الموضوع: مشوره ضروري

السلام عليكم
انا محتاره جدا توني والده وعندي بيبي ومره خاطري اسافر بعد تعب الحمل والولاده ...بس فكرت للبيبي .. وش رايكم افضل مكان يصلح للي معهم طفل رضيع ...؟
هل جزيره مكان يناسب وضعي ولا اختار مدينه ؟

اتمنى تعطوني ارائكم لاني فعلا محتاره ؟؟

مواضيع عشوائيه ممكن تكون تعجبك اخترناها لك:

• محتار بين النمسا وسويسرا او ماليزيا
• عندي اجازة ايام بعد شهر أين أذهب؟
• ساعدوني في سفرتي لميونخ لأول مره
• ساعدوني يابنات اولادي راح يجننوني
• فكرة شراء اسبوع في السنة في فندق ثم استبدالها بفنادق حول العالمتكفون لاتخبلوا برأيكم
• للمهتـميـن باسعار صـرف العملات الريال واليـورو
• داماك هيلز جولف فيتا
• بليييييييز وين اسافر
• عندي مشكله في الحجز و جواز السفر
• الله يخليكم رشحولي وين اسافر
• محتاجه سفره لتجديد النشاط وتهدية البال
• استفسار بخصوص و تأكيد الحجز
• ماذا يعني لك فندق خمس نجوم ؟
• محتارة وين نقضي اجازتنا في نهاية يناير وبداية فبراير
• سياحة حلال
• فيلتك في الشارقه
• أفضل منتجعات التزلج حول العالم
• استفسار عن تاجير السيارات باوروبا
• افيدوني لو سمحتم ؟
• استفسار بخصوص فيزا التشيك

ألف مبروك المولود ويتربى بعزكم

أقترح تـركـيـــــــــــــــــــــــا

الحمدلله على سلامتك ومبروك ما جاك

حبيبتي الطفل الصغير يتأثر بسرعه وتبين نصيحتي لا تروحين جزيرة لان الرطوبه ممكن تسبب الحساسيه للطفل وتؤدي للربو ويظل الطفل بعاني للكبر من داءالربو اسم الله على طفلك ......

اما للمدينه بس يجب الحرص على تدفئته اذا كان برد او تغطيته بغطاء مناسب للجو .....

اذكر لك تجربتي بابني عندما كان بالشهر التاسع وكنا في قبرص كان الجو حار في الغرفة بالفندق ....وابني حس بالحرارة وبكي لحد ما قمنا ولاننا كنا مبتدأين بنزع البجامه منه ووضعه امام الشباك بفانيله وتغطيته بالشيئ البسيط ......من هذا اليوم تمرض ابني اسبوع كامل والسخونه لا تنزل منه وكذلك الترجيع والاسهال اكرمكم الله لانه اخذ برد وتأثر منها كثيرا .....طبعا هالاسبوع من طبيب الى طبيب واستدعاء الطبيب للفندق ......وطلبوا منا الاطبه ان يتنوم في المستشفى اذا لم تنزل حرارته .....ولكن رفضنا ذلك وبعد الاسبوع الحمدلله نزلت الحرارة بعدها تمتعنا بالرحله بعد عناء المرض..

ونصيحة مني لا تغامري بالسفر مع مولود ......خليه يصير اربع شهور واكبر افضل.....

هذه نصيحتي لك وانت حرة بما تفعلين وممكن احد من الاعضاء يقترح عليك مكان مناسب .......تحياتي لك

من الافضل ترك هذا المولود عند جدته او احدى قريباته , و انتو تسافرون بالسلامة و هو ما عليه شر ان شاء الله

اهلين,,,


http://www.arabtravelersforum.com/user261475/ :على اي اساس قلت تركيا وش فيها شي مميز يصلح ...

http://www.arabtravelersforum.com/user384714/ : سلامت ولدك مايشوف شر ..بس بصراحه مرره محتاجه سفر اريح نفسي من الضغوطات الي مريت فيها ..مشكوور على الرد ماقصرت ..

http://www.arabtravelersforum.com/user69743/ : والله ياليت فيه احد احطها عنده ...بس مافيه لازم اخذها ...


ياليت اقتراحاتكم ...ابي مدينه تصلح للطفل الرضيع وحنا ننبسط فيها ..ياليت مدينه فيها طبيعه ....

نصيحه اذا تهمك صحة الطفل ابتعدوا عن السفر المناعه قليله للاطفال وراح يتغير عليه الجو

مرحبا فعلا انا ضد سفر الاطفال الرضع اما ينحط عند احد يقرب زي جدته مثلا او اجلو سفرتكم لين يكبر شوي واذا مرة مصرة روحو بلد ما فيها تنقلات كثير ولا تكون باردة او رطبة يعني معتدلة ولو تاخذين رايي روحو ارقى فنادق دبي وتمشية في اسواقها الحلوة وخاصة في الصيف معظم الناس مسافرة والبلد حلوة مو زحمة وعروض حلوة على الفنادق هذي وجهة نظري ....نصيحة الاطفال يطفرون في السفر ومن اولها بكاء وغلقه في الطيارة حتا قبل ما تقلع

مااحس يصلح رضيع وسفر وحوسة
ياليت تتركينا عند احد او تأجلون السفر بعدكم شهر
وبالتوفيق اختي

/


الحمدلله على سلامتك و مبروكـ ماجاكـ يتربى بعزّكم إن شاءالله


لمّا رحت جزيرة بالي الإندونيسيّه حمدت الله على تركـ طفلي - 2 سنة - لما واجهنا من مشقّه في الحركه و في التجوّل .......... و في نفس الوقت ضحكنا على أنفسنا عندما رأينا أجنبيّات يحملن أطفالهن الرضّع في جراب و يتمشّون عـاااادي .. ترضعه و تلاعبه أحياناً و الإبتسامه مشرقه على وجهها
ما أدري إذا نساءهم غير عن نساءنا ..؟! أوّل ما يبكي الطفل تتسخّط و تقول أبي خدامه ..!

أختاري أي مكان يعجبك على الخريطه و توكّلي على الله و لن يصيبه إلاّ ما كتب الله له ... و أقـتـراحي ماليزيا في أماكن بارده و جميله وفيه دافئه و إذا تبغي قريب عندك صلالة ماشاءالله أجواء جميله ومناظر أجمل بس أبتعدي عن العيون التي تكثر فيها حشرة العيرنوت و الله يحفظكم



/

اهم شي كافة مستلزمات الطفل تاخذونها معكم و تتأكدو منها ماتكونو ناسيين شي منها !
حماية الطفل من التقلبات الجويه و تغيير الحراره

الله يجزاكم الف الف خير كل من رد ,,,

مشكورين استفتدت من ارائكم جدا بستخير وانشالله راح اخليها عند اقاربي ..
بس وش رايكم بلندن هالوقت كيف جوها واسعارها؟؟