الموضوع: كيف تأجر سياره بألمانيا؟والنقاط اللتي يجب مراعاتها!

السلام عليكم يا أعضائنا الكرام أعضاء منتدى العرب المسافرون

والله يا جماعه جاتني أسأله كثيره عن التأجير في ألمانيا ......... بعد تجربتي السابقه

وعندي لكم حلول أنشاله تعجبكم من واقع تجربتي ؟

1- أنا عندي ولد عمي أجر سياره عن طريق مكتب اليوروب كار اللي بالكويت دفعلهم الفلوس وأتفق وياهم على أنه يستلمها بمطار ميونخ ويرجعها لهم هم بالمطار ............... فإنتم شوفوا مكتب اليوروب كار أو شركه Avisوهذول الشركتين موجوده بأغلب دول الخليج وبتلقون بعد عندهم عروض بعد :107:

2- من موقع اليوروب كار ولا من إيفيس راح تلقى عندهم وأنا قبل ما أكتب ها الموضوع داش عليهم ومتأكد وعطوني سعر الشهر 1800يورو للجيب طوارق بس هذا من مكتب المطار...... طبعا حاط تاريخ قريب ومن مكتب المطار وداش على الموقع مباشره........... وراح أذكرلكم الأسباب شلون تلقى أحسن الأسعار؟ :107:

موقع اليوروب كار

موقع الإيفس

3- إذا تعرفلك واحد عنده ممبرشب للشركات أو بعنى آخر عنده كرت عضويه للزبائن للشركات تلقى عندهم أرخص :110:

4-هناك فئات للسيارات أو تصنيف خاص للسيارات فتلقى فرق الأسعار يعني تأجرلك سياره فولكس واجن بولو شهر 900يورو لأنها مصنفه من فئه السيارات الصغيره أو الكومباكت
أما تبي تأجر مرسيدس500أس أل فابالشهر تقريبا 3600 يور لأنها مصنفه من سيارات الفارهه

5- المده كل ما تكون طويله كل ما تكون سعرها باليوم ارخص جرب تأجير شهر وجرب تأجير أسبوع واحد فقط وشوف الفرق سعر السياره باليوم

6-الحجز المسبق يعني كل ماحجزت قبلها بفتره شهر وأكثر تلقى سعر أرخص من اللي بتلقاه بحجز قبلها بأسبوع

7- عمر المأجر: كل مايكون عمره كبير كل ما كان أرخص يعني اللي عمره30 سعر أرخص من اللي عمره 20 وهذا علشان تأمين السياره

8- تلقى الأسعار من مكتب والثاني فيه فرق للنفس الشركه سواء بنفس المدينه ولا بمدينه ثانيه
على حسب كم سياره بالمكتب فاضيه............. خلني أعطيكم مثال

يعني مكتب اليوروب كار اللي بالمطار عنده 10سيارات جيب طوارق تأجر منهم 7 سيارات وباقي 3 فيرفع السعر ال3 الباقي........... ولو تروح مكتب اليوروب كار بنفس المدينه بس ما عليه ضغط وعنده قول 10 سيارات طوارق بس مو مأجر منهم شي تلقاه ينزلك بالسعر ويعطيك عليه عروض والكيلومترات وهذا من سياسه مش بضاعتك لاتخيس

9- دائما مكاتب المطار أغلى من المكاتب اللي بالمدينه وذلك للظغط اللي عليهم وكما ذكرناه بالنقطه السابقه
ي- دش على مواقع تأجير السيارات عن طريق غير مباشر من محركات البحث القوقل أو الياهو يعطونك أسعار أرخص من أنك تدش على الموقع مباشره

10-الشركات تتنافس بالصيف ويصير بينهم صراعات وعروض لجذب السياح فتلقى السيارات بعض المرات أرخص على فئه من السيارات وبعض المرات أغلى فأنا أنصح في البحث والتريث بين الشركات

