الموضوع: رومانيــــا

للراغبين في السفر الى رومانيا اطلبوا الاستفسار من عاشق المندي تجدون مايسركم حيث ان لي زيارات الى هذا البلد000 ولكم تحياتي

مواضيع عشوائيه ممكن تكون تعجبك اخترناها لك:

• استفسار عن اثينا لو تكرمتو
• ممكن مساعده لمن لديه خبره عن اليـــــونان
• موقع استرالي شهير يقارن بين بوكينج واجودا وغيرها من مواقع حجز الفنادق ويعطيك ارخص حجز
• رحلة الى سوتشي فيديو
• فارنا نبي معلوماااات شامله
• فيزا بولندا
• مدينة زلين؟؟؟
• ترتيب رحلة لميلان وسويسرا
• استفسار مهم عن تأشيرة السويد
• اللي راح لليونان
• الله الله على سموغن السويد Smögen ما احلاها ولا تنسوا دعاء السفر
• الريف الأوروبي 2012
• ابي اسافر لرومانيا وعندي كم استفسار؟؟؟
• إلى الجموهورية التشيكية
• ارجوا المساعدة للحصول على تأشيرة اوكرانيا في السعودية
• ارجو مساعدتي في وضع خطه لزيارة جورجيا
• وجهتين جديدتين في أوكرانيا للعربية للطيران
• ترتيب رحلتي وابي همتكم
• التشيك معلومات كافيه للامانه الموظوع منقول
• البرتغاااااااااااااااااااااااااااااااااااااال

اخوي عاشق المندي

جيت في وقتك....ياليتك تعطينا معلومات عن رومانيا من طقطق للسلام

عليكم ...لأن اخوك أول مرة يروح لذيك المنطقة ...ومايعرف عن رومانيا الا

أن فيها بيتش يمدحونه

ولد عمك عاشق المظبي

ابشر طال عمرك انا لعيونك0000 سلمك الله اول شي تسويه تروح لمكتب الخطوط الرومانية (تاروم) بالرياض او جدة او الخبر والاا تروح لوكيل سفريات لهم من الوكالات المعروفة سواء الطيار او المؤيد وغيرهم كثير بس انصحك تاخذها من مكتبهم ارخصلك االي بشارع الستين بالرياض قدام مطعم النافورة وتحجز ان بغيت تروح مع قروب والا تروح ادرعم هناك بس انصحك تروح تغامر ازيلك من القروبات علشانهم نصابين وبكاشين000 سعر التذكرة تقريبا من 1800 الى 2000 ريال وفيه رحلتين بالأسبوع من الرياض بالصيف بس على خطوط تاروم الرومانية وبعد ماتحجز تروح للسفارة الرومانية با الرياض بالعليا عند أسواق العويس تخليها يسارك وانت رايح شمال وتخش يمين تلاقيها داخل الحارة قريبة من المسجد الوحيد هناك وتشوف علم رومانيا يرفرف فوق ذيك الفله الصغيرة 00 السفارة تفتح الصبح بس والبوابة مسكرة دق الجرس ويفتحولك وقلهم ابي فيزا سياحية قيمة الفيزاء اذكرها 150 ريال ان ماتغيرت الحين يبي يقولون لك تعال بكرا وخل الجواز بس رص عليهم قل انا مستعجل ويبي يعطونك اياه000 وانتبه ترى فيه موظفين وموظفات يبي يعرظون خدماتهم عليك لا دروا انك اول مره تروح انصحك طنشهم يبي يقولون لك تبي مترجمين عرب يستقبلونك انتبه لااتوهقبهم تراهم نصااااااااااااااابين كلها سمسرة 000 انتها الجزء الاول الذي في السعودية نكمل في الجزء الثاني انشاالله مابعد الفيزاء 0000 وشكرا وتقبل تحياتي!!!!!!

