الموضوع: هاه وش رايكم؟؟

اعزائي انا عندي طفلين 3 و 5 سنوات
المشكلة اني ابسافر وباخذ معي الكبير فقط
المشكلة ايضا انهم متعلقين ببعض ...بس لو اخذهم كلهم بيزعجوني ...وودي اخذ الكبير لانه يفهم وراح ينبسط
هاه وش رايكم؟؟

مواضيع عشوائيه ممكن تكون تعجبك اخترناها لك:

• الميزانية لا تزيد عن الاف كم المدة اللي تكفيني لزيارة ماليزيا ؟؟
• شركة اوريزون انترناشونال هوليداى
• ارجوا الرد الاثباتات المطلوبة عند حدود دول الخليج ؟
• ملابس سبورت جميلة وأنيقة للسفر للخارج
• عقب انتهاء جلسة المباحثات بين سلطتي الطيران المدني في قطر وألمانياالقطرية تسير
• تذاكر لامريكا
• ياريت تفيدوني ابي اماكن تنفع شهر عسل
• رحلة شهر العسل لتركيا لمده يوم
• سفره مفاجأه
• شهر العسل أراءكم واقتراحاتكم
• أفضل الدول الاوروبية للسياحة
• مساعدتكم بخصوص وزن الحقائب المسموح به على الطيران
• واحد مو عارف شي ويسال عن كل شي
• الباكج للعرسان الذهبى بماليزيا 9 ايام تخفيض حصرى من شركه المسافر ماليزيا 2019
• استفسار بخصوص بطاقة الصعود للطائره
• ساعدوووني اتخذ قرار
• محتاجة مساعدتكم في اختيار مكان السفر بالنسبة للميزانية
• رحلتي الى سريﻻنكا
• استفسار بخصوص موقع حجز تذاكر طيران عليها خصومات
• ندااااء للكرمااء ابيكم تحددون وجهتي

مسافرة برا وإلا داخليه ...؟

عموما أنا مع أخذ الجميع .............. صدقيني لها أثر نفسي كبير على الطفل ....
لا تتركين أحدهم وتاخذين الآخر ... فأثرها النفسي قد يبقى طويلا ، و إن كان عمره 3 سنوات .

هذه نصيحتي حسب ما أرى وحسب تجارب أناس أعرفهم .

تحية لك .

اكبر غلط
يا تاخذينهم الاثنين وتستحملين الازعاج
يا ما تاخذين احد منهم



ولج الخيار

بس لا تفضلين حد علي حد
صغير علي كبير والعكس


الافضل لكي تستمعوا بالسفر
لا تاخذون احد منهم ولكن اوعدوهم بالهدايا راح يسكتون

إذا سفرتك قصيرة الافضل تخليهم عند امك أو أم زوجك

افضل لهم لان الجو بيتغير عليهم والاكل بعد ومكان نومهم يعني يبهذلونك ويتبهذلون

أما اذا سفرتك طويلة ممكن تاخذينهم لان صعب تفارقينهم فترة طويلة

ويمديهم يتأقلمون مع الوضع الجديد

اهم شي لا تنسين الادوية الضرورية "إن شاء الله ما يحتاجونهم "

عربيه اطفال للي عمره 3 سنوات ..


موفقة في رحلتك ..

لا خذيهم كلهم تكفين

لان عمر 3 سنين يفهم وانا مع اخذ الاطفال للسفر

خذي الاثنين أختي

ياتاخذينهم كلهم ولا ولا واحد فيهم وبعدين 3 سنين هالجيل يعتبرون كبار وفاهمين ماشاء الله عليهم

لو الموضوع راجع علي اقولج اخذي ابو 3 سنوات احسن من ابو 5 على الاقل ابو 5 يقدر يتحمل ويصبر عنكم بس ابو 3 سنين لو قام من النوم وانتي مب حواليه بيصيح وبيخاف وايد

لهشي انا اقول اتركيهم كلهم لان حرام اسبوع وتاخذينهم من غير الجو بارد انا اقول اوعدوهم بلهداية واكيد هم يستانسون عند بيت ناس معينين من اهلكم بيت عمهم او يدهم ودوهم بيت فيه يهال مثلهم وراح يستانسو وكلها الا اسبوع وبترجعون لهم
ومنها حتى انتي اتغيرين جو وترجعين لهم بنفسيه احلى بس لو خليتي واحد وخذتي واحد حرام حتى الله مايرضى وان خذيتيهم باذونج وماراح تستمتعين

وانا هاي رايي

انا اقول خليهم كلهم كلها اسبوع
اذا اخذتي الكبير وخليتي الصغير راح تاثر على نفسيته

انا اشوف خليهم الإثنين صعب تفضلين واحد على الثاني

بيتأثر الصغير وبيجلس فاكرها الين يكبر وما تدرين يمكن تتكون عداوه بينهم لأنك فضلي واحد وشلتيه على الثاني

انا اشوف خليهم الإثنين وارتاحي من وجع الراس
خصوصا ان السفره اسبوع بس
فغيري جو واستمتعي من غير صياح وهواش الصغاار

خخخخخخخخخ

خذيهم كلهم او اتركيهم كلهم

لا حرام خديهم بيستانسون أبدا لا تخلين واحد وتأخذين الثاني صدقيني بتم ف باله وبيسالج عقب لما يشوف الصور. أنا أشوف راحتي وعيالي جدامي حتى لو. سفر يومين. بعدين انتي تقولين وأيد مع بعض يعني حرام بيتم بروحه وأخوه بعيد عنه وهو مب متعود وما بيستانس. باللعب أو الطلعه مع أهلج

والله اختي انا رئيي مختلف عن البقاية مررررررة
وانا اقوووووول خديهم اثنينهم لا والله يمكن انتو مابتستانسوا اثناء
السفرة لاكن بتصير ليها دكريات واااااجد حلوه وخصوصا هم صغار
انا مجرب هالشي جربت الطريقتين صراحة فرق واجد
انا مصور كيف اختي تلعب وهمقالب مع بنت عمي
نعنووووو حيااااااااااه
وانشاء الله رئيي قد افادش
تقبلي تحياتي وتقديري :
الحياه فرنكدوس

تكفييييييييييييييين خديهم الإثنين وخليهم ينبسطوا والله حتى انتوا بتنبسطوا ماراح تشيلو هم اي احد

لو كنت مكانك آخذ الاثنين
الله يحفظهم