الموضوع: ساعدوني ارتب رحله لاهلي ... اول مره لاوروبا

السلام عليكم
يالغالي بصراحه ودي اساعدك لكن طلباتك كثيره جدا بالنسبه للايام المحدده ولو انك تحط فوقهم نفس عدد الايام يمكن تخلصهم وما اعتقد انك راح تمر على كل الاماكن هذي بسهوله وبالذات لانكم عايله ومكونه من اطفال فراح يكون الطلب هذا متعب جدا فمثلا قضاء كم يوم في جنيف يفضل التسيح فيها والمرور لاماكن عده في جنيف والمناطق المجاوره لها وزياره فرنسا لان البحيره مطله على فرنسا ويوجد فيها اماكن وقرى يفضل زيارتها والتمتع فيها مثل فيان وانسي ومونترو وديفون وشوموني الفرنسيه وغيرها من المناطق الجميله وبعدها للوصول الى انترلاكن قرابة ال 250 كم تقريبا ولا اعلم هل نقلكم عن طريق السياره ام القطارات ووانترلاكن لا يمكن زيارتها زياره عابره لوجود الاماكن الجميله فيها وهي بكثره وبعدها الى النمسا ( زلمسي ) مثلا تبعد قرابة ال 550 كم ويوجد بها الكثير من الاماكن التي لايمكن الاستغناء عن زيارتها وبعدها فيينا وتبعد حوالى 500 كم او اقل وسالزبورج وتبعد حوالى 120 كم تقريبا من زلمسي وقرية هايدي السويسريه تبعد قرابة ال 400 من زلمسي
والمشله ان الاماكن هذي ليس على اتجاه واحد
وهذا للعلم
حبيت ابين طلبك وانت احكم عليه هل من الممكن قضاءه في ال 14 يوم مع حساب ايم التنقل والتنزه اعتقد انه كثير ومتعب
فلو تختصر افضل فمثلا الغاء النمسا والذهاب الى جنيف والنترلاكن والعوده من زيورخ او النزول في ميونخ او سالزبورج والذهاب الى زلمسي وزياره هالستات وانسبورج وكابرون والمناطق المجاوره والعوده من ميونح والسكن فيها للتسوق ومن ثم العوده
وهذا للتوضيح لك وحدد رغبتك وانا حاضر باللى تبيه وارجوا توضيح وسيلة النقل لديكم ان كان بالسياره او القطارات
ولك مني اجمل تحيه

على فكره يالغالي

للعلم فقط ممكن ترتيب هذي الرحلات فقط اذا تم الغاء فيينا ولكن راح تكون متعبه بعض الشي عليك وتكون على عجاله في الزيارات وتكون رحلتك من جنيف مثلا والعوده من ميونخ والغاء بعض الاماكن لضيق الوقت هذا للتوضيح فقط