الموضوع: ياجماعة تكفون حطو بالكم هالموقف توا صار فينا

مساكم الله بالخير اكلمكم من برشلونة واليوم ثاني يوم لنا 20 / يناير / 2012 ..خلصنا من جولة الباص وقلنا نتمشى بالرامبلا ونتسوق..بعد ماخلصنا وتعشينا الساعة 11 خذينا آيس كريم واحنا رادين الفندق يونا اثنين يسآلون اذا نبي نسهر او نبي بنات.. كانوا اثنين.. واحد سآل صاحبي علشان يشغله والثاني عندي يسآلني وانا كنت ماسك الاجياس والايس كريم ومشغول بالايفون واهو قاعد يسآلني قتله اني ماابي فجآة آشرلي على وحده وقالي تبي بنية برازيلية وترقص معاها وسوالي حركة حط ريله صوب ريلي وسحب البوك بطريقة والله اني ماحسيت فيها على طول جيكت على جيبي ولا البوك مو موجود لحقته خذيت البوك منه وقاعد يتسحب لسيارة تآكدت من البوك وخذا الكاش " 200 يورو " عسى الله لا يوفقهم لا دنيا ولا اخره وصاحبهم الثالث كان ناطرهم بالسيارة وانحاشوا...وعلى طول كان فيه دورية جدام شوية عطيناهم رقم اللوحة بس ماكنا متآكدين قالنا الشرطي خلكم بهالمكان واللحين بنشوفهم....ارجعوا وقالوا لنا الرقم فيه غلط ولازم تبلغون بقسم الشرطه قتله حتى لو بلغت ماراح يصير شي ( والشرطي يقولي اصلا " كل يوم " تصير سرقات خصوصا بهالمكان " رامبلا " ) قلنا بعد لاحول ولاقوة الا بالله....واحنا راجعين والله العظيم صادفنا واحد يسآلنا عن مكان وشكله يستهبل وحرامي والله زين ماكفخته بالاجياس اللي عندي واللي بعده بمسافة واحد ثاني يطلع لنا كرت ويقولون " بوليسيا " يعني شرطي ومعاه مصباح ينور على الكرت يعني ضابط الدور...مشينا عنهم وماعطيناهم ويه... حطو بالكم ياجماعة الديرة فيها وايد حرامية وفوق هذا بالمناطق العامة " ناس رايحة ورادة " فما بالكم بالشوارع الداخلية... هذا درس وماراح ننسى

مواضيع عشوائيه ممكن تكون تعجبك اخترناها لك:

• صباحك عسل ممكن استفسار
• فيه احد يرد علي ساعدوني
• اقتراحاتكم لرحلة روما ميلان برشلونة مدريد باريس
• معك أطفال في برشلونه تفضل
• استفسار عن اماكن السكن في مدريد
• المدينه الثالثه
• بخصوص مكتب قدم لى اوراقى للسفاره الاسبانيه بمصر
• اسبانيـــــا بنوفمبر و ديسمبر كيف الاجواء
• حجز قطار من برشلونه لمدريد
• فالنسيا ام برشلونة؟؟
• انسب تخطيط لزيارة مدن الاندلس
• ارجو المساعده طيران داخلي من امستردام الى برشلونه؟
• احتاج مشورتكم
• الطــريق الى اســـبانيا ماربيــا
• ممكن خطه عامه لزيارة اسبانيا؟
• استفسارين
• محتار وأبي مشورتكم؟
• استفسارات بخصوص شيئان مختلفان
• رحلة أولى لــ برشلونة وأريد مساعدتكم أسئلة خفيفة
• افيدوني الله يجزاكم خير سفرتي

