الموضوع: احتاج مساعدتكم رحلة لاوربا

المشاركة الأصلية كتبت بواسطة AlDe7Mi

يا اخوان كل هالمشاهدات وماحد ابدى رايه

يا ليت اشوف تفاعلكم وارائكم ربي يسعدكم

يالدحمي ياخوي لان الشباب يشوفون طلبك يبيله واحد يروح معاك اريحلك واريحله ههههههههههه لا تزعل اضحك معاك

يالدحمي
تبي اللى يفكر عنك ويخططلك ويسكنك ويستأجرلك سياره ويحطلك المواقع وينسق مصروفاتك هذا اللى يخليهم مايجاوبونك بصراحه
انت حدد الدول والمناطق وانك راح تستاجر سياره ولا لا وحدد مثلا عددكم وهذي الامور وان شاء الله تلقى تجاوب من الشباب

يالدحمي لاتزعل من كلامي فقط حبيت اوضحلك الامر وهذا اللى اعتقده

المشاركة الأصلية كتبت بواسطة بوسلمان

يالدحمي ياخوي لان الشباب يشوفون طلبك يبيله واحد يروح معاك اريحلك واريحله ههههههههههه لا تزعل اضحك معاك

يالدحمي
تبي اللى يفكر عنك ويخططلك ويسكنك ويستأجرلك سياره ويحطلك المواقع وينسق مصروفاتك هذا اللى يخليهم مايجاوبونك بصراحه

على هونك على هونك ياخوك اول شي علشان نكون ناس محترفه وعمليين ومانرمي الكلام جزافا

اول شي انا حددت دولتين وطلبت مشكورتكم بالثالثه فقط وما طلبت احد يفكر عني ياليت تبين الجمله الي طلبت فيها ان احد يفكر عني

وبعدين حددت عدد الايام وسالت عن خط سير الرحلة بحكم انه هناك ناس عندهم خبره كافيه ممكن استفيد منهم ما ادري اذا تشوف اني لاني سالت فقط عن خط سير الرحلة الافضل معناتها ان الواحد خطط لي خلاص

وبالنسبة للسياره سالت بس وشو وسيلة النقل الافضل لاستخدامها فقط وما اشوف انه سؤال مره دقيق او ما ينسال

انت حدد الدول والمناطق وانك راح تستاجر سياره ولا لا وحدد مثلا عددكم وهذي الامور وان شاء الله تلقى تجاوب من الشباب

يا استاذي الفاضل انا حددت الدول وطلبت مشورتكم فدولة وحده فقط وبالنسبه للمدن سالت انه ماهي اهم المدن الي المفروض الواحد يحرص عليها

يالدحمي لاتزعل من كلامي فقط حبيت اوضحلك الامر وهذا اللى اعتقده

وانت بعد لا تزعل من كلامي بس حبيت اوضح لك الامر علشان ما ندخل موضوع ونرمي كلام ونمشي

وعموما جزاك الله خير ع الرد وما كنت اتصور اني اسال احد عن معلومه عنده ممكن يفيد فيها احد تخليه يحس انه هو الي قاعد يسوي كل شي وتتطلب منه مجهود كبير ووالخ

انتهى ..

المشاركة الأصلية كتبت بواسطة AlDe7Mi

وانت بعد لا تزعل من كلامي بس حبيت اوضح لك الامر علشان ما ندخل موضوع ونرمي كلام ونمشي

وعموما جزاك الله خير ع الرد وما كنت اتصور اني اسال احد عن معلومه عنده ممكن يفيد فيها احد تخليه يحس انه هو الي قاعد يسوي كل شي وتتطلب منه مجهود كبير ووالخ

انتهى ..

يا مرحبا فيك يالدحمي ومن كلامك زعلالالالالالالان
والله يالدحمي قصدي بس ابين طلبك لانه راح يطول وانت غير محدد العدد والبدايه وخط الرجعه مثلا ولا محدد الدول يعني خليتها عايمه على وطلبت اسامي المناطق لكل دوله
فاول طلب لك قلت
1 - في البدايه كم دولة تنصحوني بزيارتها وادري انك محدد ثنتين وتبي تضيف ثالثه صح وكلمتي انك تبي احد يفكرلك انك تبي دوله ثالثه وهذا من حقك بالسؤال ومافيها شي والقصد لو انك مقرر افضلك انها ماتكثر الاسئله ومحد يجاوبك وصدقني من واقع خبره ولاتضع الاسئله في رساله وحده خلها بالتدريج