بعد ماتفيز عاد انت تعرف الباقي000 بالنسبة للطيارة حليوة حقتهم تبي تقلع الساعة 2 صباحا وانشالله الساعه 6 وانت في قلب بوخارست العاصمة يسمونها باريس الشرق000 ملاحظه هامة وانت في الطيارة يبي يذبحك الظماء ولا بغيت ماء لاتقول آي وونت ووتر قل اوونت بلاتر لأن ماهم غير مانا هم يشربون ابو غاز 000 لاتصير مثل اخوك عاش المندي جلست ثلاثة ايام ماغير اشرب من ماهم ابو غاز لين شفت وحدة لبنانية في مطعم وخشيت بعينها قلت ابي موية زي الناس ابي اشرب وضحكت وهي اللي علمتني هالكلمة بس كلمة حق بعد ماتشرب ماهم تحس انك ماتعطش مادري ليش000 المهم بعد ماتاصل الفجر هناك انصحك تريح بهوتيل اسمه فلورا 4 نجوم قيمت الغرفة سريرين 120 دولار صح انه غالي بس يستاهل والله بس لو تشوف فخامته وا لأمن تنبهر000 وفيه شقق حلوة وفخمة ناسي اسمها والله بس معروفة نصيحتي لكم لاتجلسون بالعاصمة لأنها غالية ومافيها شي يعني ذاك حدة انصحكم تاخذون للكم تكسي ب50 او 60 دولار وتروحون لمدينة اسمها كونستانتا على البحر الأسود تبعد عن بوخارست تقريبا 4 ساعات بالسيارة وفيه القطار حلو مرة والله التذكرة تقريبا ب10 الى 20 ريال 000 المدينة تتأ لف من عدة مناطق فية منطقة اسمها مامايا والثانية اسمها نبتون وفيه ثالثة ناسي اسمها والله بس كلها حول بعض انصحكم تروحون لمامايا علشانه منتجعات وفنادقها رخيصة ونظيفة وامنها زين 000000 نكمل الجزء الثالث في وقت لاحق وتقبل تحياتي!!!!!!!!!!!!

يعطيك ألف عافية وفي انتظار المزيد

بس الأمن وشلونه بذيك الديرة بشكل عام لأن أخوك خواف وياروح مابعدك روح

ممكن تفصل لي طريقة القروبات معهم وأشوفك مامدحتها وش السبب

وعلى سالفة سفارتهم واحد وصفها لي نفس توصيفك وقال أن السفير
هو بنفسه اللي يختم ،،،يعني ماعندك أحد


أقول ياراعي المندي في هناك مطاعم عربية والا لا وكيف عريبيا هناك
واجد ولا شوي وهل منهم مشاكل أم لا


نسيت أقول لك ،،، مرة في بريدة أدور غدا أقول عندكم دجاج مظبي يقولون وش المظبي ما نعرف الا المندي وبس:d:d:d:d:d:d

طبعا نكمل حديثنا بالنسبة للعملة عملتهم اسمها لي يعني تقريبا 1 ريال يساوي 5000 لي بعملتهم 000 طبعا البلد مو ذيك الغالية بس عندهم الملابس تقريبا زينا أما الاكل فهو رخيص بالنسبة للمطاعم عندهم ماكدونالد اسعاره زينة وحليلة اما المطاعم العربية فهي غالية لحدما واكثرها لبنانية؟؟ اما الكبسة الله يعينك مانتب لاقيها بس يبي يقولون للك نظبطلك الكبسة بس صراحة مايعرف للخبز الى خبازة000 أما المشويات فهي دلع صراحة المطاعم العربية مو ذيك الكثيرة وسمعت ان فيه مطاعم تركية بس صراحة ماشفتها بالنسبة للمطاعم العربية تلاقيها في مامايا مطعم لبناني اسمه ويست مطعم حلو راعيه اسمه ابوطارق اشتغل بالسعودية في جدة قبل00 المطعم حليو بس اسعارة لك عليها شوي بس يستاهل علشانك بمقطعة المطعم جنب فندق اسمه بيرلا000 بالنسبة للقروبات مانصحك فيها كلها نصب واحتيال تدفع فلوسك هنا ولا تنبسط اول شي يسكنونك بكوخ والا بغرفة سريرين مهيب اللي انت تبي وبعدين تسكن برا الديرة في اماكن بعيدة عن البلد ولابغيت شي ماتقدر تروح للديرة لازم تنتظر باصهم علشان يوديك يمشيك ومايجيك الا مره وحده باليوم لا وبعد وجباتهم مهيب اللي انت تبي يعطونك زبدة وخبزة ويقولون هاذي وجبة والله عالم!! اقسم بالله اني رحت انا وصديقي كنا بايعينها وكان معنا سعوديين بالطيارة رايحين قروب ويوم العودة حصلناهم بالمطار وقمنا نسولف وانهبلوا من سواليفنا والاماكن اللي رحناها اثرهم الضعيفين ماشافوا شي مهكوك عليهم !!

بالنسبة للأ من لاتخاف على كيفك لأن البلد تعتمد على السياحة بشكل كبير ولافيها مافيا مثل الدول اللي حولها(بلغاريا وهنغاريا واوكرانيا )البلد توها طالعة من نظام شيوعي ومنفتحة وطبيعة الشعب طيب مرة خصوصا القرويين وفيهم طبايع من العرب لايعرفون الكذب بس لاتنرفزهم 000 الخوف من العرب اللي هناك خصوصا؟؟؟ بس فيه العراقيين نشامى والله وتقدر تثق فيهم وفيه طلاب هناك سعوديين بس شويين وفيه اماراتيين ويمانيين وسودانيين000 وانتبه من الغجر تراهم كثيرين هناك وحاول انك ماتحتك فيهم تراهم لاشافوك غريب يحاولون يعرضون خدماتهم عليك ويبي يرسلون عيالهم يشحذونك اي شي حتى الموية الغجر واضحة اشكالهم ملابسهم وسخة بس انتبه تتعامل معهم لأنهم زي العصابات ترا اذا داخلتهم يبي يشتلونك وانت تشوف وراح يعرضون خدمات مغرية !!! انتبه 0000 بالنسبة لعريبيا بصراحة ماشفتهم الى بالمطار لأني مبعد عنهم 400 كيلو بس اللي يروحون هناك بصراحة فاهمين السفر ماهوب زي جحلط سوريا والبحرين 000 فية جالية يهودية كبيرة هناك يشتغلون بالتجارة تلقاهم بالمحلات انتبهوا تهرجون عربي داخل المحل بعظهم يفهموننا تكلموا لهجة عامية بحته خصوصا اذا كنتوا قصمان والا سديراوية والا اي لهجة سريعة بينكم لاتوهقون مثلي انا ورفيقي ؟؟؟ حاولو انكم ماتكشخون ذيك الكشخة لأن الشعب داج مرة وتلفتون الأنظار000 يبي يسألونكم الرومانين انتم يهود والعياذ بالله لأن أشكالنا زي اليهود بس معذوريين عشان الشعر والعيون00-0 وللحوار بقية ياراعي المظبي؟؟؟؟؟؟؟؟؟؟ِ

يعطيك العافيـة ياعاشق المندي .. وعساك على القـــــــوة

حياك الله أخوي عاشق المندي
بما انه عندك معلومات عن رومانيا فياريت تنزل موضوع مرتب وفيه كل شي من ناحية افضل الفنادق والمناطق والأماكن السياحية و...و... إلخ. لكي يستفيد منها لجميع.
تحياتي لك
Awal_7abib

المعلومات راحت في خبر كان ،،،،

لكن عندي الصفحة في الجهاز ان شالله انها بعد ماراحت

شفت يابوعبدالرحمن ! ياالمظبي من يوم طلعت بسالفة الطيارات اللي تحت الصيانة وأنا منخرش وبديت أفلت ىحتى المنتدى كله بدى يفلت الله يهديك يابو داحم 00 هاذا وحنا ماسكين الارض عاد وشلون لو حنا معلقين باالسماء!!!!! بس ولايهمكم ياشباب لعيون ابن نجد ولايهون الرهيب راح انزل موضوع مرتب عن الديرة أما أنت يابودحيم سنعك عندي !!!!!!!! وتقبلوا تحيــــــــــــــــــــــــاتي 000

هلا أخوي راعي المندي،،،أشوا يا الخواف أنك لحقت على موضوع الطيارات قبل ما يروح في خبر كان،،،،

ومو بس قلبك اللي فلت والمنتدى،، حتى جهازي راح فيها بس أخوك مهندس

والحمدلله بعض المعلومات ما راحت بأنزلها ان شاءالله اليوم أو بكرة

عاجل ياشباب 000 فيه خبر غير سار باالنسبة للي رايحين رومانيا بحيث ان مافية هالسنة رحلة مباشرة من السعودية الى رومانيا دايركت مافيه الى عن طريق دبي والا اسطنبول يمكن خيرة ياشباب بس نصيحتي لكم اطلعو من طريق دبي لأن يمكن تتعقد اموركم عند الاتراك هناك 00

