بسم الله الرحمان الرحيم
اولا : اشكر القامين والاعضاء في شبكة المسافرين العرب على هذه الجهود الرائعة والتكاتف الاخوي
ثنين : بقسم الموضوع لقسمين
(القسم الاول المدينه ) ( القسم الثاني السكن والمعهد )
ثالثآ : بخش بالموضوع وبختصر عليكم الوقت
انا إن شاءالله طالع ادرسة لغه ٣ إلى ٦ شهور في بريطانيا
(القسم الاول)
والحين قاعد ادور مدينه تكون هدئة ومافيها زحمة وريفيه ويحبذا لو تكون ساحلية
وحاولت ابعد عن المدن الكبيره و الساخبه وبنفس الوقت قريب عشان وقت الويكند مايمنع نشقر على لندن
بعد البحث المتواضع لقيت كم مدينه:
١- سالبري
٢- بورمث
٣- كارديف
٤- هيستنغس
انا ابي مدينه يقل فيها السعوديين والعرب
(والله مو استعرار بهم بلعكس استمتع وافتخر واستنكر من الي يقول مابي ابوسعود و بهج منهم والخ ودايمآ بسفراتي استانس بصحبتهم )
بس انا رايح ابي ادرس واطور لغتي وذا كان فيه عرب غصب اختلط معهم عشان كذا ابي مدينه قليل فيها العرب
طبعآ ابي اقتراحاتكم ووجهت نظركم ب المدن الي ذكرته وإذا فيه غيرها افضل ياليت تذكرونها
-------------------------------------------------------------
(القسم الثاني)
المعهد وهو اكبر همي وماخفيكم خايف اطبح بواحد ويطلع سيئ وابلش
وهل ادخل | معهد الجامعه | او |معهد خاص |
وانا عارف ان معهد الجامعه اقوى بس اخاف معهد الجامعه يكون الكلاس زحمه واذا كان زحمه ماتقدر تختلط وما تاخذ راحتك و"بكذا تقل الفايدة"
والخاص سمعت من قريب لي " من تجربه"يقول مايهتمون إلى بفلوس و المحتوى سئ والله اعلم
واذا فيه معهد محدد من خلال تجربه ياليت تذكره
اما مايخص السكن
١-السكن مع عائلة : تكون مع عائلة وتكون فيه شروط والله اعلم وش بتكون العائلة وتعاملهم
٢-السكن في السكن الجامعي : تختلط مع شباب في نفس عمرك وتكون صحبه وتطلع مع بعض وتاكلون سواء والخ
وماعرف احد دخل السكن الجامعي كل الي اسمع عنهم مع عائلة
وليه اغلب الناس مع عائلة مع ان مميزات سكن الجامعه بوجهت نظري افضل بمراحل
وياليت اي معلومه لوكنت خارج الموضوع وتظن انها بتفيدني ياليت ماتبخل علي
(اسف اني ماقدرت اختصر حاولت قد ماقدر اقلل )
وانا قاعد بانتظار مشاركاتكممواضيع عشوائيه ممكن تكون تعجبك اخترناها لك:
- برنامج لتعلم اغلب لغات العالم و بالعربي
- اعرف مستواك فى اللغة الانجليزية
- من عنده علم عن دراسة اللغة الفرنسية؟ ومعاهدها؟ وهل الدراسة افضل في بلجيكا ولا فرنسا؟
- طلاب مجموعات g - h - i - j - k - l
- ماهو أفضل قاموس الكتروني
- الدليل المصور الموجز لفهم الإسلام صفة الوضوء والصلاة مصورة فرنسى
- من منكم يعرف مواقع لتعليم اللغة البوسنية
- ساعدوني محتارة بالمترجم
- دراسه لغه انجليزيه في ماليزيا لمدة شهور
- اللغة الفتناميه
- لكل أعضاء بوابة اللغات العزيزة الاخوة الكرام
- سلسلة تعلم معنا كل يوم مصطلحات جديدة موضوع متجدد
- الدراسة في روتروا
- نطق الكلمة
- معهد لتعلم اساسيات اللغة الإنجليزية
- كتب مفيدة لتحسين اللغة الانجليزية
- الى الأخ ملبورن
- استفسار عن اللغة الألمانية
- الخجل
- ما هو أفضل موقع لتعليم اللغة الانجليزية
رد مع اقتباس
المفضلات