واحد مو عارف شي ويسال عن كل شي

**ahmed2** · 01-12-2015, 02:54 AM

السلام عليكم ..

ياجماعة الخير انا راجع للسعوية بعد عشر ايام وودي اطلع انا والمدام مكان حلو ومحترم وجميييييل ورخيص وخاص
ادري بتقولون وش يبي ذا .. اقولكم انا ماعرف شي بالسياحه والدول السياحيه (رحت امريكا وكندا وفنلندا وكلها دراسه وشغل) ..
ابي ديره فيها شاطئ يجنن واخذ كوخ على الشاطئ ويكون المكان اسلامي محترم مو تعري (معذرة على اللفظ).
ابي ديره قريبه يعني حدي 10 ساعات بالطياره من الرياض ..
الله لايهينكم اللي قد راح يعلمما وبنفس الوقت السعر او افضل طريقه للحجز من الرياض ..
ثانكيو فري متش

مواضيع عشوائيه ممكن تكون تعجبك اخترناها لك:

**ahmed2** · 01-12-2015, 02:54 AM

مرحبا عزيزي

اخوي عطني الميزانية بظبط وتاريخ السفر بظبط وعدد الافراد الي بسافرون وتاريخ السفر بظبط

بنسبة لي اقولك كبداية اذا تبي راحه وهدوء روح للمالديف

او ممكن تطلع على ماليزيا منها اتشوف اكوالالمبور وبعدها اتروح على لانكاوي وهي جزيرة ممكن تسترخون فيها وماليزيا بلد اسلامي

وهي ارخص من غيرها وممكن اتناسب ميزانيتك

واذا تبي مكان قريب ممكن تطلع على شرم الشيخ اقل شي قريبه ورخيصه

على العموم انت رد على الاساله وان شاء الله بنساعدك بالي نقدر عليه

**ahmedali** · 01-12-2015, 02:54 AM

هلااااااا بك حلو ومدلع
ميزانيتي ياطويل العمر 20 الف عشر ايام مع التذاكرر ( يعني حول العشرين 22 هيك) ..
والاشخاص اثنين والسفر ناويه على الاختبارات النهائيه (عشان مايكون فيه زحمه العالم كلها تختبر

ومصر ماواطنها لول .. حبيب قلبي ماتقصر

**ahmed3** · 01-12-2015, 02:54 AM

حلو الميزانية حلوة

بس ماقلت لي عدد الايام ويعني متى الاختبارات النهائية لان انا مو سعودي لهشي مادري متى فافضل تعطيني التاريخ بلميلادي

اقتراحاتي كتالي

اتروح سنغافورة 3 ليالي وبعدها اتروح على جزيرة لانكاوي في ماليزيا 3 ايام وبعدها على كوالالمبور 4 او 5 ايام

او

اتروح سنغافورة 4 ايام و 6 ايام هونغ كونغ

او

تطلع اسبانيا 8 ليالي

او اتروح باريس اسبوع

وممكن اتخليها باريس ولندن يعني 4 ايام باريس و4 لندن

وبنسبة للحجز ممكن تحجز عن طريق مكتب او ممكن اتقارن شوف اسعار المكاتب واسعار النت والارخص احجز عليه

الطيران انصحك اكيد بلقطرية او الاماراتية او الاتحاد او السنغافورة او الماليزيا

وعلى فكره ميزانيتك بشكل عام تقدر اتودي اسبوع اوربا او اسبوعين شرق اسياء شوف الي تبي وانا بلخدمة لاي مساعده

**ahmed1** · 01-12-2015, 02:54 AM

(حلو ومدلع) مااقصر
بس ماأنصحك لا في باريس ولا ب لندن لانهم غالين بالتذاكر يعني احسب الشخص الواحد
3500 وانتم شخصين يعني التذاكر 7000 ريال
يتبقى لك 14 الف الفين بتروح لتأشيره
السكن بالفنادق لندن وباريس غالي وانت بتروح في اختباراتنا بس اجازه اتوقع عند الخليجين
عموما انصحك بماليزيا بتكيفك وكثير بعد باريس أند لندن ماانصحك ابداا

**ahmed2** · 01-12-2015, 02:54 AM

5 ليالي سنغافورة

+

5 ليالي جزيرة لنكاوي

**alifun** · 01-12-2015, 02:54 AM

تبي تنبسط ..

ماليزيا - لنكاوي - فندق وستن

وطبعا لازم تدخل منطقة ثانية معها .. مثلا كوالالمبور - سنغافورة - دبي

وموفق ...

**alifun** · 01-12-2015, 02:54 AM

.’.’.’.

ما قصروا الشباب ..

وأضيف على ذلك : جزيرة موريشوس _ أندنوسيا ..

لو زرت بوابة الجزر في القائمة الرئيسية للبوابات وتطّلع على أنواع الجزر يمكن يناسبك شئ :.

.’.’.’.