الموضوع: متضايق وياليت تساعدوني

كيف الحال للجميع ارجوا المساعده انا حاجز على الخطوط الهولنديه بروح من البحرين الى بلجيكا 5أيام ومن ثم هولندا 5أيام , المشكله ان الرحله لازم توقف في هولندا بعدين اغير طياره الى بلجيكا وبعدين ناوي ارجع هولند بعد اقامتي في بلجيكا ب5 ايام يعني خمسه خمسه المكتب السياحي الي بحجز عنده يقولي تطلع عليك غاليه التذكره ليه ماتاخذ بحرين -بلجيكا وبعدين تروح هولندا بالقطار وتصير رجعتك هولندا - بحرين يقولي اوفر في السعر مادري شرايكم وبعدين ابي اعرف المسافه بين بلجيكا وهولندا بالقطار كم ساعه وكم سعر التذكره للدرجه العاديه علشان اعرف اوفرلي طيران ولابالقطار , معليش زودتها شوي اذا بغيت اروح لفرنسا من بلجيكا شنهي احسن طريقه يعني ابي اروح في نفس اليوم صباحا وارجع في نفس اليوم مادري في مكاتب سياحيه تودينا لفرنسا وهل اسعارها معقوله وياليت كم السعر للفرد واذا قطار كم سعر التذكره للشخص لفرنسا رايح جاي بالقطار يعني ( بلجيكا - فرنسا - بلجيكا ) الدرجه العاديه
لا صج مصختها اخر طلب انا حاجز فنادق اربع نجوم في امستردام مادري شكل الفندق من برى مو شي بس لما اشوف الغرفه من داخل الفندق احس اوكي وهل هولندا وبلجيكا فيهم الاندر غراوند مترو ( القطار السريع ) وياليت الاخت ترد (حتشبسوت ) ترد علي ولايهونون الحبايب الي عنده معلومه بعد هم يفيدني تكفون ون اللحين بقول لكم شكرا على التجاوب لأني مدمن نوم يمكن احد يرد علي ولا اقدر اشكره في وقتها
وتقبلوا تحياتي

مواضيع عشوائيه ممكن تكون تعجبك اخترناها لك:

• رومانيا؟؟أو؟؟بلجيكا؟؟ تكفون
• الفزعة مسافر لبلجيكا و ابي أعرف شيء مهم
• البرنامج بالاسعار شنو رايكم فية؟
• رحلات الكروز
• اخوي الرحالارجو المساعدهاثينا
• بلجيكآ أم ايطآليآ ؟؟ سآعدوني الله يسعدكم
• سؤال عاجل عن الفيزة وعن فيزة الشينغن او الشينغل
• قبرصضروري الي راح قبرص نصيحه
• مسافر إلى جورجيا بعد غد واستفسارات بسيطة
• ما آخر أخبار بولندا ؟
• ارجو المساعده في اختيار وجهة السفر
• هل هناك طريق بحري من اوكرانيا لتركيا
• طلب ورجاء خاص وعاجل للخبراء في السفر لاوكرانيا
• رومانيــــا
• خاص بالزواج من سويديه
• الزفاف الموريتاني جرعة فرح
• من باريس الى بلجيكا والمترو في بلجيكا ؟؟؟ممكن مساعدة
• الفنادق والحجوزات في موسكو
• بخصوص يوم الأحد في أمستردام
• ارجوا المساعدة افادكم اللة على بولندا

المدة ما بين امستردام إلى بروكسل بالقطار تقريبا ساعتين
و ما بين بروكسل إلى باريس ساعة و شوي







وهل هولندا وبلجيكا فيهم الاندر غراوند مترو



لا ما فيها






بحرين -بلجيكا وبعدين تروح هولندا بالقطار وتصير رجعتك هولندا - بحرين



طيب على أي خطوط ؟؟؟

اللحين بقول لكم شكرا على التجاوب لأني مدمن نوم يمكن احد يرد علي ولا اقدر اشكره في وقتها



:109: حلوة هذي أعجبتني ..

اسمع أخوي أنت ماذكرت اسم الفندق حتى أبحث لك عنه وأجيب لك صوره؟؟؟

عموماً أنا اللي أعرفه أنه لو تروح البحرين بلجيكا

والعودة هولندا البحرين

بتكون التذكرة أغلى ولكن أريح لك ولا تضيع وقت وخصوصا ان الاجازة 10 أيام فقط..

تبغي نصيحتي أذا فيه مجال تغير التذكرة البحرين أمستردام وتقعد بامستردام 4 ليالي وبعدين أعتقد بيكون فيه قطار بين أمستردام وبروكسل العاصمة البلجيكية ممكن تقضي في بروكسل 3 ليالي وبعدين ليلتين في بلدة بروغ البلجيكية وهي قرية رااائعة وتكفيها على ما أعتقد ليلتين ومنها على بروكسل مرة ثانية وتاخذ الطيارة على البحرين

أو العكس يعني من البحرين على بروكسل ومن بروكسل على بروغ ومن بروغ على امستردام ومن امستردام على البحرين ولا فيه داعي لباريس الرحلة كلها 10 أيام بتضيع بالتنقل.. وأذا كنت مصمم على باريس ممكن تروح من بروكسل من الصبح بالقطار على باريس وفي باريس تستخدم الباص السياحي وتشوف كل معالم باريس في يوم واحد وتاخذ رحلة نهرية وبعدها ترجع على بروكسل..


المسألة سهلة ولكن يبغيلها شوية تركيز وقراءة تقارير لاعضاء المتعلقة ببلجيكا وهولندا وباريس..

وتمنياتي لك برحلة موفقة وسعيدة بأذن الله.. ولا تنام كثير في السفر:109: