الموضوع: ابي اسافر الي اوروبا

انا اشوف ان تنقلاتكم كثيرة جدا بين هاذي المدن , و هذا الشيء يمكن يسبب لكم نوع من التعب و الارهاق و خصوصا ان معكم اطفال صغار الله يحفظهم و اكيد معكم شنط وايد .
حاولوا تقللون المدن اللي مو لازمه و تقعدون اكثر مدة في المدن الكبيرة مثل ميونخ و فينا و باريس و امستردام , و هذا الكلام صراحة اقوله لكم عن تجربة مرت معنا . .
اتمنى لكم رحلة سعيد ان شاء الله

مشكور اخوي على تفاعلك انزين شتشوف انخليها ميونخ فينا سالسبوغ زيلامسي وبعدين انطير على باريس ومن وين انطير لها وبعدين نطلع على هولند
يعني انخلياه المانيا النمسا باريس هولندا واشلون اوزع الايام وايش المناطق
ومشكور وماقصرت

الله يوفقكم ويسر أموركم درر2008

متابع فقط

ماشاء الله

والله لو تكتبن استفسارك في احد البوابات راح تحصلين الجواب الشافي
ماشاء الله مدتكم40 يوم لكن التنقلات تتعب و ماتخليكم تستمتعون

الله يوفقكم

مشكورين جميعا على نصايحكم وتفاعلكم
وخلاص بنخليها ميونخ والنمسا لان بنقلل المده بس لين الحين ماحدد زوجي اشكثر بيحذف من المده طبعا بسبب شغله ومشكورين مره ثانيه والله يعطيكم العافيه

ههههههههههههههههههه

اما انتي وين اذنك يا جحى

اختي العزيزة ليش اتروحين من ميونخ الى فينا

اطلعي ميونخ وبعدها زلامسي لان بينهم ساعه ونص اما فينا فيبيلكم فوق ال 7 ساعات

لهشي الجدول في النمسا يكون ميونخ بعدها زلامسي بعدها سالسبرغ بعدها فينا

وثاني شي اختي اتمنى اتكنسلون فينيسيا او البندقيه لانها مدينة مائية

وراح تتعبون وايد بلمشي ومن غير ان الفنادق الحلوة غالية وايد وانتو عندكم اطفال حرام راح يتعبون بلمشي ومن غير الرائحه الكريهه اتضايق اهناك لو بس انتي وزوجج بقول مب مشكله واخفاف بس مع اليهال حرام بتضايقون

ومن غير هذا كله ميلانو اقرب للنمسا ولسويسرا من فينيسيا

انا اقول روحو ميونخ وبعدها النمسا وهي زلامسي سالسبرغ وبعدها فينا

وبعدها تطلعون سويسرا من مطار فينا الى مطار جنيف وتسكنون فيها واتمشون بلمناطق القراب مثل لوزان وممكن اتروحون لميلانو وترجعون بنفس اليوم

وبعدها بلقطار اتروحون لباريس وتقدرون تسكنون في دزني لاند لو تبون علشان اليهال

انا اشوف هشي افضل لكم

لان امستردام ماتصلح للعائلة ابدا


يعني ممكن الجدول يكون ميونخ ليله بعدها زلامسي 4 ليالي بعدها فينا 4 ليالي بعدها جنيف 5 ليالي بعدها باريس 5 ليالي المجموع كله 19 ليله يعني 20 يوم

انا اشوف ان هلجدول انسب شي وهلجدول انا مسويه وهو ممتاز حتى بنكرره هصيف بس ممكن انشي النمسا وانضيف لندن

وغريبه بتروحون من الحين ليش مااتخرونها اشوي لين شهر 6 او 7

وبعد ليش مافكرتو بستراليا اذا قد رحتو لها فلجدول انا اشوفه وايد حلو

واي استفسار انا بلخدمة

مشكوووووور والله ضحكتني جملة (وين اذنك ياجحا)
والله ماعرف المسافات بين المناطق وفعلا كنسلنا من الجدول فينيسيا صج فنادقها وايد غاليه
طيب الحين نطلع على من ميونخ ونروح زيلامسي وبعدين نرجع على سالسبورغ ونروح فيينا بس كم الساعه بالسياره
وانا اشوف سويسرا مالها نطير على طول من فيينا الى باريس
بس انا بخاطري اشوف امستردام ليش ماتصلح
وانزين اذا بنكنسل امستردام نروح بدالها بروكسل؟
او على طول نطلع من باريس على برلين ونقعد كم يوم وبعدها على ميونخ

ونسيت اسالك اخوي (حلو ومدلع)
بالنسبه للسياره بنسلمها في فينا وبنطير لباريس اشلون عن تنقلاتنا في باريس اشلون نروح للمناطق السياحيه ودزني لاند وبالنسبه لين بغينا نطلع من باريس الى مثلا بروكسل او برلين اي احسن قطار او طائره وكم المسافه تقريبا
واسفه ادري اسألتي ماتخلص هههههه
وبالنسبه لسفرنا في هالوقت هو الانسب لزوجي

مشكوره حبيبتي على تفاعلج معاي
يعني برايج بروكسل تستاهل وكم يوم يبيلها