مرحبا

تسلم والله ياعاشق المندي
ماتقصر
ننتظر موضوعك على أحر من الجمر

بالنسبة للرحلات
المشكلة الإنتظار في المطار
عن طريق دبي إنتظار أكثر من 12 ساعة
عن طريق إسطنبول تقريبا 10 ساعات

ماصارت

و الله مجهود ممتاز يا عاشق المندى حتي الاسلوب حلو والله افكر اروح ..........
بس كم يكفي اسبوع بلحالي بدون تذكره وترا انا حق سهر .....خصوصا انا احب دايم اروح للقري يعني زي المدن الي ذكرتها....
بعدين فيه سفاره هناك علشان اسجل جوازي فيها مع اني عارف ان سفار تنا تشكل الواحد في العالم ولا تساعده بس علشان لاجيتهم وصار شي ما يتحججون انك ما سجلت عندهم :d:d

هلابك اخوي ابن نجد ولايهون اخوي مرصد000 اما بخصوص سؤالك يابن نجد عن الانتظار فاالله يعينك بس انصحك تاخذها على الاماراتية افضلك بصراحة ماأظمن الأتراك أمابخصوص الموضوع فراح اطرحه قريب انشالله الله يعيننا على الكتابة تعبنا الأول راح فالصوا000
اما بخصوص سؤالك أخ مرصد فاأعتقد ان اسبوع مو كافيه بصراحة للديرة بس انت حر أما عن التكلفة فاالديرة موب ذاك الرخص يعني بس انها رخيصة خاصة الأكل اما السكن فهو وسط بس ابعد عن الفنادق الخمسة والأربعة نجوم لأن تسعيرتها دولية00 أما سؤالك عن السفارة فبصراحة ما أذكر اني مريت السفارة في أي دولة لأني خابر ان ماعندهم الى الدجة اما بخصوص وجود سفاره هناك ففيه ممثلية صغينونة اذكر في بوخارست العاصمة 000 أما انك راعي سهر فبصراحة مادري كم راح تصرف لأني ماعرف طريقة صرفك وشكرا,,, لأي استفسار مستعد ,,, وتقبلوا تحياتي000

http://zizooo.ws/gallhttp://zizooo.w...ry/07/327.jpg: دimgery/07/327.jpg: دimg

الف شكر حبيبي .....اما بالنسه للسفاره كلهم ابو حجوز وما يتفاهمون.......
وش احسن هي ولا تركيا

هلا حبي مرصد 00 أما االسفارة صدقت والله مايناظرونك لا جيتهم تشتكي كنهم شايفين ذباب للأسف والله00 لا وانت عندهم المخطي خصوصا لاكنت شاب وش جايبك للديرة يعني عندهم ان العالم زي بعض بس انصحك لاصارلك مشكلة رح لأقرب مركز بوليس ولايهمونك ربعنا والله ياخذون حقك ولاعندهم اما رومانيا أفضل وإلاتركيا بصراحة تركيا ماقد رحت لمها

هلا اخوي مرصد وش دعوة شكلك وانت تقراء مصبح ولك يومين مانمت 00 انا قلتلك تركيا ماشفتها ولا ودي اشوفة لأن شعبها يجيب الهم عنصريين ومايتصورون أحد وأنفسهم على روس خشومهم صدقني أعرف كثير راحوا لمها وبصراحة يسبون البلد موب واحد ولا اثنين 00 بس بصراحة بلدهم حلوة بس يا خسارة الزين مايكمل!!! وتقبل تحياتي00 لأي استفسار مستعد وحاضر!!!!!!!

مرحبا

عاشق المندي
أنا رجال خلاص حجزت وبطلع آخر سبتمبر
والبركة في سواليفك
تراني متكل على موضوعك المرتب اللي راح تنزله
أوووووووووووكي


سلام

سلااااااااااام

يااااااااا عاشق المندي
ترى في إنتظار موضوعك المرتب

بس مبدئيا هل تنصح بحجز فندق من هنا وإلا نروح ندرعم وندبر أمورنا هناك
أقصد على الأقل حجز مهوب شرط ندفع قروش لمكتب سياحي هنا... إلخ

وبعدين ماقلت لنا وين سكنت في مامايا؟
ووش رايك بهالفندق
http://www.clubscandinavia.ro
يقولون في سبتمبر 40 دولار للشخص في غرفة مزدوجة
يعني الغرفة 80 دولار = 300 ريال
4 نجوم

