تحذير هام للمسافرين الى سريلانكا في مطار كولومبو

**هاني الجابري** · 04-01-2016, 09:10 AM

مرحبا اخواني

بخصوص الفيزا السريلانكيه التي يتم استخراجها من الانترنت وطباعتها

فيه نقطه هامه صارت لاكثر من مسافر

لما توصل المطار راح يشيك ضابط الجوازات على التأشيره وراح يسألك بالانجليزي

انت سويت التأشيره بنفسك او عن طريق مكتب

مهما كانت الاجابه راح يقولك فيه غلط في تاريخ ميلادك وبالتالي تأشيرتك مرفوضه

طبعا راح تقول له انا عبيتها بنفسي ومتاكد اني وضعت تاريخ الميلاد صح

راح طبعا يكون غير هوا في الجهاز رقم من الارقام الخاصه بتاريخ الميلاد قبل مايسوي هالفيلم

وراح يوريك الشاشه ان تاريخ الميلاد غلط وراح تشوفه غلط عشان تقتنع

واذا قلت له عدله راح يقولك ما اقدر لان التاشيره صدرت

ومعاه واحد ثاني يساعده ومتعاون معاه على النصب

عشان تقول له والحل

راح يقولك ادفع 120 دولار تقريبا واطلع لك واحده جديده

طبعا انت ساعتها ماعندك حل ومضطر تدفع عشان تخلص بعد رحلة طويله وتعب

ولا راح يعطيك ايصال للمبلغ لانه يقولك التاشيره نفسها ايصال

المشكله كمان حتى لو اعترضت وطلبت مسؤول ماعندك اثبات على كلامك

لان الفيزا المطبوعه مافيها بيانات تاريخ الميلاد

لذلك يستغلوا الحراميه في جوازات المطار هالنقطه

عشان كذا انتبهوا اخواني من هالحركه

وانصح كل مسافر يطبع كل اوراق الفيزا وبها جميع المعلومات ( كل الصفحات )

عشان لو قال فيه غلط اطلب مدير الجوازات وخليه يشوف الاوراق الاصليه للفيزا

وراح تكتشف بعدين ان التاشيره اللي على جوازك هي نفس رقم التاشيره اللي انت سويتها

واطلب رفع قضيه على الموضف ولو بالكلام عشان يعرف ان المسأله مو لعبه

بالتوفيق للجميع

مواضيع عشوائيه ممكن تكون تعجبك اخترناها لك:

**The Prince1** · 07-04-2017, 02:05 AM

شكراً أخي على التنبيه

**موسى الصوص** · 07-07-2017, 01:46 PM

نعم صحيح , والافضل استخراج الفيزا من المطار

**The Prince1** · 07-09-2017, 03:08 AM

لا يا أخ موسى ليس هذا هو القصد. القصد هو أن تستخرج الفيزا بالنت (بسعر 35 دولار) للجواز ثم تقوم بطباعة كل التفاصيل الخاصة بها كإثبات في حال حصول تلاعب.

بينما استخراج الفيزا من المطار سيكلف 40 دولار للجواز, يعني أغلى