الموضوع: للخبراء شهر العسل وين ؟

[center]صباح والا مساء الخير

مواضيع عشوائيه ممكن تكون تعجبك اخترناها لك:

• روسيا بلدي الثاني
• ممكن مساعدتي في اختيار شهر العسل
• لمعرفة سعر الدولار اليومي
• البطاقة الائتمانية للبنك الأهلي ؟؟ افيدونا
• هل يمكنني تغيير حجزي بالخطوط الالمانية لوفتانزا
• نصائح مهمة للعوائل قبل حجز الفنادق على مواقع مثل بوكينج واجودا وغيرها
• بخصوص الــ ؟؟
• كيف تستمتع بالسفر وحيداً ؟
• ترشيح بلد رخيص لا يحتاج إلى استئجار سيارة!
• متاحفنا
• الشنقن في السعودية أو بريطانيا
• مساعده عاجله لموقع اقودا
• تنبيه هام بخصوص الصرفات وشرح عمليات السرقات بالخارج
• نصائح للسفر وأجمل الوجهات السياحية في أوروبا 2016
• مساعده من اصحاب الخبره المسافرين
• أفضل دولة من جهة برودة الجوالمناظر الخلابة
• استشاره سياحيه
• أرجو المساعدة
• خريطة الدوحة الشاملة
• اريد ترشيح مدينه لشهر العسل ؟؟؟؟

عزيزي ادخل على الرابط بتوقيعي وابي اجابات واضحه لكل الاساله الموجوده واهمها الميزانية لان المعدل المتوسط يختلف من فرد الى فرد

وبعدها راح تسمع رايي بعد ما اتجاوب على الاساله واشوف المعطيات

سلام

انصحك اخوي ماليزيا كبداية حلوه ويكمن يومين في المالديف
لان ماليزيا صارت ديرتنا الثانية وبما انك عريس اسهل لك
والخيار لكم اولا واخيرا
موفق

صراحة روح ماليزيا على كيف كيفك واحلى شي لنكواي و كوالالمور والجزر

حلو ومدلع

وين مانروح نجاوب اسئلة هههه ابشر بدخل واجاوب بس انت زبطنا بعدها هههه

بريك دانس
يعطيك العافية وماليزيا ضمن الاقتراحات

زعيم السفاري
والله صدقت ماليزيا ديرتنا الثانية عشان كدا ودنا نغير
فكرة حلوه بس المالديف قريبة من ماليزيا والا بعيده ؟ والتكلفة كيف تكون

حلو ومدلع
هذي اجابات الاسئلة



_عدد الايام ؟
10 - 20

_ عدد الافراد وأعمارهم ؟
[b][font="times new roman"][size="3"][color="blue"]2
_ الميزانية ( شاملة تذاكر السفر أو بدون ) ؟
20 شاملة ممكن تزيد او تنقص

_ تاريخ السفر ؟
ممكن بعد شهر

_ الدول اللتي تم زيارتها من قبل ؟
ربوع بلادي - وماجاورها

_ الفعاليات المفضلة في الوجهة ( تسوق _ شواطئ _ طبيعة _ ثلوج ...) ؟
جميع الفعاليات والترفية

من دول أسيا عندك ماليزيا و المالديف

او تركيا

ومن اوروبا سويسرا والنمسا او ايطاليا وباريس

وبس

سماكس يعطيك العافية مشكووور

بس ننتظر احد يعطينا برنامج لحو لوحده من هالدول

الف مبروك .......
ايطاليا - سويسرا
الميزانيه 30-35 الف
ميلان ليلتين
جاردا 3 ليالي (تمر فينيسيا - فيرونا مدينة روميو وجولييت - بحيرة جاردا وسير ميوني )
انسبروك (النمسا )ليلتين
زيورخ ليلتين
العوده ميلان ليلتين(تمر يوم كومو ولوجانو )
التنقل قطار
الفنادق حد اقصى 200 يورو باليوم

طيب تقدر مابين 25-30 تكفي .......

ياعزيزي كعبول انا ما اقدر افيدك لو انت مارديت على الاساله لان لكل دوله مناخ ووقت ينارح فيه وميزانية معينه لهشي اطلب من الكل يجاوبون وحطيت الرابط بتوقيعي علشان يكون في اشوية تفاعل

بنسبة لميزانيتك واكون صريح وياك اقولك روح ماليزيا وممكن سنغافورة بعد

ليش اول شي الدوله حلوة وثاني شي مناسبة وايد للميزانية

ممكن اقولك اوربا بس للامانه انت شهر عسل السعر الي بتسكن فيه بفنادق 5 نجوم بماليزيا يدوب يسكنونك 3 نجوم في اوربا

وبعد شهر بكون للحين في برد للامانه لو بتزيد الميزانية لل 30 الف ممكن اقولك روح اسبانيا بس اذا مافي مجال لا تظغط على نفسك

وماليزيا ممكن تقعد فيها مدة اطول من اوربا وراح اتعيش فيها بمستوا حلو لهشي انا احطها باول القائمه

وبعد ما اتفكر وتقتنع قولي واقولك افضل الفنادق والاماكن لاني زايرها من قبل ومن غير اعضاء البوابات ما بقصرون

مشكور ايطاليانو

حلو ومدلع
تتوقع اسبانيا كم يكفيها ميزانية ؟

قريب ال 30 الف ان شاءالله راح تكفيك لسبانيا

انا برضوا محتااار بس بتوكل على الله وان شاء الله تـــركيا

"نــــشوفك هناك"

المشاركة الأصلية كتبت بواسطة fahad.khalid
http://www.arabtravelersforum.com/tr...0/#post5922440

انا برضوا محتااار بس بتوكل على الله وان شاء الله تـــركيا

"نــــشوفك هناك"



هههه مرحبا يالغالي الرجال تزوج وخلص ورجع وانت تقول نشوفك هناك

اذا كنت عريس لا تفوت ماليزيا
بالتوفيق لك