الموضوع: الرجاء الرد ع الاستفسارات ومني لكم الدعاء

السلام عليكم
يعطيكم العافيه تكفون استفسارات عاجله
ان ودي اسافر اسبانيا شهر 11 وشفت الاسعار بالنت ولقيتها نازله يعني متوفره ان شالله هل تتوقعون 25 الف كافيه بكل شي مع التذاكر لمده 14 ليله
شخصين فنادق 3 وربع نجوم
ودي ترتب لي بكنج مرررررررررررره خطيررررررررررر تكفون معتمدعلى الله ثم عليكم ابي طبيعه ومتاحف وجزر ابي شي ماقد شفته (مشفوح طبيعه)
الله يوفقك دنيا واخرررررررررررررره

مواضيع عشوائيه ممكن تكون تعجبك اخترناها لك:

• امس وصلتنى هالرساله ه وش معناها؟
• خطة شهر العسل مع الفنادق
• رحلتي السبت وهناك خطأ في التأثيرة فما الحل الألم يعتصرني ارجووكم ساعدوني
• ايهم المحطات اقرب
• استفسارات الجنوب الاسباني
• الفزعه يا اهل الهزعه
• اريد السفر إلى برشلونة
• اجو المساعدة لزيارة اسبانيا
• من عندة خبرة في موقع
• السفره قربت وترتيبها يستنجدكم ساعدوني
• اللي سافر اسبانيا ييجي يقللي سافر ازاي؟؟ انا عاوزه اسافر اسبانيا
• هذا ما حصل لي بالتفصيل في السفارة الأسبانية ومفاجأت غير متوقعة انتبهوا
• محتااااااااار في أمري يا جماعة و أرجو تساعدوني لو تكرمتوا
• كيف الطريقه الى زيارة
• مدريد
• شهر عسل في يناير
• من مدريد لبرشلونة
• تقرير مصور عن رحلتي الأسبانيا الاندلس
• استفسار ضروري جدا وعاااااااجل
• استفسار عن المبلغ المسموح به وكذلك التكاسي

تكفي بالتمام والكمال وإذا تبي أنا بسويلك ميزانية بالصرفية وبالمدن وبكل مكان

الله يعطيك العافيه ويوفقك
ايه تكفى من كثر ماسمع باسبانيا صرت اهلوس فيها تكفى سولي برنامج
وطريقه التنقلات واستئجار السياره اذا يحتاج
وشرايك ببرشلونه و ماريوكا وسانبيسيان وماربيا
ولا كثيره
السفره بتكون شهر11
وصرفيه اليوميه كم تقريبا
الله يوفقك ويعطيك العافيه
محبك

يعطيك العافيه اخوي ع سرعه الا ستجابه
اخوي لو دخلت دوله ثانيه يمديني ب 25 الف
وبرضه يقولون الي عمره اقل من 26 له تخفيض لرحلات وحنا شخصين اقل من 26

اخوي ال25 ألف تكفيك وزيادة بأي مكان ,,, لا تركز على موضوع العمر ما رح تسفيد واجد ,,
إذا تحب فإقسم الرحلة بين 4 جهات
مدريد 4 أيام , برشلونة 5 أيام ليلتين بفالنسيا و7 ليالي بالجنوب ويكون معك سيارة على ضمانتي بإذن الله بتكفيك ال25 بس إنت قل تم

هلا اخوي
ودي بمدريد يوم واحد لا ني يمدحون( سانبستيان وماريوكا) وحده منهم اروح لها
والجنوب وبرشلونه
وهل البرنامج الي مسويه اماكن طبيعيه لاني ابي طبيعه اكثر وجزر

هلا اخوي
لقيت حجز ثاني 14 ليله
الحجز الاول 18 ليله
شو تشوف افضل عشان ميزانيتي 25 الف اذا يمديني 18 حلو اذا مايمدي خلني ع 14
وشرايك بها الجدول
ااول مااوصل يوم 1بمدريدثم بالقطار ع ماربيا 5 ايام ثم 4 ايام برشاونه بالقطار ثم 3ايام سانسبتيان ثم بالقطار 1 مدريد بالقطار(هذا جدول 14ليله)
اذا كفت 25 الف وخذيت 18 ليله ان شالله يكون الجدول نفسه وازيد ليله بمدريد بالعوده واضيف مايوركا 3 ليلات
وانتقل منها على سانبيستيان بالطياره .
تكفى شف وش الانسب لان موعد شراء التذاكر بكره اخر شي وعطني ملاحضاتك اذا فيه اغلاط
وشكرا

توكل على الله وروح اشتر التذاكر ل14 يوم , صدقني إناه أنسب لمقدار فلوسك والتوزيع حق الايام اللي حطيته جميل ولا بأس به يمكن نحتاج لتعديل بسيط لكن خلينا الان بالتذاكر , روح أكد الحجز وارجعلي علشان نعطي الاقتراحات

موضوع الفيزا كيف بتسويه ؟ هل رتبتله ولا لأ ؟

لا مارتبت له لاني مافكرت بالسفره الا هالاسبوع
وشتشوف

انت بأي مدينة الآن ؟
قدامك خيارين يا إما تحجز وتدفع كل شي من الآن وتجمع بنفسك كل المطلوب وتتصل على السفارة وتقولهم إنك مسافر بالتاريخ الفلاني وهم يعطوك موعد الزيارة (إذا كنت بالرياض)