ياساتر . خوفتونا والله ... بس الله يوفق

الله يعوض عليك
ولكن الحذر بجميع سفرات السائح
والحذر هم اهم اولويات المسافر

[center]يوووه ياساتر

اهم شي الحمدالله على سلامتكم

[font="Tahoma"][size="4"][color="darkred"][b]والله خوفتوني

طيب الي يروح شباب وبنات حاولوا ماتشيلون الا جوال وفلوس ع قدكم

ولاتتاخرون بالليل وان شا الله كل شي تمام

وايضا لاتدخلون الحارات والاماكن الي ضيقه ومافيها ناس واجد

بالتوفيق للجميييع

انا رحت اسبانيا سنة 2009 شهر فبراير....فبرشلونه....
بصراحه ما شفت هالشي نهائياً وبالرامبلا بالليل كانوا يبيعون ممنوعات مثل بيره و حشيش وخمور...بس ما كنا نفتح المجال معاهم للحديث يعني على طول نوووو نووو واحنا ماشين ومعطينهم طاف

بس اتذكر موقف بالقطار وانا راجع من مدريد الى برشلونه كان في ثلاثة اسبان شباب ومعاهم جناط مكتوب عليها الجيش الاسباني و اتذكر اني رحت الحمام وانت كرامه وكانوا بالحمام يدخنون وشكله يدخنون حشيش....بعدها بشويه جاني واحد منهم قالي عطني التلفون بدق...قلت له نووو ماني معطيك...وانحرج و مشى......ولما جينا ننزل من القطار قام يقول كلام وانا ما ادري شيقول لانه بالاسباني وكانوا الاسبان كأنه الموقف مو عاجبهم بس مو قادرين يسوون شي...بس كانوا يضحكون لانه شكله كان سكران ويضحك...و كانت ردة فعلي معاه ولله الحمد زينه واعتقد اني تفوقت عليه بالكلام لان قال بما معناه ان اسرائيل راح تفجركم وانتو ولا شي...قلت له اسرائيل تفجركم انتو بس احنا ماتقدر.......وكان يتوهق بردة فعلي وكلامي.....عموماً الحمدالله ان ماصار بيني وبينه هوشه لان وقتها كان فيني اصابة بالظهر ويالله يالله امشي وحتى قلت لصاحبي اذا صار اي شي كأنك ماتعرفني.
عموماً الدوله غاليه جداً وفيها نسبة مسلمين تريح الواحد لان ما اتذكر رحت مكان فيها ما شفت مسلمين.......ولقينا شخص مغربي يشتغل بتنظيف الشوارع وملتزم ويقول لنا انا اتيت الى اسبانيا وانا عمري 17 سنه وحزتها عمره كان 37 سنه....يقول عشرين سنه وانا بديارهم الفاسده وانا اجيد اللغه الاسبانيه يشهد علي الله اني ما ارتكبت اي شيء يغضب الله ولا حتى بحياتي جاملت اي بنت احتكيت فيها....سبحان الله.....ويقول لنا ما ادري شلون انتو يالخليجيين تجيبون حريمكم وعيالكم لأسبانيا لان فيها منظار بشعه واللقطات الشاذه تشوفها بكل مكان...يعني لا تستغرب رجل يمشي مع رجل وفجأه يصير شيء لا يتمنى الانسان ان يراه والمشكله انهم يفتخرون بهذا الشيء....الله يلعنهم

لا حول ولا قوة الا بالله
اخذ الحيطه والحدذر مهم جدا والاهم هو تحصين النفس بالاذكار والصلواة في وقتها ليحفظكم الله من كل سوء
قدر الله وماشاء فعل والحمد لله انها جت على قد كذا

بصراحة برشلونه يكثر فيها النشالين والحراميه بشكل مزعج

السائح لابد أن يكون حذر جداً خصوصا في الاوقات المتأخرة

الصيف الماضي كنا مجموعة شباب وحصل لأحد الزملاء موقف مشابه لموقفك

ونحمد لله ان الحرامي رمى المحفظه على الأرض و أكتفى بالمبلغ الموجود بالمحفظه 200 يورو

بالاخير أنصح بالتحصين وقراءة الأذكار فهي تقي بإذن الله من المشاكل

لا اله الا الله محمد رسول الله
حسبنا الله ونعم الوكيل
والله خرعني اللي صار
هههههههه انا توي عريس وافكر اسافر بلاد الفرنجة زي مايقول عادل امام
واخطط لشهر العسل....ومحتااااااار فين ...اهي النمسا...سويسرا..اسبانيا
وهايم ع التقارير والاستفسااااارات...
وهالقصة خرعتني...وايش اسوي وكيف أقرر....احنا اثنين والله الحافظ