11- مكان التسليم والإستلام يفرق وياك بالسعر؟؟؟............. يعني إذا أستلمت السياره من شركه اليوروب كار من ميونخ وخذيت جوله أوربيه على جنيف وإيطاليا والنمسا ووصلت باريس بس مالك خلق ترجع ألمانيا بالسياره تروح أقرب شركه يوروب كار بباريس وتسلمها لهم بس ياخذون عليك عموله إرجاع السياره عاد شوف كم ياخذون 300يورو 400يورو هم وحسبتهم


وهذا كل اللي خطر ببالي الحين وياريت من الأعضاء اللي عنده خبره يفيدنا ويفيد إخواننا الموجودين
أو يكتب نبذه عن تجربته وشنو السلبيات وشنو الإيجابيات عن تأجير السيارات ويحط عناوين الشركات الباقيه

مواضيع عشوائيه ممكن تكون تعجبك اخترناها لك:

• الفيزا من السفارة الايطالية والرحلة لميونخ على الاماراتيه راح اواجه مشكلة والا عادي ؟
• شورو علينا الله يسعدكم
• محتاج مساعدتكم وارائكم تم حجز التذاكر
• ممكن معلومات عن بادفولنق بوستل
• عندي استفسار بخصوص الرقم بليز ردوا علي ما بقى شي ع سفري
• ضروري ابي مساعدتكم
• ارجو المساااعدة في تنظيم خط سير الرحلة
• شقق فندقيه غرفيتـــــــن في ميونخ
• رحلة علاج في مدينة كولون المانيـأ
• تغيير الحجز ضروري
• نصائحكم اول زياره لالمانيا
• كيف استخدم الايفون في تحديد الاماكن؟
• احداثيات اوت لت ميتزنجن واسواق سالزبورغ
• سؤال سريع عن إإيجار سيارة
• التاكس فري في المحل نفسه خصوصا المحلات الكبرى
• رايكم بهذه الفنادق
• رشحوولي فندق في ميونيخ
• جدول للرحلة
• المشورة في تنسيق رحلتي القادمة
• رحلتي الى اوروبابلجيكافرنساالمانياالنمسا

في نقاط بوضحها وأسهلها للأعضاء الباقين للسواقه في أوربا وهي كالتالي:

1- السواقه في الخليج ولا في أوربا نفس الشي بس الفرق سلوك السائق يختلف بين البلدين مع إحترامي لأخوانا بالخليج

2-السرعه القصوى بألمانيا بالخطوط السريعه 130كيلومتر وفي الطرق الريفيه 100كيلو متر وداخل المدن50كيلو متر
وفي الخطوط السريعه الحاره اللي على اليسار كلش غير مسموح إنك تمشي عليها مسموح لك فقط بالتجاوز وهي حاره غير محدده السرعه أما بالحارات الباقي فالسرعه المسموحه130 كيلومتر

وهناك علامات للدلاله على الخطوط السريعه والخريطه خلني أوضحها


العلامه الزرقاء دائما اللي بالصور تبين الخطوط السريعه على لوحات الطريق


والخطوط الزرقا اللي بالخريطه دائما توضح الخطوط السريعه

3- التقيد بالأشارات الضوئيه الجانبيه إذا تبي تلف يمين ولا يسار ولا التجاوز من حاره إلى حاره والتوقف فورا عند عبور المشاه على خطوط المشاه الأرضيه



4-عدم إستخدام الأبواق لأنها غير محببه أو عاده سيئه أو إستهزاء بالشخص اللي قدامك بأوربا كلها إلا إذا لزم أو للضروره

5- المواقف: يفضل إستخدام المواقف المخصصه بالدفع وهي أضمن مع مراعاه تشيك متى وقت إقفال الموقف أو الموقف 24ساعه

أما إذا تبي توقف مجاني فيجب ملاحظه جانب الطريق إذا يوجد خطيين صفر محاذي للرصيف فهذا غير مسموح بالوقوف بتاتا وفي أي وقت أما إذا يوجد خط واحد أصفر فهو مسموح بالتوقف بعد الساعه8ليلا
أما إذا لم يوجد خط أصفر فهو مسموح بالوقوف ولكن أسفط صفطه عدله ولا تخلي السياره شوي مايله ولابعيده عن الرصيف وتوجد مواقف بجانب الرصيف تصفط السياره وتشوف مكينه الدفع بجانب الرصيف وتدفع وتطلعلك ورقه تحطها بالسياره من الداخل حيث تبين متى إنتهاء وقتك