وبعدين ود الواحد بفندق فيه إنترنت بصراحة

:d هلا أخوي ابن نجد 00 أما باالنسبة للفندق فنصيحتي انكم تاخذونه من هنا يومين ثم دبروا أموركم أما باالنسبة للفندق اللي في مامايا فأسمه بيرلا هوتيل بجنب شاطىء مامايا وأذكر اني أخذته ب20 دولار غرفة سريرين بس الكلام هاذا عام 2000 أما الوقت الحالي فاالفندق غلا شوي على كلام واحد من الشباب راح العام زي هاالوقت يقول اخذه ب45 دولار 00 أما على طاري الأنترنت فقابلني اذا شغلت الكمبيوتر اصلا ماعندك وقت تلحق 00 بس عندي نقطة هامة ابي اقولها باالنسبة للفيزاء لازم تقدمون عليها قبل 10 ايام من الروحة هذا نظام جديد جايهم 00 وسلامتك 00
لأي استفسار حاضر ومستعد !!:d :d

مرحبا

هلا أخوي عاشق المندي
شكرا على المعلومات
20 دولار ----------- والله اثرك لحقت على الرخص ياولد
كم نجمة طيب؟ 3؟
انت دبر لي انترنت وانا ادبر الوقت ماعليك

بالنسبة للفيزا دقيت على السفارة وقالوا لي لازم تجيب مايلي:
-خطاب تعريف من العمل
-صورة شخصية
-جوازك
-تعبئة نموذج
وقالوا الفيزا تاخذ 5 أيام

بس وش قصدك بـ 10 أيام قبل السفر
يعني لازم 10 أيام قبل السفرة بالضبط والا قصدك إحتياطا بما لا يقل عن 10 أيام
؟؟؟

تشكرات

هلابك يابن نجـــــــد وش مسوي00 انشالله تمام
حبيبي ابن نجد بالنسبة للرخص بصراحة لحقت عليهم بس موب ذاك الرخص أنا أذكر أول مارحت قالي واحد نصاب انك بدجاجة تشتريها من البقالة تسكن عند عائلة الى المدة اللي انت تبيها من شدة الفقر اللي عندهم بس للأسف طلع بكاش وسحبت عليه السيفون بعد الجيه أما بالنسبة للدولة تراها وسط يعني موب غالية ولا رخيصة بس يمكن أكلهم رخيص هذا اللي لاحظته خصوصا مطاعمهم 00 أما بالنسبة للفيزاء فأنا قصدت انكم لازم قبل ماتأكدون الحجز تفيزون من السفارة بحيث ان الفيزاء تجلس عشرة ايام والاعلى كلامك خمسة ايام لأن واحد من الشباب انحاس برنامجة كان ناوي الديرة بس حاسته الفيزاء لأنه مدرس ولايمديه على الروحة وقلبها ابو الشباب للشام حط رجله على السيارة وتقبل تحياتي 00 لأي استفسار مستعد ِ

مرحبا

للمعلومية شباب....

السفارة تستقبل طلبات الفيزا أيام السبت-الاثنين-الاربعاء
من الساعة 9:30 إلى 11:30 صباحا
تلفونهم 4566205

عاشق المندي
مشكور على ردك
وووووو ترى ننتظر الموضوع المرتب --------- بنشب لك

هلا ابن نجد بصراحة نشبتلي انا مشغول الحين بروحة وجالس أظبط الأمور ناوي أزحف لأندونيسيا ماصدقت على الله تزين الأمور وش رايك منك أخوة تراني شاريي جيتك أمابخصوص رومانيا فممدي لآتراي أمزح 00:d بس ولا يهمك الموضوع انشالله قريبا على الشاشة بس ماقلتلي متى ناوي الروحة وكم تبي تجلس:d :d 00 وتقبل تحياتي

هلا والله عاشق المندي

إندونيسيا!!!
وش قصة الشعب كلهم رايحين إندونيسيا
الظاهر هالمنتديات قلبت روسهم
والله مدري وش فيني ما هضمت اندونيسيا والا كل سنة ألقى أحد يقنع فيني اروح معه وانا أقول لالالالالا

والله الروحة توها
ناويها باخر شهر سبتمبر
بس قلت من الحين خل اخذ العلم قبل لا عاشق المندي ينحاش والظاهر انك طلعت صدق ناوي تنحاش
بجلس أسبوعين بإذن الله أنا ومعي أعز صديق

معليش بنتعبك شوي
بس والله محتاجين موضوع مرتب
لي ولغيري من أعضاء المنتدى في المستقبل ------- وليس الإل بي سي

