بعد شهور من الكرف اريد اجاااازه و محتاره بين لندن والمالديف

**ahmed2** · 01-12-2015, 11:13 AM

السلام عليكم ..
المالديف مازرتها ، كنت مييييته عليها ولو بروح لها بروح مع دبي يومين ..خاصه انه هالوقت من السنه مناسب جداً وطقسها جميل مافيه اعاصير باذن الله ، وانا من عشاق البحر والسباحه
اما لندن فرحت لندن يناير الماضي واستمتعت في تلك السفره لأنها تذكرني بنيويورك واحب المدن الصاخبه والمشي في البرد والتسوق
اعرف انهم عكس بعض انا اميل للندن، و اخاف لو رحت المالديف مايطيب خاطري من السفر لانها بس جزيره واخاف انها مضيعه وقت ..والله محتااااره مع العلم انه الاجازه بس 5 ايام اذا مب اقل وزوجي مايهمه المهم اختار وافكه من الحنه

مواضيع عشوائيه ممكن تكون تعجبك اخترناها لك:

**ahmed1** · 01-12-2015, 11:13 AM

و عليكم السلام

لندن بلا تردد

و اذا في خاطرك الراحة من هموم العمل خذي قطار من هناك الى البحيرات ويندرمير
و اقضي فيها يومين أو ثلاثة في فندق the inn on the lake

و راح تدعين لي بس لا تنسينا من الهدية من هارودز

رحلة سعيدة

**ahmedali** · 01-12-2015, 11:13 AM

اقترح المالديف لان مدة السفره مناسبه وثانيا اتزورينها لاول مره فلا اتخلينها في خاطرج. حتى لو ما عيبتج، المهم شفتيها وخذتي فكره عنها. وهذي تجربه في النهايه وان شا الله ما تندمين عليها.

**ahmedali** · 01-12-2015, 11:13 AM

رحت العام سيرلانكا وطلعت من كولمبو للمالديف كانت رحله رائعه لكن حنا حطينا اربع ايام للمالديف بس جان الملل ثاني يوم نصيحه حطي 3 ايام للمالديف وكافيه وكثير بعد بس انها رائعه بهدوءه جماله صفاءه