انا رحت ورجعت وطلعت حتى 4 الفجر وماحد تعرض لي
هي صدفه وموب كل سائح يتعرض لها وماتعتبر سبب يمنعك من السفر

المشاركة الأصلية كتبت بواسطة alhb
http://www.arabtravelersforum.com/tr...9/#post6758769

لا اله الا الله محمد رسول الله
حسبنا الله ونعم الوكيل
والله خرعني اللي صار
هههههههه انا توي عريس وافكر اسافر بلاد الفرنجة زي مايقول عادل امام
واخطط لشهر العسل....ومحتااااااار فين ...اهي النمسا...سويسرا..اسبانيا
وهايم ع التقارير والاستفسااااارات...
وهالقصة خرعتني...وايش اسوي وكيف أقرر....احنا اثنين والله الحافظ



انصحك بالنمسا بفينا وزيلامسى والكابرون جبل الثلج او تركيا كما انصحك بقروب شامل المواصلات والاعاشة والسكن خصوصا بتركيا اما النمسا تقدر تحجز بنفسك
او تاخذ رحلة كروووووز 7 ايام اكل شارب ساكن ...
اما النصابين ففى اخر الليل وفى اغلب الاماكن المشبوه
والواحد السائح من الصباح حتى العشاء وينام حتى يستعد لليوم التالى

يا اخوان مين قال ان السرقة بس بالليل

انا في شهر نوفمبر الفائت حصل لي موقف بمترو باريس في عز الظهر من عصابة بنات وكانت معي زوجتي و4 اطفال بس ربي سلمني مع ان العصابة بداية نجحت في اخذ المحفظة من الجيب الخلفي للبنطلون لكن ربي وفقني وحسيت ان شي قاعد يصير مو بطبيعي وانتبهت انا وزوجتي في اللحظة الاخيرة ولله الحمد

مرحبا يالغالي .:
انا جلست في برشلونة 10 ايام وحضرت الكلاسيكو ..
بصراحة مدينة آمنة بشكل راااائع وطبعا محاولة السرقة بكل مكان بالعالم حتى لو بحارتكم ^_^ لانه بعض القراء ممكن ياخذ صورة سيئة عن برشلونة ..
الشيء الثاني : صار لنا موقف واحد بس .. كنا نمشي انا وصاحبي في أحد الشوارع الفرعية اسمه شارع غارسيا ... وكان الوقت 12 بالليل ممكن ,,
صار يمشي معانا واحد ومعاه خريطة يقول وين المكان هذا

شارع الرامبلا متروس حراميه ترررررس ..
يجب الحذر وعدم التعامل مع أي شخص كان ..

لاصرتوا شباب .. ومسكتوا احد الحراميه خوذوه للشارع الخلفي ..
وباقرب خشبه كسروها على ظهره ... لين يعض الارض ..
واطلعوا للفندق واقرب حجز لاقرب مدينة اخرى وصلى الله وبارك

شارع الرمبلا من اسوا الشوارع بصراحه تمشيت فيه واشوف ماخذ اكبر من حجمه سياحيا
والمكان يخوف الصراحه يعج بالنشالين وبنات الهوى ومدمني المخدرات والشياطين
وافضل زياره له تكون صباحيه او ظهريه وبالكثير العصريه
انا تمشيت فيه وانا بسيارتي نزلت خذيت لي فره ع رجولي لكن انصدمت من وجود الاشكال الشيطانيه فيه
عشان كذا طلعت منه فورا

يعني اللي معاه عائله واطفال لا يقرب على الشارع هذا من الاساس ؟؟؟

انا اشوف البعض يبالغ بالوصف
انا رحت برشلونه وجلست فيها كذا يوم وحمدلله ماصار شي
الرامبلا روعه وتتمشى فيه ع راحتك
بس طبعا لا تطول بالطلعه يعني ترجع نص الليل وماتبا حرامي يسرقك او غيره ؟
هذي مب فبرشلونه فاي مدينة فالعالم