبخشيش ) ومن هناك انتي تعرفين بدون احد ما يدلك .... لا تخافين ... توضح لك الامور من هناك , ومن مرورك على المصحات ...... تدلين ......... ماتبين علاج غير المساج والطين ... كذب عليك من قل انهم عندهم للتخسيس ....... المشي هو علاجك ان كان للنصيحة تشترين ....... الجو ممتع ويساعد على الرجيم ... لا تشلين خيشة عيش وتقولين .... ابي اخفف .... الاكل متوفر ...... وفيه مطاعم متخصصة للرجيم ...... كاكا.

السكن ما بين 40 الى 60 دولار لليوم ..... شقة نظيفة و وسيعة ........ تكفيك انتي وبعلك ...... وفيه ارخص واغلي ان
كنت على الجخ تدورين ............. توكلي على الله و وامورك تهون ...... لا تصدقين كويتي هناك يملك مرقص وبنته تمشي مع الخليجيات ...... الاخلاق تعبانه .... احرصي تراهم على الغشم يدورون .... كاكا .

وان كان تبيني فعلا ادلك وبسط الامور كلها لك وخليك مثل موذيعات التلفزيون و بعلك مثل ابطال الافلام ... .......................

طلبي هين ..... قصي لي تذكره .. انا والمدام ... والكاكوات ..... و ريتا هنديتنا اللى ريحتها .. تعجبك .. ايه ولا تنسين

...... اخوني الذيابه ..... شلة ابو صفيرة .... تونا طالعين من ذيك الديره ... وما فيه ما نع لها نرجع ... ولا تخافين ....... نخليك بالسفرة توفرين ................ كاكا الله يسلمك .

الله يسامحك يا كاكا فيل مره وحده انا بروحى متعقده ونفسيتى تعبانه
على العموم انا قاعده احاول اقنع زوجى مانسكن بالمصحه لان الواحد فينا قالولنا ياخذون منا 70 يورو يعنى اثنينه 140 انا كنت اعتقد العلاج ارخص بسلوفاكيا

سفرتنا راح تكون شهر ثمانيه ان شاء الله

واذا تقدر اتساعدنا بمعلومات ادق جزاك الله خير

من كاكا الى الفيلة المرحة ......... نسمة الليل ....... مع التقدير ......... كاكا .

اللى عنده ثقة بنفسة ... ماعليه بكلام الناس ... ذكرتها بالسابق وانتي قلتيها .... مالك مصلوح بالمصحات ... غاليه

وانتي مو بحاجتها .......... دير بالك تدور الدواير ....... وتصرين انتي الحماه ..... كما تدين تودان ... سنه الحياه ...

...... شهر 8 الديرة زحمة يدنيا زحمة ............ انتي تحددين اللى تبينه من المصحات .... كذب عليك من قال عندهم

......... علاج للتخسيس ................. استفيدي من المساج ..... والطين ........ تساعد على التخفيف ... ملابس رياضة

............ انتي وبعلك ...... وجوتي رياضة للمشي مخصص .... جو جميل ويساعد ...... خضره ونهر ...

.......... ان حجزتي من هناك بالمصحات ..... ثلاث مصحات مشهور ه ..... احسنهم يسار اعند المجمع واضح .... احجزي مع الوجبات ......... وفكري انك تكوني ذات القوام الرشيق .... ......... اسعد .. صحيح ... من اخبارك عنده علم بالامور ..

......... وان بقيتي مطعم بالسنتر اكله خفيف .. واهل الرجيم .. يطلبونه .... بوصفلك ... انتبهي ... من داخل السنتر

.............. فندق مجنوليا .... على اليسار .... ادخلى السنتر ..... المطعم الصيني علي اليمين ... جدام مقهي على اليسار وعلى اليمين ... من عند اليمين سكه داعوس ... على بعد امتار على اليسار فيها المطعم ... قولي بروسم فاز ...

... يختسم اسيت ..... تراني .. انا مدفد ... بعرف ... وش تقولين .... خضار مسلوقة تكفيك .... طريق الرشاقة طويل

........ يبي صبر وقناعة ........ تحملي ........ وبعدين يقلون شوفو هذه الجينة ... صارت بكنه ....

.............. من كاكا التقدير ...........

مشكور يافيلسوف المنتدى ... وصلت المعلومه

مشكور على الرد

من كاكا الى نسمة الليل ....... الفيله المرحة ....... سلام مع تحيه ....... كاكا .

فيلسوف مره وحدة .... مشكلة الفلاسفة انهم ان تعمقو ... يلحدون ... الله يكافينا شرهم .... هذا اللى نبيه ان المعلومة

وصلت ............ اتبع كاكا مع التقدير .

نسمة الليل أنا ما انصح انك تحجزين عن طريق الصوان نصابين وسعار خياليه يا اختي وبصراحه اكثر الناس يعتقدون انه مافيه مصحات الاا في بشتني وترنشسكا تبليتسا مع العلم ان كل سلوفاكيا او أقلب مناطقها والقرى مصحات واحسن من بشتني وارخص بكثير بس المشكل الي راح تواجهونها بره بسيطة وهي لغة والوحشه يمكن تحنون تبون تشوفون عرب مافيه عرب في المصحات الي برا الآن فيه ناس تبي بعد العلاج تبي خليجيين يسولفون معهم ودواوين ومطاعم عربيه نفس بشتني المناطق الي اتكلم عنها يمكن مايعرفون شنو الكويت ولا وين صايره أصلا لكن علاج صح مكثف وسعار معقوله ولا فيه بغشيش بشتني خربوها العرب بالبغشيش ميعالجك الا في بغشيش ما يوديك الا في بغشيش وعالم وزحمه واذا تبين اعطيج اماكن انا حاضر بس مع العلم أنا ماعمري رحت علاج أنا كله سياحه ودوجه بس ماخليت مكان في سلوفاكيا الا ماجيته وعرفته عدل خبره اكثر من 15 سنة في سلوفاكيا طبعا مو مقيم بس اتردد واجد عليها ونقطعت عنها الفتره الاخير .

jemi_soul
الله يعطيك العافيه اخوى

كلامك كله صح .. انا مشكلتى ان اول مره نروح سلوفاكيا وزوجى مصر نروح اهناك علشان اهله كل سنه يصيفون فى بشتنى
تقدر تقول اول مره بنروح نستكشف الوضع واذا ماعجبنا نروح مكان ثانى مره ثانيه

انا مو من الناس اللى يفضلون يروحون مكان كله عرب بس تقدر تقول هالسفره ان شاء الله تجربه اول مره

وعلى قولتك انا دقيت على الصوان وفعلا سعرهم غالى فا ناويه احجز عن طريق المترجمين اللى اهناك

والله المستعان

مشكور اخوى على المشاركه

الله يعافيج اختي نسمة لليل وأنشاللة رحلة موفقة واحجزي مناك افضلج وخليها اسبوعيا علشان لا قدر الله ما أعجبج الوضع تقدرين تغيرين المصح أو المكان الي مكان افضل وبسلامة .