مانطول عليكم

سلام

هلا حبيب قلبي ابن نجد اشوفك بديت تغلط تدري ليش لأنك بديت تتكلم بأندونيسيا 00 ترا الموت ولا اندونيسيا 00 بس والله لو تروح لمها ان تنسحر وماتبي غيرها اسئل مجرب قبلك ضحكنا وتوهقنا انا امنيتي انك تزحفله وان ماجازتلك اقسم بالله لأدفع تكاليف سفرتك انت وخويك كلام رجال ومع ذلك يابن نجد راح انزلك موضوع رومانيا ولا يهمك بس فكر باالتحدي اوكي ياحلو 00 ولك اجمل تحياتي ,,,,,,,,,,,,,,,,,,,,,,,,,,,,,,,,,,,,,,,,

وش رايك تاخذني معك ولو علي الشنطه

هلا عاشق المندي

لالالا هونا ياشيخ كلش ولا زعلك
والله يا اخي المسالة مهيب بس فلوس... ترجع لي رصيد اجازاتي طيب؟
وبعدين اكثر من واحد يقول اندونيسيا حلاتها ايام اول
عاد انا اعرف ناس مخضرمين
واحد رايح لها سياحة عام 1993 ... وقتها مابقى احد ماضحك عليه

لكن تدري عاد
خل اروح رومانيا هالسنة
ان جازت لي معناته ان "عاشق المندي" يعرف يختار
ولازم اسمع كلامه واجرب اندونيسيا
أقصد أزحف لها

تسلم وماقصرت

على فكرة اليوم رحت السفارة وذلونا مذلة ياشيخ
لاطعينا ساعة واخرتها يجيك واحد بسيجارته ياخذ اوراقنا
وكل هذا وين؟ في ملحق حق الفيلا مصمم انه يكون غرفة سواق الظاهر

بس الديرة مواريها رخيصة على قولة واحد لقيته هناك
اخذوا 20 ريال بس على كل جواز!!!!!

المهم
سلام

:d هلا مرصد ومن وين طلعت قلت الرجال زحف وين الغيبات ياقنيط ( لعاب بالأندونيسي )00 هلابك ابن نجد بس وش سالفة الفيزاء تقول اخذوا 20 ريال معقول 00 الله يا الدنيا ياالسفارة الرومانية مبطي مايصدقون ان احد يجيهم لا ويستقبلونك باالصالون والحين بدوا يتغلون00 اللي يشوفهم يقول السفارة الفرنسية بس صدقن الديرة راح تجوزلك وتبسطك:d :d :d ولك تحياتي.......................

مرحبااااااااااااااا

عاشق المندي
شكلك مليت مني وإلا ؟
المهم
هذا الفندق اللي سكنت انت فيه وإلا

-------- أنواع البثاره

هالسنة الغرفة المزدوجة المكيفة 60 يوروووووووووو
يستاهل هالمبلغ وإلا لا؟
حط في بالك كل شي صار غالي الحين

المهم انا شوي شوي بجيب حتى الاماكن اللي كنت تروح لها
اصبر لي شوي

لاتنسى تكتب موضوعك قبل تزحف لاندونيسيا
والا مايردني الا جوازات المطار
اقول لهم لايطلع عاشق المندي قبل يكتب الموضوع

عز الله إنك ذيب يابن نجــد .. بس تبي الصراحة الفندق متغير لونه أذكرة كان أبيض بسماوي بس أنت متأكد انه اسمه بيرلا .. والله ياشكلك خلاص منتهي تبي الروحة بلمبة خلاص انا أكلمك المدير أخليه يطلعك إجازه ولايهمك .. بس تكفى لآتحوس علي ماصدقت إن الأمور تظبط معي وش أنت ناوي فكنا من جوازاتهم وجماركهم!!! ( واحد حاقد ) كد ظفوا مني أربعة أفلام والله إلى يومك العنهم ,, قال إيش هذا ممنوع ( علينا ) أنا أبشرك أبطير الأسبوع الجاي إحتمال.. بصراحة ماعاد فيني حيل مليت من هاالشموس نبي شوف دنيا وأنا أخوك.....

