الموضوع: أرجو المساعدة في التخطيط لسفرة الصيف الى اسبانيا

السلام عليكم ورحمة الله وبركاته..

اول شي حبيت أشكر المنتدى العزيز على مساعدته لي في تخطيطي لشهر العسل منذ اكثر من 3 سنوات مضت..فكانت سفرة جميلة جدا ويعود الفضل لله عز وجل ومن ثم هذا الصرح العظيم..

ثاني شي..أود أن يساعدني الأعضاء ذوي الخبرة في المنتدى بشكل عام وفي اسبانيا بشكل خاص بالتخطيط لسفرة الى اسبانيا بإذن الله في الصيف المقبل ..فحبيت من الآن أخطط وأحجز عشان أوفر أكثر..

ثاث شي احنا بنسافر عائلتين بإذن الله.. (يعني 4 بالغين و 6 أطفال )..فلذلك أحتاج تخطيط متقن لأماكن الإقامة والتنقل واختيار المناطق المناسبة للعائلة..

جزاكم الله خير وأنتظر ردودكم اللي بتفيدني كثييييير..

مواضيع عشوائيه ممكن تكون تعجبك اخترناها لك:

• ابغى اراء الجميع في الفنادق الي حجزتها باسبانيا وفرنسا
• مترو مدريد وبرشلونه
• رايكم يا خبراء اسبانيا بهذا الفندق
• الاستماره كيف اعبيها ارجو المساعده
• ما هو افضل تاريخ تكون فيه اسعار الفنادق رخيصة في برشلونة
• المساعده في سالو والطيران الاقتصادي يا خبراء اسبانيا
• مشكلة مع موقع بوكينج تكفون وش الحل ؟
• استفسار
• الطريق الي مدريد
• اجمل المدن الاسبانية في يناير
• الله يجزاكم خيرر وش رايكم ؟
• ابغى احجز في فندق وابغى رايكم
• سلمنكا
• رحلة كروووز
• استفسار عن مدريد
• ياجماعة تكفون حطو بالكم هالموقف توا صار فينا
• وسائل الواصلات
• اقتراحات لرحلتي الى برشلونه
• وصلتني مخالفة مرورية ايش اسوي ؟؟؟
• الفنادق في اسبانيا

بما أنكم عددكم كبير يفضل قلة التنقلات تكتفون بمنطقتين ... هذا رأيي

- هل تفضلون تأجير سيارة للتنقل ؟؟؟ اعتقد لازم سيارتين ما اعتقد راح تلقون سيارة لعشرة اشخاص

اقتراح خطة سير سريعة :

مدريد أو برشلونة + منطقة الجنوب

هلا أخوي ...مشكور وما قصرت ..أنا أفضل برشلونة مع منطقة الجنوب مثل ما تفضلت..وبخصوص السيارة ما تتوافر عندهم سيارات عائلية؟؟؟ وأتوقع بيكون سعرها مرتفع..فما هو الحل المقترح؟؟ هل نعتمد على التاكسي؟؟

جزاكم الله خير

التاكسي ما يركب أكثر من 3 اشخاص إلى 4 بالكثير

السيارات العائلية توصل إلى 7 ركاب ... بس ممكن تلقى أكثر

أقترح تأجرون سيارتين و أذا ما فيه سواق الا واحد مالك غير تدور على سيارة كبيرة

جزاك الله خير على الرد السريع..
الآن في برشلونة كم يوم يفضل نجلس فيها مع الفنادق المقترحة لو سمحت.. وفي الجنوب الاسباني ماهي المناطق المقترحة وكم يوم نجلس فيها مع الفنادق لو سمحتوا..

أدري طولت عليكم..بس أول مرة بسافر أوروبا وما عرف أحد راح اسبانيا من قبل!!

وسؤال أخير..بخصوص أسعار المعيشة في اسبانيا..يعني أقصد أسعار المطاعم والحاجيات الأساسية للحياة اليومية..وأسعار البضائع للتسوق..هل هي غالية بالنسبة لمعيشتنا في الخليج؟؟

الآن في برشلونة كم يوم يفضل نجلس فيها مع الفنادق المقترحة لو سمحت.. وفي الجنوب الاسباني ماهي المناطق المقترحة وكم يوم نجلس فيها مع الفنادق لو سمحتوا..




نقول برشلونة 5 ايام و جنوب 10 ....
جنوب فيه خيارات كمدن عديدة

أتوقع أنسب شئ لك هي شقق ... و لا تبون فنادق ؟؟





بخصوص أسعار المعيشة في اسبانيا..يعني أقصد أسعار المطاعم والحاجيات الأساسية للحياة اليومية..وأسعار البضائع للتسوق..هل هي غالية بالنسبة لمعيشتنا في الخليج؟؟



عموما المعيشة عندهم أغلى من عندنا

المطاعم اغلى مننا يمكن الدبل
الحاجات الاساسية تتذبذب أسعارها حسب المكان الي تشتري منه
اما التسوق العادي اسعارهم تقريبا اعلى من عندنا بشوي _ احيانا ارخص اذا فيه تخفيضات )

ما عرف شقول لك يا اخوي وفيت وكفيت..وأشكر لك سرعة الاستجابة..
وأنا أفضل الفنادق وخصوصا اذا كانت هاف بورد يعني الافطار والعشاء من الفندق..وبما احنا عائلتين يعني كل عائلة 2 بالغين و 3 أطفال... لكن ما يمنع افكر في الشقق اذا كانت اوفر وبنفس النظافة والرقي..

جزاك الله خير.. ووفقك الله دائما

كم درجة الحرارة في الصيف تقريبا في برشلونة والجنوب؟؟؟

المعذرة نسيت موضوعك




ما عرف شقول لك يا اخوي وفيت وكفيت..وأشكر لك سرعة الاستجابة..
وأنا أفضل الفنادق وخصوصا اذا كانت هاف بورد يعني الافطار والعشاء من الفندق..وبما احنا عائلتين يعني كل عائلة 2 بالغين و 3 أطفال... لكن ما يمنع افكر في الشقق اذا كانت اوفر وبنفس النظافة والرقي..




المعذرة ما أقدر افيدك بخصوص هاف بورد و فطور

فنادق برشلونة :

[url]http://www.booking.com/hotel/es/atriumpalace.en.html?aid=358324


[url]http://www.booking.com/hotel/es/silkengranhotelhavana.en.html?aid=358324


[url]http://www.booking.com/hotel/es/raval.en.html?aid=358324


[url]http://www.booking.com/hotel/es/universal.en.html?aid=358324


[url]http://www.booking.com/hotel/es/olivia-plaza.en.html?aid=358324

شقق فندقية في برشلونة :

[url]http://www.booking.com/hotel/es/barcelona-apartments.en.html?aid=358324


[url]http://www.booking.com/hotel/es/amister-apartments.en.html?aid=358324


[url]http://www.booking.com/hotel/es/barcelonaguest.en.html?aid=358324


[url]http://www.booking.com/hotel/es/vivobarcelona-apartments.en.html?aid=358324


[url]http://www.booking.com/hotel/es/apart-ramblas108.en.html?aid=358324


لو تدخل هذا الرابط و تشوف الي يناسبك

كود:
http://www.booking.com/searchresults...ml?aid=1329869

مشكووووور وجزاك الله خير...