الموضوع: مساعده من اصحاب الخبره المسافرين

السلام عليكم و رحمة الله و بركاته ..


بليز انا محتاااااره وايد ..
انا متزوجه و عندي ولد و بنت اعمارهم 4 و 2 سنوات ..

و محتاره وين اسافر .. انا خايفه عليهم .. و كله الشيطان يوسوس لي اني اذا سافرت يمكن ينسرقون او ينخطفون

فـ بليز عطوني خيارات مناسبه غير ماليزيا لاني رحت لها مرتين

انا خاطري باليابان .. بس خفت تكون ممله او مب مناسبه لـ عيالي ..

في انتظار اقتراحاتكم ..

مواضيع عشوائيه ممكن تكون تعجبك اخترناها لك:

• اول مره آسافر وابي مساعده
• السفرات العائلية
• موضوع تفاعلي هل تفضلون فنادق فنادق بسعر مرتفع ام اقتصادي؟
• أرائكم واقتراحتكم حول رحله أوروبيه ساعدوني
• محتارين شو بنختـــار
• الرجاء الرد بأسرع وقت
• برنامج سياحى لشخصين فى ماليزيا لمده 10 يوم 9 ليلة احجز الان
• القطرية ولا الاماراتية؟
• محتاجة تخطيط رحلة في لوس أنجلوس ضروري
• ساعدوني في تحديد وجهه السفر
• ابي اسافر لكن محتار بين لندن وسويسرا
• تفعيل بطاقة فيزا تسوق
• فزعتكم بوكينج بيكنسل حجزي
• استفسارات تحتاج لاجابات
• نقدر ندبرها من غير مكتب سياحة
• فندق ديسول سي بيتش مع اجازتنا للسياجة
• أكبر واجمل حديقة ملاهى فى جورجيا
• ليالي بعد اسبوع فين اقضيها
• الخطوط الجوية العربية السعودية
• اذا ممكن تساعدوني لترتيب شهر عسل ماليزيا تايلند

اختي لا توسوسين بالشيء هذا اذا انتي معهم ان شاءلله ما صايرن شيء كا عمري سمعت بأطفال انخطفوا
اذا بتلبسنهم ذهب البنت وانتي بتكشخين بذهب يمكن حتي انتي يخطفونك خلوكم مثل الشعب اللي انتم رايحين له والامور سهالات
سافرت مع اختي وعيالها لندن وماليزيا صراحه يلعبون كأنهم بالسعوديه
توكلي علي الله واستخيري لأي سفره لو داخل ديرتكم

وش هالوسوسه يااختي ..ماعليهم الا العافيه ان شاء الله ... اذا كانوا صغار خذي لهم عربية التوأم وارتاحي ...وسافري وانبسطي وماعليهم الا العافيه ان شاء الله ...وكثير اللي سافروا بأطفالهم والحمدلله ماجاهم شي...

ارجو ان تبعدي عنك هذا التفكير الخاطيء , و كلنا نخاف على اولادنا و هم فلذات اكبادنا , لو ان كل اسرة عندها اطفال و يخافوا عليهم من السفر إذن مافيه حد يسافر , توكلي على الله المهم تبعدوا عن مواطن الشر . . . ارجو من الله تعالى ان يحفظنا و إياكم من كل شر و مكروه

اهم شي لاتسافرين للدول العربيه لأن الخطف فيها كثير وشغل العصابات كثير
روحي لليابان شعب هادي يمكن انتي تخطفينهم ههههه

بغض النظر عن الوسوسه اتمنى اختي اتزورين الرابط الي بتوقيعي واتردين على الاساله وبعدها بنساعدح بالي تبينه

ونرجع للوسوسه اختي انا اتوقع دام انتي اتوسوسين اكيد صارتلج حادثه مشابه يعني مع احد من اعيالج الله يحفظهم او من القرايب لهشي حاولي اتعودين نفسج اذا فعلا هشي صار هاي ومومعناته تقصير منج ولاكنه حادث وقدر الله وماشاء فعل

وممكن تحمين اطفالج بعدة وسال منها تشترين الحبل الي يكون مثل الاسوار بايدج وايدهم

وحاولي اتحطين اورقه في جيبهم مكتوب فيها ايمكم ورقم التلفون والعنوان بلغتين العربيه والانجليزية واتحطينها في جيب الولد احتياط

وحاولي اتعلمينهم ينطقون اسمهم بلكامل ورقم التلفون تحسبا لاي طارى

وانتي بعد حطي عينج عليهم

واذا شفتي الوسوسه زايده انصحج اتزورين معالج نفسي

وبعد انصحج اتخلين شيخ يقرا عليج وتشربين ماي مقري عليه

وترا زيارة الطبيب النفسي او الشيخ مو عيب والكل يروحون لهم

لان اكتشفت واحنا في 2011 ان للحين في ناس ينسبون صفة الجنون على الناس الي يروحون للمعالج النفسي وهشي خط لان مرات الناس يروحون له حتى بس للفضفضه

على العموم اما طلعت برا لاسؤال لهشي ارجع واقولج بس دشي على الرابط وردي على الاساله

وانا حاظر وبشوفه

تحياتي

الله يسكن قلبك الطمانينه وكل امي تحاتي وتخاف ولا يخفيك كمان هنا بدول الخليجيه والعربيه خطف ولكن اقري عليهم الاذكار وودعيهم الله وخلي عينك عليهم احنا في بلدنا واذا طلعنا مكان عينى عليهم وراقبهم وكل الامهات يقلقون بس انتي ماقلتي شنو تبين نوعية البلد اذا رحتي لماليزيا خلاص غيري اعرف اليابان غاليه غير وجهتك من شرق اسيا روحي امريكا او كندا بلد حلو طبيعه كمان حلوه وشوبنج وملاهي وشعب فرندلي انصحك تخلي وجهتك لهم وموفقه يالغاليه