المشاركة الأصلية كتبت بواسطة ضي العين مشاهدة المشاركة
يعطييييييييييييييييييك الف عافيييييييييييييييييييه
أنا الحين عملت حفظ لموضوعك هذا كله عندي لأنه راح يفيدني
السؤااااااااااال يقول
أنت الحين حاط كل مدينة وتحتها حاط احداثيات
مثلاً انيسي

Latitude 45° 54’ 57’’ North
Longitude 6° 7’ 58’’ Est
لو عندي القارمن هل ادخل الاحداثيات هذي فيه وهو يدلني عالطريق الصحيح
ولو بغيت اروح لها عن طريق الخط الزراعي هل يوديني من هناك
لانك ماشاء الله كاتب كل شي بالوصف جزاك ربي الجنة وصف دقيق بعد
او لازم ارجع للوصف الي أنت كاتبة
زي إذا ابغى اروح للزحليقي وش ادخل في القارمن حتى يوصلني لها
او لازم امشي على وصفك !
وإذا بغيت مطعم معين من الي انت حاطهم هل اكتب في القارمن اسم المطعم وهو يوصلني ؟؟
وشكرا بارك الله فيك
هلا بك ضي

القارمن شيء اساسي ومهم جدا للمسافر

لكن احتمال بسيط جدا انك راح تواجهين مشاكل اذا اعتمدي عليه 100%

أنا اوصف فقط لأني خلاص حافظ المكان واخاف فيه احد (دقة قديمة ) وما يستخدم هذه الأجهزة

نصيحتي لك

تشترين القارمن

وتتدلابين عليه زين هنا

صراحة فادني كثير في الرياض ودبي والبحرين

الأحداثيات هذي تدخل في مكان محدد له

ومثل ماذكرت انها انواع زانتي عليكي تعديل القارمن حسب نوع الإحداثية (كم خانه)

عندك في الدليل ملف اكسل اعتقد بيفيدك

واذا فرضا انتي ماعندك الإحداثية لجسر الحموات مثلا او الزحليقة

وانتي طالعة من ديفون الى انيسي في هذه الحالة

اختاري من قائمة القارمن أنيسي

وقولي له (Go)

الى ماتوصلين للحدود الرئيسية اللي بعد المطار والأنفاق

هناك مثل ما ذكرت راح يكون امامك خيارين بعد الحدود

اما انسي الزراعي (اللوح الخضراء)

او الهاي واي (اللوح الزرقاء)

هنا في مواقف الحدود ادخلي على الإعدادات وغيري الطريقة المفض

من الخط السريع الى (تجنب التول والدفع) - avoid tolls

أو

من ديفون تدخلين احداثية جسر الحموات

راح ياخذكي له على طول بدون اي ازعاجات


المهم تعرفين الوان اللوح في سويسرا عكس فرنسا

ويكون هناك حس بسيط وين انتم رايحين

يعني لو انتم طالعين لإنتركن مثلا من ديفون

اجلسي وامسكي الخريطة في البيت وتخيلي الطريق لها

راح تعرفين انك لازم تمرين من لوزان (نورد) وبالقرب من نيوشاتيل

وتجي الوديان الثلاثة على يسارك ثم بحيرة نيوشاتيل تحت على اليسار اسفل الجسر....


والقارمن ايضا فيه قوائم لكل شيء من محطات البنزين لفنادق والمطاعم

فقط اختياري و خليه يدلك

وممكن بعد مثل ما اهمل انا احوله اى نظام المشي واستخدمه ليدلني للمطاعم مشي

و أخيرا واهم شيء لتحديد موقع الزوجة

تحياتي

بالتوفيق ان شاء الله

مواضيع عشوائيه ممكن تكون تعجبك اخترناها لك: