الكلام ده انا نقلته كده بالظبط من صفحه حجاجوقيتش
تحذير هام لكل الناس "المصريين والعرب" الي مسافرة دلوقتي أو حتسافر أو بتفكر تسافر للبلاد دي (المجر - سلوفاكيا - صربيا - رومانيا) و خاصة #المجر...
حاولوا تتجنبوا تماماً السفر للدول دي عشان حاجات كتير أوي من أهمها:
١-البلاد دي إسمها "بلاد غجر أوروبا" يعني الأفقر و الأخطر و الأكتر إجراماً في كل القارة الأوروبية
٢- بيحصل بمعدل يومي مئات السرقات بالغاز المخدر شديد المفعول ملوش أي ريحة أو لون "يتم رشه عن طريق انبوبة صغيرة من تحت الباب او من اي فتحة" في القطارات و بيوت الشباب و الهوستل و بعض الفنادق و بيتم سرقة كل حاجة معاكم ده لو حظكم حلو "الموضوع ده منتشر بطريقة رهيبة في بلاد أوروبا الشرقية" و لسة جديد علي بقية دول العالم
٣-لو حظكم وحِش حيتم سرقة أعضائكم البشرية أو أطفالكم و إنتم فاقدين الوعي تحت تأثير الغاز المخدر و في ٩٩٪ من الحالات عمركم ما حتشوفوا أطفالكم تاني لأنهم بياخدوهم يشحتوا بيهم في بلاد تانية زي ألمانيا و إيطاليا و عمركم ما حتعرفوا مين سرق أعضائكم البشرية
٤-الشرطة في البلاد دي "شدييييدة الفساد" و كل اللي حيعملوه ليكم لو رحتم قسم الشرطة عشان تعملوا بلاغ إنهم حيكتبولكم محضر و بعدين حيقوللكم بما معناه "بلوه و إشربوا مايته"
٥-في بعض الحالات الناس اللي بتتسرق منها كمبيوترات أو كاميرات أو حتي عربيات، بعد يومين تلاتة بيلاقوا حاجاتهم معمولها إعلانات للبيع علي الإنترنت و لو "إنت لسة في البلد أصلاً" و رحت للشرطة، مش حيعملولك أي حاجة و حيقولولك روح إشتريها منهم !!
٦-البلاد دي الناس فيها عنصريين جدااااااااا لدرجة لا يمكن وصفها ضد العرب "مسلمين و مسيحيين" ، أي حد شكله عربي حتي لو مكانش عربي من الاساس
٧-أي حد مصري أو عربي حييجي الدول دي حيحس بالعنصرية الشديدة في كل مكان "كل الناس حتعاملك بإحتقار و إستفزاز شديد" زي ما الألمان كانوا بيعاملوا اليهود في بداية أيام هتلر ، لدرجة إنك أول ما حتدخل سوبرماركت أو محل عشان تشتري حاجة حتلاقي فرد أو فردين أمن ماشيين وراك زي ضلك "كأنك حرامي محترف" و بعدين حيفتشوك لما تشتري الحاجة !!
٨-لو لا قدر الله نويت تركب مترو أو ترام أو أوتوبيس أو قطار ده يبقي من حظك التعيس لأن السواق حيبلغ الأمن أو الشرطة و حتلاقيهم طالعين "الحاجة اللي إنت راكبها" و سايبين الناس كلها و جايينلك إنت و بيسألوك علي التذكرة و الباسبور بتاعك و حتي لو معاك، حينزلوك من المواصلات و حيبلطجوا عليك شوية و حيكون نفسهم إنك تتخانق معاهم عشان يخدوك علي القسم و يعملوا عليك حفلة "
٩-لو إنتي محجبة "بلااااش أبداً" تيجي البلاد دي حتي و الله لو ببلاش الرحلة ، عشان إنتي حتكوني بجد عملتي غلطة عمرك و كل الناس في الشارع و حتي في الأماكن السياحية حتهاجمك و تقولك كلام مهين "كتير منكم لو فهمت معناه حتعيط كتير أوي" و لسة الموضوع ده حصل قدام حجاجوفيتش في مترو الأنفاق في بودابست، شوية عيال شباب من المجر إتلموا علي شابة مسلمة شكلها زي الملاك "من ألمانيا" لابسة الحجاب و مردوش ينزلوها من المترو إلا لما تقلع الحجاب و لما رفضت ، إبتدوا يبلطجوا عليها و يحاولوا يقلعوهولها بالقوة لغاية ما #حجاجوفيتش و شابة تانية من أمريكا في المترو راحوا يدافعوا عنها و يسحبوها من البلطجية...
و الموضوع ده بيحصل بصفة يومية في القطارات في سلوفاكيا و رومانيا و المجر و صربيا و ساعات التشيك
١٠-أي حد حيضطر لأي سبب إنه يبدل فلوس بلاش تماماً إنك تبدلت من الصرافات "لأنهم في معظم الوقت حيدوك فلوس مضروبة" و دايماً روح بدلها من البنك، و لو حتستخدم كارت البنك بتاعك لسحب فلوس من ماكينة السحب خلي بالك إنهم دايماً بيكونوا حاطين قطعة بلاستيك إليكترونية صغيرة جداااا في فتحة الكارت عشان تقرا المعلومات بتاعة كارتك و عليه العوض و منه العوض في فلوسك اللي في الحساب لأنهم حيسرقوها كلها frown emoticon
يا ريت اللي بيفكر يسافر بلاد أوروبا الشرقية عشان أسعارها الرخيصة، يراجع نفسه و يسافر أي بلاد تانية...
Ahmed Haggagovic - أحمد حجاجوفيتش
الكلام ده انا نقلته كده بالظبط من صفحه حجاجوقيتشمواضيع عشوائيه ممكن تكون تعجبك اخترناها لك:
- ممساح لو سمحت توقيت الصلوات
- التنقل باستخدام سيارة خاصة بدون الاعتماد على المكاتب السياحية هولندا
- بلجيكا فنادق واسعار ببلاش
- مطلوب معلومات عن اليونان للاهميه
- لخبراء اليونان سؤال عن التأشيرة وقتها ومكانها؟
- عدت من بولندا كراكوف
- حد منكم سمع عن قبردينوبلقاريا؟؟؟؟
- الانطلاق من باريس والعوده من فيينا بالسيارة
- بلغاريا وجهة السياح من مختلف أنحاء العالم
- الفزعة ياشباب السفر الى رومانيا
- ان دخلت كمعتمر هل ستخرج لي فيزه شنغن؟
- وين القى حلاوة البقر في وارسو
- عااجل للعندي عنده خبره بالفيز
- استفسار عن الشيشان
- خبراء هولندا ممكن مساعدة
- العلاج في اوكرانيا
- العربية للطيران تعلن جدول رحلاتها إلى العاصمةالأوكرانية كييف
- عاجل وللأهميه تكفون ياخبراء فارنا
- هل ممكن السكن مع عائله في التشيك
- ساعدوني بكل شي عن التشيك وسويسرا وايهما افضل
رد مع اقتباس
المفضلات