والخيار الثاني تروح على مكتب الطيار مثلاً في جده زي ما سوا الاخ (حوطة بني تميم) ودفع مبلغ لهم وهم خلصوله كل شي ب12 يوم
رد علي وانا معك

اخوي انا الان بابها لظروف العمل
والاربعاء القادم بكون بالرياض
الله يوفقك

ارجو الرد اخوي

المشاركة الأصلية كتبت بواسطة عزيز1424
http://www.arabtravelersforum.com/tr...1/#post3262231

ارجو الرد اخوي




آسف على التأخير عزيزي ,,,,
شوف يا عزيز ,,,, بما أن سفرك بشهر 11 فبمشيئة الله لا زال أمامك الوقت الكافي فلا تشيل هم بغض النظر وين كنت


لكن انت ما جاوبتني على سؤالي عشان أقدر أقترح عليك ,,, إنت ودك تسويها بيدك وتسعا فيها كلها من أول المعاملة لآخرها ولا تحب تسلمها لمكتب سفر وسياحة وهو يخلصها ؟؟

إذا بتسويها بنفسك فأول شي تسويه الان تحجز طيارة بالتواريخ اللي ذكرتها وتحجز من فندق واحد(نفس الفندق) لكامل المدة من مكتب سفريات وتشرط عليه إن الفندق ووكالة السفر يمكن إرجاع المبلغ لو حبيت أكنسل
سأكمل الخطوات لكن انت جاوبني على مالذي تراه أصلحلك ؟ تسوي المعاملة بنفسك ولا عن طريق مكتب ؟

الله يعطيك العافيه وادري اني زودتها بس تحملني
هل فيه فرق بالسعر لو عطيتها مكتب وخليته يصلح لي كل شي
اذ فرق بسيط اعطيه وافتك
سؤال صغير انا اول مره اطلع اوربا مع عائلتي هل معاملتهم حلوه والعبايه افضل ملونه ولا وش تشوف
شكرااااا

المشاركة الأصلية كتبت بواسطة عزيز1424
http://www.arabtravelersforum.com/tr...7/#post3263747

الله يعطيك العافيه وادري اني زودتها بس تحملني
لا ولو ,, عادي اخوي كلنا نخدم بعضنا هنا لوجه الله إبتغاءً للأجر كلن حسب قدرته
هل فيه فرق بالسعر لو عطيتها مكتب وخليته يصلح لي كل شي
إذا إنت سكان الرياض سوها لوحدك لأنك رح تحتاج تروح للسفارة حول ال3 مشاوير لذلك حرام تدفع لأحد عشان يسوييلك شغلك وانت الله معطيك الصحة
لكن لو كنت خارج الرياض مثل الاخ حوطة بني تميم فأعطيها مكتب وريح نفسك ,,
الاخ حوطة بني تميم سكان جده ودفع لمكتب الطيار حول ال2000 ريال وخلصو المعاملة والفيزا ب12 يوم
باختصار في حول ال1500 الى 1800 ريال بدل أتعاب ياخذها المكتب عليك وهالفرق انصحك تدفعه لو أنك خارج الرياض لأنك بتدفع ضعفه وانت رايح جاي
اذ فرق بسيط اعطيه وافتك
سؤال صغير انا اول مره اطلع اوربا مع عائلتي هل معاملتهم حلوه والعبايه افضل ملونه ولا وش تشوف
وانا كمان مثلك هذي أول مرة أطلع إن شاء رب العالمين, المعاملة كما فهمت كلن في حال حاله هذا الغالب
والعباية الافضل ملونة , وخليني اعطيك رأيي بهالموضوع
الاخوان والاخوات تكلمو بكل الاقسام لين قالو بس بموضوع الحجاب في اوروبا , وأنا كي لا أكون مخطئاً وأتحمل وزر غيري فأنا أتكلم عن نفسي كيف سأتصرف
ما أفهمه هو أن الهدف من الحجاب نقطتين 1- ستر جسم المرأة وعدم إظهار مفاتنها 2- أن يكون اللبس الساتر لا يجلب النظر (يعني تخيل وحدة في وسط الرياض لابسة عبائة ومغطية نفسها تغطية كاملة لكن لون العبائة زهري)
فسأحاول تطبيق الحجاب الشرعي بإذن الله مع زوجتي من خلال هاتين النقطتين
ملحوظة : غطاء الوجه مسألة فرعية مختلف عليها (إلا إذا كان الوجه ذو جمال لا يؤمن فتنته)
اكرر هذا الكلام يخصني ويمثل وجهة نظري انا فقط ولا أتكلم عن غيري ولا افتي (وجب التنويه لتحاشي الخطأ)
شكرااااا



العفو يا أمير

الله يعطيك العافيه اخوي ووالله انك ماقصرت
ملحوظه راح اخلص انا ان شالله الفيزا بنفسي بالرياض ان شالله الاسبوع القادم
علما باني شيكت ع الحجز ولقيته ترانزيت ميلان يعني الفيزا اطلعا من سفاره ايطاليا احسن
وهل ابدا اعمل بالحجوزات من الان ولا انتظر الفيزا
ومن لك خالص الدعاء