6- ربط حزام الأمان وعليها مخالفه أنت واللي جنبك ولزوم وجود مقعد خلفي للأطفال دون الرابعه

7- تشغيل الأضواء إذا كان الجو ممطرا أو وجود غيوم سوداء في عز النهار

8- عدم رمي المخلفات والسجائر من النوافذ وهي عليها مخالفه

9-الحذر من كاميرات السرعه وهي منتشره كثيرا بأوروبا وتلقاها حتى بين القرى أو الطرق الريفيه

السلام عليكم ورحمة الله وبركاته

معاليه حبيبي يا حلو على التأخير ...

شوف عزيزي انا بعطيك تجربتي من خلال رحلتي السابقه واقول :

اول ماوصلنا ع هامبورق كانت براسي السياره صحيح اني ما أخذت في بالي سالفة الجارمن لكن قلت مافيه مشكله .

انتبهت لسالفة وحده وهي لما الواحد يبي سيارة كبيرة " فان " لازم يحجز من قبل اليوم المحدد بمدة وخاصةً لما يكون وقت عطل عندهم لانك راح تلاقي كل المكاتب فاضيه زيادةً على سالفة الأسعار مثل ماتفضلت وذكرته كل ماقلت السيارات كل مازادو بالأسعار .

أخوي " ابونديم و ابوريان Goch " ساعدوني بهذا المسأله وأخذت سيارة من مكتب غير مشهور ويقع في مدينة Goch هذا المكتب يتعامل مع مكاتب Hertz واخذت منهم هذي السيارة :



والسعر كان " 45يورو " والمدة كانت شهر ولما زدنا المدة حسبو علينا السعر على اساس " 35يورو " يابلاش ..

طبعاً أسعار المكاتب الكبيرة كـ Hertz أو Avis او Europcar بما لا يقل عن 85 يورو .. ففيه فرق بالسعر .

زبدة الموضوع كله الله يسلمكم ، ابحثو عن مكاتب صغيره تتعامل مع مكاتب كبيرة تضمن لك :
1- سعر أقل بكثير .
2- مرونه بالتعامل .
3- عدم أشتراط وجود كردت كارد .

مايعيبها التالي :
1- التأمين يكون من 500يورو وفوق << يعني لا قدر الله صارلك حادث >>> انت تدفع لحد 500يرور ومابعدها هم يدفعونها .
2- مافيه فروع كثيرة للمكتب وعلى هالأساس يكون التسليم بنفس المدينة .

بتلقف وبجاوب على اخوي mkandari واقولك عزيزي رحلة موفقه بأذن الله ...
هل قيادة السيارة سهلة هناك ؟ يعني قوانين المرور , وبإيش تختلف عن الكويت أو دول الخليج؟
والله شوف اخوي مافيه اسواء من السواقه عندنا يعني هناك بترتاح كثير .. النظام ميه ميه .. التقيد مليون بالميه .. يعني بتسوق وانت متطمن .. وفرق بين القوانين بيننا وبينهم والله يخلف بس ..

وهل تأجير السيارة راح يطلع أرخص من التنقل بالقطار ؟
اي والله وبكثير وتخيل عزيزي " تستاجر رحلة وحده بالقطار بين مدينتين بما يعادل 150يورو خط واحد بينما تستاجر سيارة بالنصف ويمكن بالثلث من قيمة القطار وغير كذا السيارة متى مامسكة على وقفة بمدينة ولا مكان جازلك مايمنعك اي شي " اما القطار فغني يالي ما اطولك .

وكم سعر البنزين هناك؟
اول شي انصحك بسيارة تشتغل على الديزل لان البنزين بيطفر فيك ... والسعر والله نسيت وقاعد اعصر مخي ومادري هلى البنزين مابين 87-93 سنت << أقل من يورو ولا الديزل هذا سعره .. ويكون البنزين بين 103 إلى 110 يورو والله متلخبط فأكيد خبيرنا بيقول لنا ...

وانا بعد عزيزي هذا كل اللي خطر في بالي ومع الأستفسارات ان شاءالله بنطلع بالمفيد ...
تحية وتقدير

أما بخصوص البنزين فأسعاره متقلبه على حسب الشركه اللي تعبي منها و يوم تلقاه صاعد ويوم نازل بس صعوده وإرتفاعه بنسين أو3بنسات
وبالنسبه لمحطات الوقود على الخطوط السريعه أغلى من اللي في المدن

وتفرق أسعار ألمانيا عن أسعار النمسا فرضا بالوقود................ بس الفرق مو كبير

بس سعر اللتر عموما تحت 1 يورو

وأنا أفضل سيارات الديزل هناك أوفر بانزين وأنا مأجر سيارات الديزل متطوره جدا ونفس ممشى البنزين تقريبا بس فرق صوت المكينه

السلام عليكم ورحمة الله وبركاته
تعميما للفائدة
اضع لكم موقع يساعد فى تاجير السيارات وبه روابط لعدد من شركات التاجير
الموقع باللغه الالمانية ولكن تستطيع فهم المحتوى اذا تتبعت روابط الشركات
حيث تجد اسفل الرابط
خانات تقوم بتعبئتها حسب مدة التاجير والفتره الزمنيه التى تريد فيها السيارة ومكان التسليم والاستلام
تستطيع ان تجد عروض للتاجير تبداء من 529,00 EUR فى الشهر مع ملاحظة ان الشهر هو 28 يوم وليس 30 فى بعض المكاتب

ملاحظه :
سعر البنزين يبداء من اورو وربع
الديزل : ثمانية وتسعين سنت اى اقل من اورو ولكنه وصل الى اورو وربع فى شهرى 2و3 الماضيين


[web]http://www.tarife.de/mietwagen/[/web]
اليكم الرابط


[

يعطيك العافية اخوي ياحلو انا على موضوعك
بعلمكم تجربتي قبل العام والي صار لنا عشان يستفيدون الاعضاء منها
الله يسلمكم كالعاده طبعا مسافرة انا وزوجي وانواع الشنط وكالعاده انواع الهواش والتفلسف فشلتينا الناس من شنطه وانتى اربع شنط ماعلينا المهم وصلنا مطار جنييف ورحنا لشركة ايفس وللمعلومية من سنيين نتعامل معها,المهم وزوجي راحاستجار سيارة من المطار لمدة يوم واحد فان يالله تشيل الشنط وقال لهم بنسلم السيارة بفرع ايفس في لوزان من بكره حسبو لنا السيارة بيوم واحد 290 فرنك سويسري وطبعا زوجي انواع العصبيه طول الطريق من مطار جنيف الي لوزان شفتى لو انك سنعه وزي الناس كان اخذنا سيارة صغيرة ومافي داعي للخسارة وهالسيارة لكن ماراح تتركين طبعك وحبك لشيل الشنط ماعلينا برضه
يوم جاء ثاني يوم ونروح لشركة ايفس نبي نسلم السيارة ونستاجر سيارة ساب الكشف الا وتمسك فينا الموظفه الي بشركة ايفس وتحلف علينا مانرجع الفان وتعطينا سعر اسبوع كامل ب 330 فرنك تخيلو بس انا دافعة على يوم واحد 290 فرنك وهذي تبي تعطينا اسبوع كامل ب 330 فرنك نقولها يابنت الحلال نبي سيارة صغيرة وكشف حنا شخصيين وش نبي بفان وهي ساعة تحاول تقنع فينا كنا مافي احد بياخذ هالسيارة غيرنا
طبعا اخذنا الساب الكشف بس وربي انغبنت من السعر حق يوم واحدوكيف صار أسبوع بفرق بسيط بالسعر.
تجربتي هذي حكايتها لكم عشان تعرفون اولا استجار السيارة من المطار غالي لكن لو معكم عفش مثلي وعائله الشكوه لله فيكم فيكم