الموضوع: ممكن تساعدوني في رحلتي محتارة اوروبا ..!

المشاركة الأصلية كتبت بواسطة Noof

صباح الخير جميعا ..

احس اني جبت العيد بـ برنامج سفرتنا
زوجي معتمد ع الله ثم علي ارتب الفنادق والسفرة لاول مره

بقولكم خط السير

من الدمام - ميونيخ
نجلس فيها 3 ايام
وبعدين نروح الى فيينا 4 ايام
وبعدين نروح الكابرون 4 ايام
وزلامسي 7 ايام
بس والله

ودي اضيف باريس ديزني لاند ..!
لكن مدري وش الافضل هل نستاجر سيارة في المانيا ونتمشى فيها
بالنمسا وسويسرا ونروح باريس ؟
خصوصا اول مره اروح اوروبا

ارجوكم افادتي
البرنامج قابل للتعديل
كم تبعد ميونيخ عن النمساء ؟
كم تبعد الكابرون عن فيينا ؟
ابي اضيف باريس ديزني لاند
ووين تقع يورب بارك ؟

بليييييييييز افيدوني متووهقه .. انتظر ارائكم

يا مرحبا اخت نوف
اخت نوف في توضيح اذا تنقلكم بالسياره او القطارات وبالنسبه للعيد حايبته وخلص ههه
وبالنسبه للطيران تنزلون ميونخ والرجعه من اي بلد

اخت نوف تنزلون في ميونخ وبعدها الى فيينا للعلم المسافه 450 كم يعني اربع ساعات وفوق بالسياره
وتسكنون اربع ايام وبعدها ترجعون الى كابرون المسافه نفسها تقريبا وتسكنون اربع ايام
وبعدها الى زلمسي 7 ايام ما ني عارف ليش الظاهر ليس لديكم علم انه بين زلمسي وكابرون 5 كم فقط ليش التنقل بين المنطقتين وبالنسبه لى افضل الاقامه بكابرون افضل عن زلمسي
وبالنسبه لديزني لاند تبعد فوق الالف كيلو من ميونخ وبالقطار حوالى ال 6 ساعات
ومافي شك بالنسبه للسياره هي الافضل
وسؤالك عن البعد بالنسبه لميونخ عن النمسا فهناك عدة مناطق فمثلا لزلمسي وكابرون بحدود ال 170 كم ويوجد بعض المناطق تبعد قرابة ال 100 كم تقريبا
وبالنسبه لليوروبارك فهي ثاني اكبر مدينة العاب باوربا وتقع على الحدود الالمانيه الفرنسيه وتبعد عن ميونخ قرابة ال 400 الى 450 كم او اكثر بقليل
بالقرب من بادن بادن الالمانيه وستراسنبورغ السويسريه وفراينبورغ الالمانيه

وان رغبتم بخط سير يضم المانيه ومناطق سويسريه وبعدها الى النمسا
فيكون الخط
النزول في فرانكفورت والرجوع من ميونخ
النزول بفرانكفورت ومنها الى روست مدينة الالعاب 4 ايام وتبعد 240 كم
- ومنها الى بحيرة بودن سي او المناطق المجاوره لها السويسريه والسكن 4 ايام 250 كم تقريبا
- ومنها الى غارمش الالمانيه او المناطق المجاوره ومنها انسبورك وهي منطقة تسوق او سيفليد والسكن 4 ايام وتبعد حوالى ال 200 كم
- ومنها الى كابرون او زلمسي والسكن 4 ايام وتبعد حوالى ال 200 كم
- ومن كابرون الى ميونخ والسكن يومين والعوده من مطار ميونخ وتبعد 170 كم

هذا خط سير جميل بحسب اللى معاك وعددهم طبعا ان كان يرغبون بالالعاب لاول منطقه
والتنقل بالسياره هو الافضل يتم تاجيرها من فرانكفورت ويتم ارجاعها بمطار ميونخ او يمكنكم عكس خط السير من ميونخ الى فرانكفورت

وييفضل اخذ جهاز الجارمن للتنقل بالسياره على الراحه وتوفير الوقت عن الضياع بالطرق


اسف اخت نوف لم اذكر ديزني لاند بالجدول هذا وتم الغاءها لبعدها عن خطوط السير