الموضوع: حط طلبك وابشر باللى يسرك عن المانيا

المشاركة الأصلية كتبت بواسطة JOUDY

السلام عليكم ورحمة الله
الأخ الفاضل بو سلمان اشكرك على جهودك في المنتدى بس عندي استفسار مستعجل ياليت ترد علي
حجزت موعد لاستخراج الفيزا الألمانية بكره ان شاء الله وسددت الرسوم وكل شي تمام
اللي ناقصني تعبئة النموذج وطباعته حتى تكتمل الأوراق
المشكلة اللي تظهر لي في خانة التاريخ أن الصيغة اللي كتبته فيها غلط
جربت جميييع الطرق ماضبطت معي من أكثر من متصفح مثلا 12 / 10 / 2013 أو 12 . 10 . 2013 أو 12 10 2013
كلها تطلع غلط ماعرف ايش المشكلة اللي عندي وكيف اكتبه بطريقة صحيحة

بانتظار الحل او الطريقة الصحيحة اذا تكرمت لاني فقدت الامل

يا مرحبا فيك يالغالي وحياك الله
بالنسبه للتواريخ هذا يرجع الى نظام الكمبيوتر غالبا بتحويل اللغه الى انجليزي
وبالنسبه للتاريخ اللى انت حاطه 2013 ونحن في سنة 2015 يمكن هذي اول مشكله
وللحل يوجد طرق جربها يمكن تمشي معاك انت تقصد انك تكتب بالطريقه هذي 12/10/2013
فاذا كانت هذي الطريقه فالحل
- انك تكتب بالاول اليوم وبعدها الشهر وبعدها السنه وهذي الطريقه الصحيحه
واذا ما مشت معاك
- اعمل عليها كوبي والصقها
واذا ما مشت معاك
- اضغط على ستار او ابدأ وادخل على الستنج settings
وادخل على كنترول بانل control panel راح تحصل شكل الكره الارضيه مكتوب تحتها Regional and language options افتح عليها وراح تحصل مربع مكتوب فيه arabic واسم البلد غيره الى اللغه البريطانيه او الامريكيه واضغط على كلمة applay و ok وان شاء الله تضبط معاك باحدى الطرق هذي وبنفس الطريقه رجع اللغه اللى كان عليه الجهاز


وبالاخير اخر العلاج الكي ههههه مثل مايقولون خلها فاضيه واكتبها يدوي