2- بالنسبه لخط السير الى الان لم يتم حجز الطيران من قبلكم صح والمعنى انك تبي احد يبلغك وين تنزل ووين تغادر والطريقه صح

3 - وانت طلبت المدن اللى المفروض تزورها بكل الدول اللى راح تحجز عليها صح يعني اذا البلد الوحده مثلا فيها 10 مناطق راح يتم كم مدينه وتبي شرح عليها صح لان معرفتك قليله فيها صح
4 - وتبي تحديد مصروفاتك اليوميه لكل دوله علما بانك لم تذكر العدد اللى معاك بمعنى راح يكون هناك طلب شرح اخر منكم بالتفاصيل
5- ويالحمي يابعد راسي سألت عن السياره او وسيلة تنقل ثانيه وماهي يعني تبيلك شرح للسياره او القطارات او اي وسيله اخرى وكيفية العمل فيها وطريقة التنقل
6 - يالدحمي سالت عن الجارمن وبالنسبه للجارمن يفضل انه معاك والجارمن انك راح تحتاج احداثيات كل دوله والاماكن السياحيه ولا انا غلطان

ويالدحمي حياك الله وادري يمكن راح يضايقك كلامي واسمحلي مقدما بس حبيت اوضحلك ان الامر يبيله متابعه طويله على طرح اسئلتك لكي تستفيد
ولا بالاختصار ما اعتقد انك راح تستفيد بشكل وافي ومريح لك فمثلا انا كتبتلك خط جميل في المشاركه رقم 4 وما عطيتني خبر عليه لكي اقوم بالمتابعه معاك نقطه نقطه
وللعلم انا قلتلك ان الامر يبيله متابعه بشكل صحيح عشان تستفيد بشكل افضل كونك اول مره تروح لاوربا

وما انتهى ...... ابد على راحتك ولا تزعل والله ابي مصلحتك والفايده كلها لك

المشاركة الأصلية كتبت بواسطة AlDe7Mi

السلام عليكم ورحمة الله وبركاته

العشر عليكم مباركه ان شاء الله

انا ان شاء الله ناوي اسافر لاوربا بشهر سبتمبر باذن الله وبصراحه ابي استفيد من خبرتكم ومعلوماتكم الله يعطيكم العافيه بحكم انها المره الاولى لي لزياره اوربا

في البدايه كم دولة تنصحوني بزيارتها علما ان مدة الرحله من 18 الى 20 يوم انا بصراحه حاط في بالي ازور ان شاء الله النمسا وسويسرا وبلد ثالث للحين ما قررت وش يكون اما المانيا او ايطاليا او فرنسا انتو وش رايكم

وش هو خط الرحله الي تقترحونه علي ابدا من وين وانتهي وين

ماهي اهم المدن الي المفروض اني ازورها بحكم خبرتكم

هل استئجار سياره والتنقل بها افضل او استخدام وسائل النقل الاخرى وماهي ؟

اعلم انه من الصعب تحديد مبلغ معين بس بحكم خبرتكم كم المبلغ المتوقع صرفه بغض النظر عن التذاكر

هل اذا استاجرت سياره يجي معها جارمن او اجيب الجارمن تبعي من السعوديه ( علما ان لغتي الانجليزي ممتازه بفضل الله )

ما ودي اكثر عليكم بالاسئله بسا يا ليت تفيدوني ونكمل حديثنا ان شاء الله

اسال الله ان يتقبل منا ومنكم ويجعلنا من عتقائه من النار

يالدحمي بتابع معاك اللى اقدر عليه

- النزول بفرانكفورت ومنها الى روست مدينة الالعاب 4 ايام
- ومنها الى بحيرة بودن سي او المناطق المجاوره لها السويسريه والسكن 4 ايام
- ومنها الى غارمش الالمانيه او المناطق المجاوره لها من النمسا والسكن 4 ايام
- ومنها الى كابرون او زلمسي والسكن 4 ايام
- ومن كابرون الى ميونخ والسكن 3 ايام او اربع والعوده من مطار ميونخ

هذا خط سير جميل بحسب اللى معاك وعددهم طبعا ان كان يرغبون بالالعاب لاول منطقه
والتنقل بالسياره هو الافضل يتم تاجيرها من فرانكفورت ويتم ارجاعها بمطار ميونخ
وبالنسبه للجارمن يفضل اخذ واحد معاك وخاص لك تحط فيه جميع الاحداثيات اللى تبيها والخاصه افضلك
هذا خط مختصر لك يالغالي وعطنا رايك بالرغبه فيه او لا