الموضوع: إستفسار بخصوص مسار رحلة و شركة تأجير سيارات في أوروبا

السلام عليكم إخوتي
إن شاء الله ناوي أسافر إلى ألمانيا والنمسا وسويسرا بداية شهر 8
خط السير يكون كالتالي:
الوصول إلى مطار ميونخ
ليلتين ميونخ
أربع ليالي كابرون
ليلتين إنسبروك
ثلاث ليالي إنترلاكن
والمغادرة من مطار زيورخ
الله يخليكم إللي عنده فكره عن السفر إلى هذي الدول يفيدني بخصوص المسار.. هل يعتبر مسار جيد ولا متعب؟؟

أنا إستأجرت سيارة من ميونخ وأرجعها زيورخ.. يعني كل تنقلاتي بالسياره
إستأجرت من شركة cartrawler .. ياليت إذا حد ممكن يفيدني هل هذي الشركة مضمونة ولا ممكن يلعبوا عليك..
وهل الحجز يشمل التأمين للسيارة ولا لازم بعد تأمين للسيارة وقت الإستلام..
وبخصوص الليسن.. الليسن عندي ينتهي بعد 10 أيام من العودة من السفر.. هل تتوقعون ممكن يسوولي مشكلة؟؟
مع العلم إنه الليسن بيكون صالح طول فترة تأجير السيارة

مشكورييين مقدما إخوتي..

مواضيع عشوائيه ممكن تكون تعجبك اخترناها لك:

• مساعده من ذوي الخبرة
• سبحانك ربي ما أعظمك زيلامسي
• مساعده بخصوص الميزانيه
• هل أعضاء وزوار منتدى النمسا رائعين كروعة ريف النمساكروعة جو النمساهل هم كذلك؟
• الموضوعات التي تفيدك في قيادة السيارة في أوروبا تجدها هنا ..!!
• سياحه متعه مغامره استجمام رحلتي للنمسا
• برنامجي الاخير لشهر العسل
• شهر ابريل ابغا مسااااعدتكم بليز
• فزعه ومشوره بالتخطيط والفنادق
• هل يوجد في سوريا
• الرحلة بعد تسع شهورر بماذا ابدأ حاليا ؟؟
• استفسار عن تأجير السيارات والشقق
• موقع تاجير شققرايكم بليييييز
• استفسار بخصوص عدد النزلاء في فنادق النمسا
• جدولي لزيارة النمسا شهر عسل مساعدتكم اذا احتاج تعديل
• الأجواء في بداية سبتمبر
• مساعدتكم بخصوص احداثيات الفندق
• حماه القديمه قصر العظم
• استفسار مسافر جديد
• من يبغى يفلها بزيلامسي بدباب

المشاركة الأصلية كتبت بواسطة بوسلمان

حياك الله يالغالي

بالنسبه لخط السير والمناطق حلو ومافيه شي وبالنسبه لترتيب المناطق حلو
وبالنسبه للمسافات لايوجد مسافات بين المناطق فقط بين انسبورك وانترلاكن فهي الاطول بحدود ال 450 كم او اكثر بقليل
يعني بحدود ال 5 ساعات تقريبا اواقل
- من ميونخ لكابرون 170 كم
- كابرون الى انسبورك نفس المسافه تقريبا 170 كم
- انسبورك الى انترلاكن 450 كم تقريبا
- انترلاكن الى زيورخ 120 كم

وبخصوص الشركه لا علم لي فيها
وبالنسبه للتامين هذا يبين على حجزك واتفاقك معاهم
او انك قبل استلام السياره تبلغهم بان السياره تامين شامل ولا لأ
وعلى رغبتك اذا بغيت تضيفه ولا ما تضيفه وكله بحسابه
والسياره للعلم عليها رسوم اضافيه لانك بتسلمها في بلد ثاني والرسوم للشحن لارجاع السياره
وبالنسبه لليسنك مافي اي مشكله ولازم يكون معاك اجازه دوليه وفيزا بنكيه ولا ماراح تستلم السياره

مشكور الغالي بو سلمان
ما عليك قصور
بس الله يخليك ما فهمت إيش قصدك بالاجازه الدوليه والفيزا البنكيه؟؟
ممكن تشرحلي إيش المقصود فيها وكيف ممكن أحصلها
منك السموحه تعبتك معي

المشاركة الأصلية كتبت بواسطة بوسلمان

يا مرحبا فيك ياشيخ
الاجازه الدوليه لازم تستخرجها قبل السفر ولها مدة على طلبك سنه او اكثر وما اعرف بالضبط وين تستخرجونها انتم لاني ما ني عارف اي بلد انت فمثلا عندنا بالكويت تستخرج من نادي السيارات او في شركات خاصه معتمده للامور هذي ويمكنك الاستفسار عنها من مكاتب السفريات في بلدك
يفيدونك
وبالنسبه للفيزا ضروريه بعد مثل الماستر كارت والفيزا اللى تستخرج من البنوك

مشكووور الغالي
ما قصرت