بس ولا يهمك هاليومين والموظوع خلاص انشالله

وللك تحياتي,,,,,,,,,,,,,,,,,,,,,,,,,,,,,,,,,,,

ههههههههههههه
هلا عاشق

إلا إسمه بيرلا
لاتخليني أتحمس واقول لك انت كنت ساكن بغرفة رقم كم ------- بدا ينصب
بيني وبينك أنا منتهي بقوووووووووووة
والله الواحد يداوم بدون نفس
بس خلاص خربت مقدر أطلع الا بعد نهاية الموسم
انا خايف الى رحت هناك يقولون لي وش تبي؟ الموسم خلص ولافيه شي وش جايبك؟
لاني بطلع باخر سبتمبر

من ناحية شموس.... ياساتر
شموس وغبار يالله من فضلك

بالتوفيق ياعاشق
تروح بالسلامه بعد ماتنزل الموضوع ---------- ماله داعي تنسى تنزل الموضوع وتطيح بك الطياره

أخوك
ابن نجد

هلا وغلا حبي إبن نجد 000

بصراحة نشبتلي الله يستر منك بس تبي الصراحة حبيتك ( واحد نصاب )00 بس تكفى الا الطيارة تراي ذروق أخاف من الطيارة تصدق أقلبها نومه من الخوف كني ماطقيت خبر

بس ماقلتلي وش سالفة ال60 يورو لايكون صدقوا الرومانيين إنهم أوربيين وطاروا بالعجة الله يالدنيا أويلالالالالالالالالالاه ياشاوشيسكو ( رئيسهم الأول ألعن من صدام )00

بس وأنا أخوك لايلعبون عليك بالغرفة المكيفة ترا الدعوة كلها براد , أذكر بالليل أتلحف من البرد وبدون مكيف فاتح الطاقة 00

أما بالنهار يالله من فضلك ياشمسهم مو زي شمسنا الله يخلف 00
شمس بدون شعاع

ولك تحياتي,,,,,,,,,,,,,,,,,,,,

سلااااااام

هلا عاشق
وكل متابعي رومانيا

وين الموضوع
أخبرك تقول بزحف الأسبوع الجاي
لايكون زحفت وتركتنا

ترى أبلغ عنك جوازات المطار عشان يكلبشونك
وعلامتك المميزة معروفة لو بغيت ابلغ
محمل معك "برميل مندي"

سلملم

ماشاء الله عليك عاشق المنتدى

أقول
ما كن عاشق المندي سحب علي سحبة أليمة !
؟؟؟؟؟

ههههههههههههههههههههههههههههههههه
والله أنا ماتوقعت إنك تسحب علي سحبة أليمة و قلت الغايب عذره معه
يمكن الرجال مشت الأمور على غير مايهتوي وماقدر يحط الموضوع

بس كذا والا كذا كنت بركبك حق

المهم ياحبيبي
معذور والله
شعور القفلة إذا الواحد ما سافر شيييييييييييين
وبعدين وش تسوي بهالبران في هالحر!
ماعليك يارجال ... لاحق خير

مرحبا

اقول عاشق المندي
ترى انا بمشي الخميس الجاي
والله يستر من الجو هناك! بدا البرد والمطر
شكلك انت رايح عز الصيف ومتسدح على الشاطيء كل السفرة

مع السلامه........ورحله رهيبه انشالله ......

يا عاشق المندي وين موضوعك المنتظر؟
أنا ماشي بعد شوي!!!

تروح وتجي بالسلامه يابن نجد ...........


اتمنى لك رحله ممتعه وجميله ................

ولا تنسى تعطينا معلومات عن الرحله في المنتدى


لانك من شهرين وانت تطلب من عاشق المندي ومارد عليك ............لا تصير مثله

لاني يوميا ادخل عشان اشوف موضوعه وما القى شي

انشاء الله انك تعوضنا خير بموضوعك عن رومانيا.............


رافقتك السلامه اخوي ابن نجد

الله يسلمك
انا الحين لي اكثر من اسبوع
الحمدلله ونااااااااسه
ابرجع ولكم كل التفاصيل وفوقها صور ان شاء الله

حمدالله على السلامه اخوي ابن نجد ....

وان شاءالله ننتظر رجعتك سالم غانم ...

تحياتي

ولا زلنا بإنتظار عشااااااااااااااااااااااشق المندي

وينك ياعاااااااااااااااااااشق المندي

مرحبا

هذا تقرير بالصور عن رحلتي إلى رومانيا
آسف للتأخير

http://travel4arab.com/vb/showthread...&threadid=7687